လောင်းကစားလုပ်တာ အပြစ်လား
ကျမ်းစာအဖြေ
လောင်းကစားလုပ်ခြင်းအကြောင်း ကျမ်းစာမှာ အသေးစိတ်မဖော်ပြထားပေမဲ့ အဲဒါကို အပြစ်တစ်ခုအဖြစ် ဘုရားသခင်ရှုမြင်ကြောင်း ကျမ်းစာမူတွေအရ သိနိုင်ပါတယ်။—ဧဖက် ၅:၁၇။ a
ဘုရားသခင်ရွံမုန်းတဲ့ လောဘစိတ်ကြောင့် လောင်းကစားလုပ်ကြတာဖြစ်တယ်။ (၁ ကောရိန္သု ၆:၉၊ ၁၀; ဧဖက် ၅:၃၊ ၅) လောင်းကစားသမားတွေဟာ ရှုံးသူတွေဆီကနေ ပိုက်ဆံရချင်ကြတယ်။ ဒါပေမဲ့ တခြားသူရဲ့ပစ္စည်းတပ်မက်တာကို ကျမ်းစာမှာ ပြစ်တင်ရှုတ်ချထားတယ်။—ထွက်မြောက်ရာ ၂၀:၁၇; ရောမ ၇:၇; ၁၃:၉၊ ၁၀။
မဆိုစလောက်ပိုက်ဆံနဲ့ပဲ လောင်းကစားလုပ်ရင်တောင်မှ အဲဒီကနေ လူကိုပျက်စီးစေတဲ့ ငွေတပ်မက်စိတ် ပေါ်လာနိုင်တယ်။—၁ တိမောသေ ၆:၉၊ ၁၀။
လောင်းကစားသမားတွေဟာ အယူသီးကြတယ်၊ ကံကြမ္မာကို အားကိုးတတ်ကြတယ်။ ဒါပေမဲ့ ဘုရားသခင်က အဲဒီအယူအဆတွေကို စစ်မှန်တဲ့ဝတ်ပြုရေးနဲ့ ဆန့်ကျင်တဲ့ ရုပ်တုကိုးကွယ်မှုပုံစံတစ်မျိုးအဖြစ် ရှုမြင်တယ်။—ဟေရှာယ ၆၅:၁၁။
အချောင်ရလိုစိတ်ကို အားမပေးဘဲ အလုပ်ကြိုးစားလုပ်ဖို့ ကျမ်းစာမှာ အားပေးထားတယ်။ (ဒေသနာ ၂:၂၄; ဧဖက် ၄:၂၈) ဒါကြောင့် ကျမ်းစာအကြံပြုချက်အတိုင်း လိုက်နာသူတွေဟာ “ကိုယ့်ဝမ်းစာကိုယ်ရှာစားကြ” တယ်။—၂ သက်သာလောနိတ် ၃:၁၀၊ ၁၂။
လောင်းကစားလုပ်တာက အကျိုးမပြုတဲ့ အပြိုင်အဆိုင်စိတ်ဓာတ်ကို ဖြစ်ပေါ်စေပြီး အဲဒီစိတ်ဓာတ်ကို ကျမ်းစာမှာ ပြစ်တင်ရှုတ်ချထားတယ်။—ဂလာတိ ၅:၂၆။
a ကျမ်းစာမှာ လောင်းကစားလုပ်ခြင်းအကြောင်း သတ်သတ်မှတ်မှတ်ဖော်ပြထားတာဆိုလို့ ယေရှုရဲ့ဝတ်ရုံကို ရောမစစ်သားတွေ မဲချယူ ဒါမှမဟုတ် “လောင်းကစားလုပ်” ပြီးယူတဲ့အကြောင်း တစ်ခုတည်းပဲရှိတယ်။—မဿဲ ၂၇:၃၅; ယောဟန် ၁၉:၂၃၊ ၂၄; Contemporary English Version; Good News Translation.