Na lɛ gigi zu azi ndo tengbi na akpengba kpale mɛ ndo hɛ̃ la vundu, sɔngɔ bɛ nga na pɛnɔ. Mɔ ka mɔ tengbindó na ye kɔi mɛ ali ya mɔ ma tɛrɛ mɔ ngaso? Alengbi ti dungɔ ya mɔ ndo hũ pɛnɔ mɛ alo na ndo ngã bere zo kɔi mɛ mɔ ndo ye lo gba akpi. Ngoi mɛndɛ̃ mɔ ndo hũnda tɛrɛ mɔ na ndo ya, ‘Pɛnɔ na wɛngɔ lá kɔi?’ Ngbangɔ hɛ̃ gbinya mɛ ndo gbɔ̃ bɛ na ndo hũnda olo.

1. Nzɔ̃ dangɔ bɛ mɛ Ngbangɔ hɛ̃ na ndo bi mɛ na gangɔ nɛ?

Ngbangɔ kambisa nda mɛ pɛnɔ sĩ ndɛ ge lɛ sese. A di pa nga hɛ̃ e nzɔ̃ pa ya, angbã dã Nzapa na hãngɔ apɛnɔ zu zingɔ. Akapa ti ya Ngbangɔ “alengbi ti hɛ̃ngɔ mɔ dungɔ lɛ ngɛ̃́ ti nzɔ̃ni na bi mɛ na gangɔ nga na nzɔ̃ dangɔ bɛ.” (Di Yirimia 29:11, 12.) Akapa ni ndo za e ya e gbe bɛ e na ya kpengba kpale mɛ e ndo tengbi na ni ndɛ, e ti na bingangɔ li ti nzɔ̃ni wa e lua dengɔ bɛ ti bwai na bwai.

2. Ngbangɔ tɛnɛ ya dungɔ lɛ ngɛ̃́ na dungɔ ngasia na bi mɛ na gangɔ nɛ?

Ngbangɔ pa ya angbã dã “ta kwá na dungɔ da ma, ná matanga, ná tongɔ to, ta pɛnɔ nga na dungɔ da ma.” (Di Suma 21:4.) Kpale zu ko la ndo li ya ta e du na dengɔ bɛ ma nga ma​—yɛlɛ, kpale ti zangangɔ mbilimbili, ngã ná kwá ta na dungɔ da ma. Ngbangɔ kokapa ya azi na sepalangɔ na dungɔ lɛ ngɛ̃́ ti bwai na bwai ge lɛ sese mɛ na tingɔ Paradizo.

3. Ye mɛ mɔ li ti nɛngɔ ya mɔ ye na bɛ mɔ kɔi ya akapa ti ya ngbangɔ na tingɔ na seni nɛ?

Azi gba ndo du na gwɛ̃ ya akpale ti nzɔni ali tɛrɛ lo, kanda ta ala ndo ye ya dangɔ bɛ tɛ la na tingɔ na seni ma. Akapa ti ya Ngbangɔ na tingɔ na seni. Mɔ lengbi ti yengɔ na bɛ mɔ kɔi ya tɛnɛ mɛ Ngbangɔ ndo tɛnɛ na tingɔ na seni se du ya mɔ ‘ndogi nda tɛnɛ ti ya Buku tɛ Nzapa’ na seni. (Awa Pangɔ Kwa 17:11) Ngoi mɛ mɔ na mandangɔ Ngbangɔ ko, mɔ nvɛnĩ la na pɔnangɔ bere mɔ na yengɔ tɛnɛ mɛ Ngbangɔ ndo tɛnɛ na ndo bi mɛ na gangɔ.

 Gi HĨNGANGƆ LO MƐNDƐ̃

4. Ngbangɔ ko kapa ya e na dungɔ na dungɔ lɛ ngɛ̃́ ti bwai na bwai na bi mɛ na gangɔ

Ba akapa mɛ Ngangɔ ko ge gbɛdani. Omɛ wa la mɔ ndo sepala na ni wa? Wa na lo nɛ?

Di avɛrsɛ mɛ akpã so gunda kapa ni, na gesi hɛ̃ gbinya na ndo ahũnda mɛ:

• Avɛrsɛ mɛ hɛ̃ mɔ nzɔ̃ dangɔ bɛ? Alengbi nga ti hɛ̃ngɔ azi ti ndasewa tɛ mɔ ná akwa mɔ nzɔ̃ dangɔ bɛ?

Hũ ya mɔ ka gigi mɛ

 5. Akapa ti ya Ngbangɔ alengbi ti gbinyangbingɔ dungɔ lɛ ngɛ̃́

 NA NDUNU NI

Ngbangɔ sĩ na akapa mɛ ndo fa ya, dungɔ lɛ ngɛ̃́ na bi mɛ na gangɔ na dungɔ na dengɔ bɛ. Ni ndo hɛ̃ e nzɔ̃ dangɔ bɛ wa ndo linga ya e ti na dungɔ lɛ ngɛ̃́ ti nzɔ̃ni bandangɔ ndɛ.

Bozongeli

• Ye mɛ azi ndo du na gwɛ̃ ti hĩngangɔ ni na ndo kapa tɛ Nzapa nɛ?

• Tɛnɛ mɛ Ngbangɔ tɛnɛ na ndo bi mɛ na gangɔ nɛ?

• Ngasia la dungɔ na nzɔ̃ dangɔ bɛ na ndo bi mɛ na gangɔ alengbi ti zangɔ mɔ nɛ?