IZaga 17:1-28
17 Kungcono ukuba locezu lwesinkwa esomileyo kodwa kulokuthula,+Kulokuba lendlu egcwele izibiliboco* kodwa kulokuxabana.+
2 Isisebenzi esikhaliphileyo sizabusa indodana enza izinto eziyangisayo;Sizakwabelana lamadodana enkosi yaso ilifa.
3 Isiliva legolide+ kuncibilikiswa ngomlilo ukuze kuhlambuluke,Kodwa uJehova nguye ohlola izinhliziyo.+
4 Umuntu owenza okubi uyalalelisisa nxa esizwa amazwi amabi,Leqili lilalela inkulumo elimazayo.+
5 Loba ngubani ohleka umyanga uthuka uMenzi wakhe,+Lalowo othabayo nxa omunye eyehlelwe luhlupho uzajeziswa.+
6 Abazukulu bangumqhele kwabalupheleyo,Obaba* baludumo lwamadodana abo.*
7 Ukukhuluma amazwi aqondileyo* akusifanelanga isiphukuphuku.+
Lokukhuluma amanga akumfanelanga ngitsho umbusi.*+
8 Isipho sinjengelitshe eliligugu kumnikazi waso,+Simenza aphumelele loba ngaphi lapho aya khona.+
9 Loba ngubani oxolelayo nxa ephanjanisiwe utshengisa ukuthi ulothando,+Kodwa lowo oyabe elokhu eyivusa indaba wehlukanisa abangane abazwanana kakhulu.+
10 Ukukhuzwa kuyamnceda kakhulu umuntu ozwisisayo,+Kodwa isiphukuphuku asizwisisi lanxa singaze sitshaywe ka-100.+
11 Umuntu owenza okubi uzifunela ukuhlamuka kuphela,Kodwa isithunywa esilesihluku sizathunywa ukuthi siyemjezisa.+
12 Kungcono ukuhlangana lebhere elithathelwe imidlwane yalo,Kulokuhlangana lesithutha lobuphukuphuku baso.+
13 Nxa umuntu angabuyisela okuhle ngokubi,Okubi akusoze kusuke endlini yakhe.+
14 Ukuvusa umsindo kufanana lokudiliza umbundu wedamu,*Suka ingxabano ingakaqalisi.+
15 Loba ngubani olwela umuntu owenza okubi kumbe ogweba umuntu olungileyo,+Bobabili uJehova uyabenyanya.
16 Kunceda ngani ukuthi isithutha sibe lendlela yokuthola ukuhlakanipha,Sona singelaso isifiso sokukuthola?*+
17 Umngane oqotho ulothando ngazo zonke izikhathi,+Njalo ungumfowenu ozalelwe ukukusiza ngezikhathi zobunzima.+
18 Umuntu ongelangqondo uyaxhawula avume ukukhiphela omunye isibambiso sesikwelede,Njalo wenza lokhu umakhelwane wakhe ekhangele.+
19 Othanda ukuxabana labanye uthanda isiphambeko.+
Loba ngubani ozenzela igedi eliphakemeyo uzidingela ukuwa.+
20 Olenhliziyo exhwalileyo kasoze aphumelele,*+Lalowo okhuluma amazwi obuqili uzazithela emanyaleni.
21 Ubaba olomntwana oyisiphukuphuku uzakuba losizi,Loyise womntwana ongelangqondo kathokozi.+
22 Inhliziyo ethokozayo ingumuthi owelaphayo,*+Kodwa ukudabuka emoyeni kuqeda amandla.*+
23 Owenza okubi uyavuma ukufunjathiswa* ngudluUkuze atshile ukwahlulela okuhle.+
24 Ukuhlakanipha kuphambi komuntu oqedisisayo,Kodwa amehlo esiphukuphuku azulazula aze ayefika emikhawulweni yomhlaba.+
25 Indodana eyisiphukuphuku ithelela uyise usizi,Njalo imzwisa ubuhlungu kakhulu lowo owayizalayo.+
26 Akukuhle ukujezisa* umuntu olungileyo,Lokubhaxabula abantu abahloniphekayo akuqondanga.
27 Umuntu ololwazi uyawabamba amazwi akhe,+Loqedisisayo uzahlala ebeke amaphaphu phansi.+
28 Ngitsho lesiphukuphuku esiqhubeka sithule kuzathiwa sihlakaniphile,Lalowo ovala owakhe kuzathiwa uyaqedisisa.
Amabala angaphansi
^ NgesiHebheru, “imihlatshelo.”
^ Kumbe, “Abazali.”
^ Kumbe, “lwabantwababo.”
^ Kumbe, “umhlonitshwa.”
^ Kumbe, “amahle.”
^ NgesiHebheru, “lokuvulela amanzi.”
^ NgesiHebheru, “singelanhliziyo yokukuthola?” Kumbe, “singelangqondo?”
^ NgesiHebheru, “athole okuhle.”
^ Kumbe, “omuhle.”
^ Kumbe, “komisa amathambo.”
^ Kumbe, “ukudizwa.”
^ Kumbe, “ukuhlawulisa.”
