Tʼáá yéigo doo yáʼátʼééhgóó łaʼda bichʼįʼ áhóótʼįįdgo áádóó yikʼeh didlı̨́įgo éí bizhdiilkaalgo óolyé. Díí bee nahóhoneestą́ąʼgo kójítʼée doo. Awééʼ nikididoogáałgi naaʼanágoh doo, tʼáá ákótʼé iiná yáʼátʼéehgo ázhdoolíiłgo achʼįʼ anáhwiitʼééh bił danítʼiʼ.

Áłchíní łaʼ tʼáadoo leʼé chʼééh ííłʼı̨́įgo, nantłʼaii bee bichʼįʼ hodiiʼnáahgo, índa doo ákótʼéégóó ánílééh bidiʼníigoda yikʼee doo ákótʼée da łeh. Łaʼ tʼóó yikʼidighááh. Díí baa ákodazhnízin doo:

• Tʼáá ałtsoní íilníiłii éí doo ałtso łaʼdiilníił da.—James 3:2.

• Tʼáá áníiltso éí yiidááłgóó nihichʼįʼ nahwiidiyooʼnaał.—Ecclesiastes 9:12.

• Łaʼda kótʼéego hałníigo tʼéiyá íhwiidooʼááł.—Proverbs 9:9.

Áłchíní éí tʼáadoo leʼé yidiilkaalgo éí ndanitłʼaii bidááh nihwiileehgo bichʼįʼ shidziil nízin doo.

Neʼawééʼ chʼééh áátʼįįdgo.

BINAHJĮʼ NAʼNITINII: “Diné tʼáá ákogi átʼéii tsostsʼidi naaʼiigoh, nidi tʼáá bíighahdi nídiiʼnah.”—Proverbs 24:16.

Neʼawééʼ éí tʼáadoo leʼé hazhóʼó yaa nitsékees dooleełgi bee bíká anánílwoʼ. Éí óltaʼdida test tʼáadoo pass áyiilaagóogo, éí haa doonííł? Éida kóníi doo: “Tʼáadoo bééhasiní da!”

Wołí bee yidiilkaal doogo éí haitʼéego íʼiilaago bá yáʼátʼéehgi bee bíká anánílwoʼ. Áko tʼáá bí yikʼeh didlı̨́į doo, áádę́ęʼgo doo bikʼeh didlı̨́į da doo.

Tʼáadoo bá hashtʼeniłʼíní, bíniʼdii tʼáá bí ííłʼı̨́. Ndi, tʼáá bí yinahaʼáhígi łahdóó bee bíká anánílwoʼ. Kóbidiníigo: “Díí baa íhoołʼaahígíí haitʼéego íʼiinilaago hazhóʼó bikʼiʼdidiitı̨́ı̨́ł, nínízin?”

Doo yáʼátʼéhígi áhootʼįįhgo.

BINAHJĮʼ NAʼNITINII: “Yiską́ągo áhodooníłígíí doo . . . béédahózin da.”—James 4:14.

Yiidááłgóó doo éédahózin da. Diné atʼíinii yiską́ągoda baa hojoobaʼí dooleełgo átʼé. Łaʼda doo bąąh téehii yiską́ągoda bitsʼíís bąąh dah hwiidooʼaał. Diyin Bizaad ání, “Tʼáadoo kótʼé ílíní doo bá yáʼátʼéehii bikʼi hwiileeh.”—Ecclesiastes 9:12.

 Azhéʼé dóó amá nohłı̨́įgi, nihaʼáłchíní atídooníiłgi bitsʼąą baa áhółyą́ą łeh. Ndi doo éí tʼáá ałtsoní doo yáʼádaatʼéehii bitsʼąą áłchíní óolzin dooleełgi tʼáá biʼoh honeeʼą́ą łeh.

Neʼawééʼ éí bikʼis łaʼ yóóʼabidííʼą́ągo doodaiiʼ akʼéí ńtʼéeʼgo ádin silı̨́įʼgoda yichʼįʼ haʼólníi dooleełgo bee bíká adiilwoł. * Áko hóyáanii silı̨́įʼgo éí bichʼįʼ hodiiʼnáahgo tʼáá bí yee ádíká análwoʼ doo. Éí naanish bitsʼáltʼeʼgo doodaiiʼ béeso ásdįįdgoda tʼáá bí hashtʼeidoolííł.

Binanilnishii hazhóʼó hashtʼedanileʼ bidiʼníigo.

BINAHJĮʼ NAʼNITINII: “Náásínílı̨́įʼdi honíyą́ą doo biniyé kótʼéego nidiʼnínígíí yíísíníłtsʼą́ą́ʼ.”—Proverbs 19:20.

Neʼawééʼ tʼáadoo leʼé hazhóʼó hashtʼeniłʼı̨́ bidiʼníigo doo tʼáá naʼníleʼdii ábidiʼníi da. Éí tʼóó hazhóʼó hashtʼenilééh bidiʼní.

Niheʼawééʼ éí hazhóʼó kótʼéego bidohníigo bee nanohtingo nihá yáʼátʼééh. John azhéʼé nilı̨́įgo ání, “Áłchíní tʼáá náʼiisihí bikʼeh bitsʼąą háájiiłteehgo éí doo íhwiidoołʼáał da. Achʼįʼ nahwiiʼná ádá áyoolíiłgo, áádóó tʼóó bá hashtʼeełʼı̨́įgo éí bee bichʼįʼ náhoyółná. Díí éí azhéʼé dóó amá índa awééʼ nilínígíí tʼóó bee ałchʼįʼ nidahojiiłná.”

Neʼawééʼ éí hazhóʼó hashtʼedanileʼ bidiʼníigo, haitʼéego bee bíká adiilwoł? Éí tʼáadoo bichʼą́ą́h yáníłtiʼí. Ndi, kóbidiníi doo:

• “Haʼátʼíí biniinaa kótʼéego nichʼįʼ haʼoodzííʼ?”

• “Haitʼéego níká adoolwoł?”

• “Kónáánéinidzaago haitʼéego áʼdíílííł?”

Neʼawééʼ éí hazhóʼó hashtʼedanileʼ bidiʼníigo bá yáʼátʼééh. Éí náásílı̨́įʼdi ałdóʼ bá yáʼátʼéeh doo.