Chikumbukilo cha imfwa ya Yesu
Chiŵelu, Epulayelo 12, 2025
Kamozi pa chaka, tusonkhana m’malo osiyana-siyana pa chalo chonse kuti tikumbukile imfwa ya Yesu. Tuchita vamene ivi ponvwila mawu a Yesu pechinena kuti: “Mukochita vamene ivi ponikumbukila.”—Luka 22:19.
Tukuitani kuti muzapezekepo pa chochitika chamene ichi.
Makonsho okonshewa kaŵili-kaŵili
Kansi pulogilamu yamene iyi ni itali tyani?
Pulogilamu yamene iyi ni ya 1 awa.
Kansi ukachitikile kuni?
Laŵilani na Aboni za Yehova kwamene uko kwamunkhala kuti muziŵe vinyinji.
Kansi pali malipilo aliwonse kuti niluteko?
Yayi.
Kansi kukaŵe kulipila kulikonse?
Yayi.
Kansi nizavwale tyani pakuza ku mwambo wamene uyu?
Olo kuti mwambo wamene uyu uliye malamulo ngawo-ngawo a kavwalidwe sewo a Mboni za Yehova tuyeja-yeja kukonkheja malangizo a m’Baibolo a kuvwala molilemekeza komasoti mwaulemu. (1 Timoteyo 2:9) Vovwala vanu vufunikalini kunkhala vodula, koma vikonkhala vowatcha komasoti vaulemu.
Kansi pazachitike votyani pa Chikumbukilo?
Nsonkhano wamene uyu uyamba na kusila na nyimbo, komasoti pemphelo yamene yuchitiwa na mmozi wa Mboni za Yehova. Nkhani yofumila m’Baibolo izafotokoze kufunika kwa imfwa ya Yesu komasoti mwamene mwatingapindulile na vechitichitila Mulungu na Khilisitu.
Kuti mumvwe vinyinji, onani nkhani yakuti “N’daŵa yanji a Mboni za Yehova ochita Chikumbukilo cha imfwa ya Yesu mosiyana na mwakuchitila a vipembezo viyakine vonse?”
Kansi mwambo wa Chikumbukilo mu vyaka vikuza uzachitike nthawe yanji?
2025: Pa chiŵelu, Epulayelo 12
2026: Chinayi, Epulayelo 2
Mungakondesoti kuwona izi
CHIKUMBUKILO
Kumbukilani imfwa ya Yesu
Muitiwa kuti muzaŵe nase pa msonkhano wapadela wamene uyu. Muzaphunzile mwaingakuyavyileni imfwa ya Yesu.
VIPHUNZISO VOFUNIKA VA M’BAIBOLO
Ndaŵa yanji Yesu echifwa?
Baibolo yulaŵila kuti imfwa ya Yesu Khilisitu ni yapadela ngako. Kansi imfwa yake yenze na pindu iliyonse?