Diné yáʼátʼééhjí oodááł éí yáʼátʼééh dóó doo yáʼátʼééh bił bééhózin. Yáʼátʼéehgo dóó doo yáʼátʼééhgóó ádaaníiłii éí binahjįʼ naʼnitinii bikááʼ sinil. Azhą́ doo hadabisíid da ndi yikʼeh dahółʼı̨́.

Daʼóltaʼdi, sin, doodaiiʼ níłchʼi naalkidí biyiʼdóó binááł ndaalkidígíí áłchíní doo tʼáá aaníí haneʼ deidiitsʼaʼ da. Díí beʼoodląʼ yidoołchxǫǫł.

Nooséłí nilı̨́įgo bee bichʼįʼ nahwiiʼnáago átʼé. Naaltsoos Beyond the Big Talk ání, nooséłí “bikʼidaʼdootįįł ląʼí diné kóní ádá biłníigo yikʼeh áátʼįįł łeh, áko ayóí dashóʼní nízingo. Bikʼis doo bił yáʼátʼéeh da ndi, yáʼátʼéehgo íʼdoolííł bee nanitin.” Tʼah doo nooséłí yileehgo hazhóʼó nanítin.

Yáʼátʼééhjí oodááł bee nanítin.

BINAHJĮʼ NAʼNITINII: “Nidahineesáanii . . . éí háidísh yáʼátʼééh índa háidísh doo yáʼátʼéeh daígíí bił béédahózin doo biniyé yaa nitsídaakeesii naʼíhonitaah yee yídahoołʼą́ą́ʼ.”—Hebrews 5:14.

• Yáʼátʼééh dóó doo yáʼátʼéhígíí bééhózin íiyosin. Tʼáá ákwíí jı̨́ díí hazhóʼó bee naʼnitin. “Tʼáá aaníinii átʼé; doo tʼáá aaníinii átʼé.” “Díí hojíyą́; doo hojíyą́ą da.” “Há áhwiinítʼı̨́; doo há áhwiinítʼı̨́į da.” Naʼáłchíní éí yáʼátʼéehgo áániił yíhwiidoołʼááł.

• Haʼátʼíí biniyé yáʼátʼééh dóó doo yáʼátʼééh hazhóʼó bee naʼnitin. Kótʼéego nabídíłkid: Haʼátʼíísh biniyé tʼáá aaníinii bee yáníłtiʼ? Haash yitʼéego hayoochʼíidgo hakʼis hatsʼą́ąjįʼ dadiighah? Haʼátʼíísh biniyé doo azhniʼįįh da? Naʼáłchíní hazhóʼó yáʼádaatʼéhígíí bee bił hwiilneʼ.

• Haitʼéego bíká adoolwołgo ííshjání áyiilaa. Bił hólneʼ: “Doo hayoochʼíidgo, éí doo hakʼi dahaʼaah da” doodaiiʼ “Há áhwiinítʼı̨́įgo, éí hóhoneedlı̨́.”

Nighan hazʼą́ą́dóó yáʼátʼéehgo bééhoʼdílzin.

BINAHJĮʼ NAʼNITINII: “Hazhóʼó nidaʼádínóhtaah.”—2 Corinthians 13:5.

• Yáʼátʼéehii éí nighan hazʼą́ągi bee bééhoʼdílzin doo, éí kótʼéego bee hadiidzih:

  •  “Nihighan hazʼą́ą́dóó éí doo danihiyoochʼíid da.”

  • “Doo daʼdiiltsʼı̨́įh da dóó doo ałchʼįʼ dadiilwosh da.”

  • “Doo saad nichxǫ́ʼí bee ałchʼįʼ yádeiltiʼ da.”

Naʼáłchíní yáʼátʼéehii yaa ákodanízin, éí doo bee hazʼáanii átʼée da. Kótʼéego nighan hazʼą́ą́dóó bee bééhoʼdílzin doo.

• Tʼáá áłahjįʼ naʼáłchíní bee nanítin. Tʼáá ákwíí jı̨́ nihił áhooníiłii bee nanítin. Níłchʼi naalkidí biyiʼdóó dahaneʼígíí dóó óltaʼdi bił ałhąąh naninilgo bee naʼnítin. Kótʼéego naʼáłchíní nabídíłkid: “Haash yitʼéego ádíínííł?” “Nihighan hazʼą́ą́dóó éísh haitʼéego ádaʼdoolííł?”

Yáʼádaatʼéehii bidziilgo íinisin.

BINAHJĮʼ NAʼNITINII: “Doo ádaahtʼı̨́ı̨́góó baa ákodanohsin.”—1 Peter 3:16.

• “Yáʼátʼééh,” dabidohní. Naʼáłchíní yáʼátʼéehgo ááníiłgo, “Nizhóní” bidiní, dóó biniinaaígíí bił chʼídííʼááł. Kóbididííniił: “Doo hoyoochʼíid da. Éí baa shił hózhǫ́.” Naʼáłchíní asiihígíí yee nił halneʼgo, áłtsé éí, “Ahéheeʼ, doo niyoochʼíid da,” bididííniił, áádóó hazhóʼó bichʼįʼ hadiidzih.

• Doo yáʼátʼéehii hashtʼedíílííł. Naʼáłchíní asiihgo hazhóʼó bíká adiilwoł. Naʼáłchíní asiihígíí bił bééhózin, áko hooghan hazʼą́ą́dóó éí doo ákótʼéego bee bééhoʼdílzin da. Łaʼ azhéʼé dóó amá baʼáłchíní nidaʼiisíihgo doo yichʼįʼ yádaałtiʼ da, bąąh nahókaad lágo danízin. Doo yáʼátʼéehgo ááníłígíí bee bichʼįʼ yáníłtiʼ, áko yáʼátʼééh dóó doo yáʼátʼéeh daígíí yaa ákonízin doo.