Nungaiba paogi hourakpham oiriba, yaiphaba Ishwor Jehovahna imung-manungbu nungai-yaiphana leihanba pammi. (1 Timothy 1:11) Luhongba haibasi mahakna houdokpikhibani. Nungaiba imung ama oinaba aiyin yaba mawongda luhongba haibasi maru oi. Maramdi masina matei-manao amasung machasinggi aphaba oi, ingna leitana leihalli. Christiansingna luhongbaga mari leinaba aiyingi pathapsing ikaikhumnagadabani.​—Luke 2:1, 4, 5 pabiyu.

Luhongbagi maramda Ishworgi mityeng karino? Ishworna luhonglaba nupa amasung nupigi marakta lengdaba, achetpa mari leihanba pammi. Matei-manaosinggi marakta amana amabu thajanaba haibasi Jehovahna pammi. (Hibru 13:4) Mahakna khainaba haibasi tukatchei. (Malachi 2:16) Christian amagi nupa nattraga nupi amana mitu-miwa lannabagi thabak touramlabadi mahakna meeoi adubu khainaba nattraga atoppa amabu amuk hanna luhongba yabagi ayaba Ishworna pi.​—Maathi 19:3-6, 9 pabiyu.

Jehovahna nupa amasung nupi haina sembikhiba asi makhoigi yumban punsigi thoudangsing punna louminnanabani. (Meihouron 2:18) Imung amagi makok ama oina, mapuroiba amana imunggi darkar oiba potlamsing pigadabani amasung Ishworgi maramda tambigadabani. Mahakna mahakki nupigidamak punsi katthokpa ngamba phaobagi nungsiba leigadabani. Matei-manaosingna amana amabu nungsigadabani amasung ikaikhumnagadabani. Matei-manao khudingmak mapung phadaba oibana amana amabu ngakpiba heigadabani. Maramdi masi nungaiba yumban punsi amagidamak yamna maru oi.​—Ephisha 4:31, 32; 5:22-25, 33; 1 Peter 3:17 pabiyu.

Yumban punsida khudongchadaba thengnarakpa matamda, nupa nupi animakna amana amabu nungsina loinagadabani. (1 Corinthiya 13:4, 5) Yumban punsida toina thengnaba samasyasing koknaba amaga amaga tongan-tongan leinaba haibasi Ishworgi waheida ayaba pide.​—1 Corinthiya 7:10-13 pabiyu.

Jehovahna nakhoibu nungaina leihanba pammi. Nakhoigi naha oiringeigi punsibu kamdouna nungaina leigadage haibagi khwaidagi phaba paotak mahakna pi. Angangsingna makhoigi mama-mapagi lousing amasung punsida thengnarakpa thoudok kayadagi tamjaduna kannaba loubadu ,mahakna pammi. (Colosiya 3:20) Nahakki sembiba mapu amasung mahakki machanupabu seba toubagi nungaibadusu Jehovahna nakhoida khanghanba pammi.​—Pao sandokpa 11:9–12:1; Maathi 19:13-15; 21:15, 16 pabiyu.

Nakhoina ichasinggi chanaba chinjak, leinaba yum amasung setnaba phirol pinaba kanna hotnagadabani. (1 Timothy 5:8) Masigi mathakta angansingna asengba nungaiba phangnanaba makhoina Ishwor nungsiba amasung mahakki matou tamjanaba takpi-tambigadabani. (Ephisha 6: 4) Nakhoina Ishwor nungsibadu angangsingna ubada makhoinasu Ishwor nungsiba tamlakkani. Nakhoigi takpi-tambibadu Ishworgi waheida yumpham oirabadi angangsinggi wakhallonbu aphaba maikeida purakpa ngamgani.​— Anisuba wayen 6:4-7; Paorou 22:6 pabiyu.

Angangsingbu pukning thougatpiba amadi thagatpibana makhoida thouna hapkani. Adubu makhoibu chumthokpa amasung warak-watembibasu chang-ee. Asumna takpi-tambiba tarabadi makhoina khudongthiba tagadaba lamchat-sajattagi ngakthokpa ngamgani. (Paorou 22:15) Adum oinamak makhoibu warak-watemba matamda meenungsi yaodaba nattraga tamthiba mawongda touroidabani.​—Colosiya 3:21 pabiyu.

Jehovahgi Sakhisingna mama-mapasing amadi angangsinggi kannanabagidamak lairik kaya phong-ee. Lairiksingdu Bibleda yumpham oiba ngaktani.​—Thagat ishei 19:7, 11 pabiyu.