Zabulu du nyingɔ bere angelo, ni fa ya lo na tɛrɛ mɛ ta elengbi ti hũngɔ ni ma.​—Efɛsɛ 6:11, 12.

 Azi gba ndo da bɛ la ya Zabulu du zo kɔi mɛ nga ma ngasã mɛ na nzasa li lo da, na sã lo, wa lo gbɔ̃ kanya kɔi so ti lo. Azi mɛndɛ̃ ndo da bɛ la ya hakangɔ Zabulu na ngasã afa ya azi mɛ li limɔ ni ndó na dungɔ lɛ ngɛ̃́ aɔ ndɛ abulu 1 000. Ambaye na amɔmɛsɛnɔ ti gã ndo la to azi ya ala li limɔ niko

•  Ngbangɔ tɛnɛ ya Zabulu ndo du ngasia?

•  Avɛrsɛ ti ya Ngbangɔ mɛ atɛnɛ tɛnɛ na ndo Zabulu

 Ngbangɔ ndo ili Zabulu na aila ndɛ̃ ndɛ̃ ndɛ̃. Wa ni za e ya ta e suka bo na hĩngangɔ tɛrɛ mɛ lo na ni ma, kanda e hĩnga nga aseliye tɛ lo. Ambanga aila ni lo mɛ:

•   Angelo ti vuru ndo. Lo ndo li mabere lo ndo hɛ̃ azi nzɔ̃ ye, ti nɛngɔ ya ni to azi alanda tɛnɛ mɛ lo ndo ha na se lɛ landangɔ tɛnɛ tɛ Nzapa.​—2 Kɔrinto 11:14.

•   Gbɔgbɔ mɛ ndo ngburuka. Lo ndo tiri awakwa tɛ Nzapa na to.​—1 Petro 5:8.

•   Kota sa ti kpɛ̃nɛ. Lo ndo hɛ̃ azi mbɛtɔ, lo na ngunu, lo nga wa gbɛ̃ngɔ lo.​—Suma 12:9.