“Muluku onanvuta mithori aya, nave horwa okhalavotho okhwa nari winla, nari ikutxho, nari witxela, wona wi sa khalai sòvira.”​—Wupulula 21:4.

Muteko waphaama ni woohakalaliha.​—Isaiya 65:21-23.

Horwa okhalavo ireca naari ekoi mmukhalelo ori woothene.​—Isaiya 25:8; 33:24.

Okumi woohimala, woohakalala, vamoha ni amusi ni asinthamwene.​—Salumu 37:11, 29.

Aai, moone mathowa meeli:

• Muluku ookhalano owerya wi akhwaaniherye yoolaiherya. Mu Piipiliya, Yehova Muluku mukhateiye oniichaniwa “a ikuru sothene,” ntakhara owo ookhalano ikuru soohimala. (Wupulula 15:3) Mwawiihiiha owo tawaakhwanela wi akhwaaniherye yoolaiherya awe ya otoroka elapo ahu wi ekhale phaama. Hiiha ntoko Piipiliya onaloceiye, “Muluku onnawerya sothene.”​—Mateu 19:26.

• Muluku onnachuna okhwaaniherya yoolaiherya. Ntoko yawooniherya, Yehova onnachuna waaviha alipa ookhwa.​—Yobi 14:14, 15.

  Piipiliya tho onnooniherya wi Mwaana a Muluku, Yesu, aahaapenuxa areca. Ntakhara heeni owo aaheerano eyo? Nthowa nawi owo aanachuna weerano. (Marko 1:40, 41) Yesu moophaameya aahooniherya omuchu wa atiithi awe moorweela wa ochuna wawe waakhaviherya alipa othoiwa.​—Yohani 14:9.

  Mwawiihiiha nnaphwanela ororomela wi Yehova ni Yesu annachuna onikhaviherya wi nipuhe omwaahiyu woohakalala!​—Salumu 72:12-14; 145:16; 2 Pedro 3:9.