IZaga 8:1-36
8 Ukuhlakanipha akumemezi yini?
Lokuqedisisa akuliphakamisi yini ilizwi lakho?+
2 Kuyama emahlanganweni ezindlela,Ezindaweni eziqansileyo+ emgwaqweni.
3 Eceleni kwamagedi okungena edolobheni,Laseminyango okungenwa ngayo,Kuqhubeka kumemeza kakhulu+ kusithi:
4 “Ngiyalibiza lina bantu,Ngimemeza abantu bonke.*
5 Lina elingelalwazi fundani ukukhalipha;+Lina eliyizithutha zuzani inhliziyo ezwisisayo.
6 Lalelani ngoba engikukhulumayo kuqakathekile,Umlomo wami ukhuluma okuqondileyo,
7 Umlomo wami ukhuluma iqiniso ngelizwi eliphansi,Lezindebe zami ziyakwenyanya okubi.
8 Wonke amazwi aphuma emlonyeni wami alungile.
Kalikho lelilodwa elitshekileyo loba elingaqondanga.
9 Wonke amazwi ami aqondile kwabaqedisisayo,Alungile lakulabo asebethole ulwazi.
10 Khethani ukuthi ngililaye kulokuthi likhethe isiliva,Likhethe ulwazi kulokuthi likhethe igolide lohlobo oluphezulu,+
11 Ngoba ukuhlakanipha kungcono kulamakhorali;*Konke okunye okuligugu ngeke kulinganiswe lakho.
12 Mina kuhlakanipha, ngihlala lokukhalipha;Sengithole ulwazi kanye lengqondo ehlakaniphileyo.+
13 Ukwesaba uJehova kutsho ukuzonda okubi.+
Ngiyakuzonda ukuziphakamisa, lokuzikhukhumeza,+ lezenzo ezimbi kanye lenkulumo ebolileyo.+
14 Ngilezeluleko ezinhle lokuhlakanipha okuncedayo;+Ukuzwisisa+ lamandla+ ngokwami.
15 Ngami, amakhosi aqhubeka ebusa,Leziphathamandla zibeka imithetho elungileyo.+
16 Ngami iziphathamandla ziqhubeka zibusa,Labahlonitshwa bahlulela ngokulunga.
17 Ngithanda labo abangithandayo,Labangidingayo bazangithola.+
18 Kulenotho lenkazimulo kimi,Inotho engapheliyo kanye lokulunga.
19 Izithelo zami zingcono kulegolide, lona kanye igolide elicengekileyo,Lesivuno sami singcono kulesiliva sohlobo oluphezulu.+
20 Ngihamba endleleni yokulunga,Phakathi kwezindlela zokwahlulela kuhle,
21 Nginika abangithandayo ilifa elingapheliyo,Leziphala zabo ngizigcwalisa phamu.
22 UJehova wangenza ngaba yisiqalo sendlela yakhe,+Ngaba ngowokuqala kukho konke akwenza kudaladala.+
23 Ngabekwa esikhundleni+ ezinsukwini zasendulo,Kusukela ekuqaleni, umhlaba ungakabi khona.+
24 Ngazalwa* engakabi khona amanzi atshonayo,+Zingakabi khona indawo ezimpompoza amanzi.
25 Izintaba zingakabekwa endaweni yazo,Lamaqaqa engakabi khona, mina ngasengizelwe,
26 Engakawenzi umhlaba lamagusu awo,Loba amagade okuqala omhlabathi.
27 Ngangikhona ngesikhathi elungisa amazulu;+Lapho efaka umngcele phakathi kwesibhakabhaka lolwandle,+
28 Lapho efaka* amayezi esibhakabhakeni,Ngesikhathi esenza izindawo zamanzi ezitshonayo ezigcwele amanzi,
29 Lapho efakela ulwandle umthethoUkuze amanzi alo angeqi umngcele wakhe,+Lalapho emisa izisekelo zomhlaba.
30 Ngangiseceleni kwakhe, ngiyisisebenzi esiyingcitshi.+
Ngangimthokozisa+ nsuku zonke,Ngijabula phambi kwakhe zikhathi zonke.+
31 Ngangithokoza ngomhlaba ayewulungisele abantu,Njalo ngangiwathanda kakhulu amadodana abantu.*
32 Ngakho ngilalelani madodana ami;Bayathokoza sibili abalandela izindlela zami.
33 Lalelani nxa lilaywa+ ukuze lihlakaniphe,Njalo lingaqali ukukulahla.
34 Uyathokoza umuntu ongilalelayo,Obuya eminyango yami ekuseni nsuku zonke,Ame eduze kwemigubazi yami;
35 Ngoba ongitholayo uzathola ukuphila,+Njalo uJehova uyamamukela.
36 Kodwa ongelandaba lami uyazilimaza,Labangizondayo bathanda ukufa.”+
Amabala angaphansi
^ NgesiHebheru, “amadodana abantu.”
^ Khangela iNgcazelo Yamabala.
^ Kumbe, “Ngabelethwa ngemihelo.”
^ NgesiHebheru, “eqinisa.”
^ Kumbe, “engangikuthanda kakhulu ngabantu.”
