BITOOTESSA 6, 2024
RAASHIYAA

Obboleettii Keenya Yeeleenaa Koozhevniikoovaa Hidhaan Daangaa Waggaa Lamaa Ishiitti Murteeffame

BANI

Bitootessa 4, 2024, Mana Murtii Godinaa Sentiroonii Toolyootii inni Naannoo Samaara jiru, obboleettii keenya Yeeleenaa Koozhevniikoovaan yakkamtuu akka taate ishiitti murteesse. Hidhaan daangaa waggaa lamaa ishiitti murteeffameera. Yeroo ammaatti mana hidhaa galuun ishii hin barbaachisu.

Ibsa Gabaabaa

Yeeleenaa Koozhevniikoovaa

Bara Dhalootaa: 1961 (Ivaanoovaa, Naannoo Ivaanoovaa)

Seenaa Jireenyaa: Mana kuusaa guddaa tokko keessatti hojii gurgurtaa hojjeteetti. Ilmi ishii tokkichi yeroo umuriin isaa 18 taʼutti duʼe

Guutummaa Kitaaba Qulqulluu dubbisuuf murteessite. Dhugaa Baatota Yihowaa wajjin qoʼachuu yommuu jalqabdu gaaffiiwwan ishiitiif deebii ifa taʼe argatte. Bara 1998tti cuuphamte

Yaada Dhuunfaa a

Warri kaan siif kadhachuu isaaniitiin kan fayyadamte akkamitti?

Kadhannaan obbolootaa fi obboleettonni koo anaaf jecha dhiheessan, murtoo dhiibbaa na irra gaʼaa jiruun akka hin moʼamne godhe cimsachuuf na gargaareera. Kadhannaan isaanis taʼe ani dhiheessu, yeroo Yihowaa nagaa sammuu naaf kennu hundatti deebii akka argate natti dhagaʼama. Kunis sirriitti akkan yaaduu fi murtoo ogummaa irratti hundaaʼe akkan godhu na gargaareera. Yeroo waliif kadhannu garaan Yihowaa akka gammadu goona. Yeroo gad nu ilaalutti haala kanaan tokkummaa qabaachuun keenya akka isa gammachiisu natti dhagaʼama. Kadhannaawwan akkasii akka na gargaaran beekuun koo, anis warra kaaniif kadhachuu koo akkan itti fufu na kakaaseera.

Yihowaan Yeeleenaa dabalatee obbolootaa fi obboleettota keenya ariʼatama dandamachaa jiran hundaaf, “karaa hafuura isaa humna” isaaniif kennuudhaan kadhannaa keenyaaf deebii akka kennu beekuu keenyatti guddaa galateeffanna.—Efesoon 3:16.

Chaartii Yeroo

Caamsaa 15, 2023

Himanni yakkaa ishii irratti baname
Caamsaa 16, 2023

Manni ishii ni sakattaʼame
Caamsaa 18, 2023

Akka hin imalle dhorkamte
Hagayya 16, 2023

Himanni ishii irratti baname mana murtiitti ilaalamuu jalqabe
Bitootessa 4, 2024

Yakkamtuu akka taate itti murteeffame; hidhan daangaa waggaa lamaa ishiitti murteeffame

a Yaanni obboleettii keenya Yeeleenaa kan fudhatame hidhamuu ishii duradha.

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA