IZaga 14:1-35
14 Owesifazana ohlakaniphileyo uyayakha indlu yakhe,+Kodwa oyisiphukuphuku uyidiliza ngezandla zakhe.
2 Ohamba ngokuthembeka wesaba uJehova,Kodwa ohamba ngezindlela zobuqili* weyisa uNkulunkulu.
3 Intonga yokuzikhukhumeza isemlonyeni wesiphukuphuku,Kodwa umlomo wabahlakaniphileyo uyabavikela.
4 Lapho okungelankomo khona, umkolo* uhlala uhlanzekile,Kodwa amandla enkunzi aletha isivuno esinengi.
5 Ufakazi othembekileyo ngeke aqambe amanga,Kodwa ufakazi wamanga uhlala ewahutshuza.+
6 Isiqholo sidinga ukuhlakanipha singakutholi,Kodwa emuntwini ozwisisayo+ ulwazi lubuya lula nje.
7 Dlalela khatshana lesiphukuphuku,Ngoba awusoze uthole ulwazi ezindebeni zaso.+
8 Ukuhlakanipha kwenza umuntu okhaliphileyo azwisise indlela yakhe,Kodwa izithutha ziqilwa yibuphukuphuku* bazo.+
9 Iziphukuphuku zenza icala zihleke nje,*+Kodwa abathembekileyo bazimisele ukubuyisana.
10 Inhliziyo iyabazi ubuhlungu ebuzwayo,Njalo kakho omunye ongazwisisa ukuthokoza kwayo.
11 Indlu yabenza okubi izadilizwa,+Kodwa itende labathembekileyo lizakuma liqine.
12 Ikhona indlela ekhanya angani iqondile emuntwini,+Kodwa ekucineni iletha ukufa.+
13 Umuntu angahleka lanxa inhliziyo yakhe ibuhlungu,Lokuthaba kungaphetha ngosizi.
14 Oxhwalileyo uzathola umvuzo wezindlela zakhe,+Kodwa umuntu owenza okuhle uzathola umvuzo walokho akwenzayo.+
15 Umuntu ongelalwazi ukholwa loba yini ayizwayo,Kodwa okhaliphileyo uyacabangisisa ngawo wonke amanyathelo akhe.+
16 Ohlakaniphileyo uyananzelela njalo uyakubalekela okubi,Kodwa isithutha siphongubhudlukela* nje futhi siyazithemba.
17 Umuntu ophangisa ukuzonda wenza izinto ezingelangqondo,+Kodwa lowo oqala acabange* uyazondwa.
18 Abangelalwazi bazathola ilifa lobuphukuphuku,Kodwa abakhaliphileyo bazagqokiswa umqhele wolwazi.+
19 Abenza okubi bazakhothamela abenza okuhle,Njalo abaxhwalileyo bazakhothama emagedini abalungileyo.
20 Umuntu ongumyanga uzondwa langomakhelwane bakhe,+Kodwa onothileyo ulabangane abanengi.+
21 Oweyisa umakhelwane wakhe wenza isono,Kodwa ozwela umuntukazana uyathokoza.+
22 Labo ababumba amacebo okuganga abasoze baphambuke yini?
Kodwa uthando oluqotho kanye lokuthembeka ngokwalabo abahlose ukwenza okuhle.+
23 Ukusebenza gadalala kuloba yiwuphi umsebenzi kuyanceda,Kodwa ukuqina ngomlomo kuletha ubuyanga.+
24 Umqhele wabahlakaniphileyo yinotho yabo,Kodwa iziphukuphuku zizahlala ziyiziphukuphuku.+
25 Ofakaza iqiniso usindisa impilo zabanye,Kodwa iqili lihlala lihutshuza amanga.
26 Umuntu owesaba uJehova+ uyamthemba kukho konke,Njalo lokhu kuzakuba yisiphephelo kubantwabakhe.+
27 Ukwesaba uJehova kungumthombo wokuphila,Kwenza umuntu aphunyuke emijibileni yokufa.
28 Ubunengi babantu ludumo enkosini,+Kodwa umbusi ongelabantu abangaphansi kwakhe uyawa.
29 Ophuza ukuzonda ulokuqedisisa okukhulu,+Kodwa ongabekezeliyo ubuveza egcekeni ubuphukuphuku bakhe.+
30 Inhliziyo ehlalisekileyo yenza umzimba uphile,*Kodwa umhawu ubolisa amathambo.+
31 Oqila umuntukazana uthuka uMenzi wakhe,+Kodwa loba ngubani ozwela umyanga ukhazimulisa uNkulunkulu.+
32 Owenza okubi uzawiselwa phansi yibubi abenzayo,Kodwa ubuqotho+ bomuntu olungileyo buzakuba yisiphephelo sakhe.
33 Ukuhlakanipha kuhlezi kuthule enhliziyweni yomuntu ozwisisayo,+Kodwa okwezithutha kuhlala kuchaywa egcekeni.
34 Ukulunga kuyasiphakamisa isizwe,+Kodwa isono silihlazo esizweni.
35 Inkosi ithokoziswa yinceku etshengisa ukuthi ikhaliphile,+Kodwa ulaka lwayo lukulowo owenza izinto eziyangisayo.+
Amabala angaphansi
^ Kumbe, “ezigobileyo.”
^ Lapha kutshiwo lapho okudlela khona izifuyo.
^ Ezinye inguqulo zithi, “ziqila abanye ngobuphukuphuku.”
^ Kumbe, “azilandaba lokulungisa ukungazwanani.”
^ Kumbe, “silavuka ngolaka.”
^ Kumbe, “osebenzisa kuhle ingqondo.”
^ Kumbe, “ube lempilakahle.”