Kansi akufwa azauke?
Mungayankhe kuti . . .
-
ee?
-
yai?
-
payakine?
BAIBOLO YULAŴILA KUTI
‘Kuzaŵe kuuka kwa olungama na osalungama.’—Machitidwe 24:15, Baibulo la Dziko Latsopano.
MWA KUZIŴA VAMENE IVI KUNGAKUYAVYENI TYANI?
Kuziŵa vamene ivi kungakutonthojeni mtima mukafwelewa.—2 Akorinto 1:3, 4.
Kungakuyavyeni kusayopa imfwa.—Aheberi 2:15.
Kungakuyavyeni soti kuchetekela kuti muzawonane ne enekwanu echifwa.—Yohane 5:28, 29.
MWA TUWAMILA KUCHETEKELA CHENDI VAYULAŴILA BAIBOLO?
Ee, pa vikomo vitatu:
-
Mulungu niye elenga vinthu vaumi. Baibolo yulaŵila kuti Mulungu ‘niye opasa tonse umi.’ (Salimo 36:9; Machitidwe 17:24, 25) Wala epasa umi volengewa vonse azakwanishe kuukisha munthu echifwa.
-
Mulungu eushapo kale ŵanthu kuvuli. Baibolo yulaŵila za ŵanthu 8, alumbwana, akulu, analume na anakazi, eushiwapo pa chalo. Ayakine enze echifwa pa ka nthawe katontho, koma yumo enze eikiwa kale ku manda kwa masiku 4!—Yohane 11:39-44.
-
Mulungu niwofunishisha kuzousha soti ŵanthu. Yehova ozonda imfwa; kwa yove imfwa ni mdani. (1 Akorinto 15:26) Yove niwofunishisha kumucheneka mdani wamene uyu pousha ŵanthu echifwa. Mulungu niwofunishisha kuusha ŵala ali m’maganizo mwake kuti azaŵawone soti na umi pa chalo pano.—Yobu 14:14, 15.
KONSHO YAKUTI MUKOLINGILILA
Ndaŵa yanji tukulukaja na kufwa?
Baibolo yuyankha konsho yamene iyi pa GENESIS 3:17-19 na pa AROMA 5:12.
Mungakondesoti kuwona izi
KUYANKHA MAKONSHO AM’BAIBOLO
Kansi chiukililo ni chinji?
Payakine mungadabwe kuti ni ŵani akuti azaushiwe.
ZA SEWO
Ndaŵa yanji mufunikila kuphunzila Baibolo?—Vidiyo yonse
Baibolo yupeleka mayankho a makonsho akulu-akulu pa umi wa ŵanthu anyinji pa chalo chonse. Mungakonde kuŵa m’mozi wa ove?
