PANDUP 2
Ishwor Kanano?
1. Eikhoina karigi Ishwor ninggadouribano?
Asengba Ishwordi pumnamakpu sembiba mapu aduni. Mahakki ahouba leite amasung keidounungda aroibasu leiroi. (Thagat ishei 90:2) Bibleda yaoriba nungaiba paogi hourakphamdi mahakni. (1 Timothy 1:11) Ishworna eikhoigi punsi pibiba maramna eikhoina mahaktabu ningjagadabani.—Phongdokpiba 4:11 pabiyu.
2. Ishworgi masak-mawong kamdou-ee?
Meeoiba amattana Ishwor ukhiba leitri maramdi mahakti sak-udabani. Masi haibagi arthadi mahakti prithibida leiriba khutsemsing asidagi yamna henna thaak wang-ee haibani. (Johan 1:18; 4:24) Adum oinamak, Ishworgi matik magundi mahakki khutsemsingdagi eikhoina khangba ngammi. Khudam oina hairabada, mahakna makhal kayagi hei-lei sembire. Masina mahak asi nungsiheiba amasung lousing leiba Ishworni haiba tak-ee. Atiyada leiriba tha-thawanmichak kayasing asinasu mahakki shaktibu khanghalli.—Romiya 1:20 pabiyu.
Eikhoina Bible paraga Ishworgi matik-magungi maramda henna ningthina khangba ngamgani. Khudam oina, Ishworna kari pammi nattraga pamde, mahakna meesingbu karamna loinei amasung tongan-tonganba phibam kaya lakpada mahakki wakhalda karamna phaobage haibadu Biblena tak-ee.—Thagat ishei 103:7-10 pabiyu.
3. Ishworgi maming ama leibra?
Jishuna haikhi: “Swargada leiba eikhoigi Ipa, nahakki ming asengba oisanu.” (Maathi 6:9) Ishworgi tongan-tonganba mingthon kaya leirabasu mamingdi amakhak lei. Masa masagi londa tongan-tonganba khonthokta panei. Manipuri londadi “Jehovah” haina pai.—Thagat ishei 83:18 pabiyu.
Bible ayambadagi Ishworgi maming asi louthoktuna Ibungo nattraga Ishwor haiba mingthonna sindokkhre. Bible ikhiba matamdadi, masida Ishworgi mamingsi 7,000 muk yaorammi. Jishuna meesingda Ishworgi maramda takpi-tambiramba matamda Ishworgi maming khanghallami.—Johan 17:26 pabiyu.
Ishworgi maming ama leibra? haiba video asi yengbiyu.
4. Jehovahna eikhoigidamak khanbibara?
Meeoibana nangliba awa-ana kayasi uraga Ishworna eikhoigidamak karisu khanbide haina lougadra? Meeoi kharanadi eikhoibu changyeng tounaba Ishworna awaba nanghanbani hainei, adubu madu achumba natte.—Jacob 1:13 pabiyu.
Ishworna meeoibada masana warep loujanabagi ningtamba pi. Ishwor ningge nattraga ningloi haiba isana lepchanabagi ningtamba pibiramlibasi thagatpham thoktabra? (Joshua 24:15) Adubu meeoi kayanadi lanna warep louduna atoppagi phattanaba tou-ee, maram aduna awa-ana kaya nang-ee. Asigumba wayenchumdaba kayasi uraga Jehovahna nungaitaba phao-ee.—Meihouron 6:5, 6 pabiyu.
Jehovahdi eikhoigi khanbiba Ishworni. Eikhoigi punsina nungaina hingbadu mahakna pammi. Thunamak mahakna awa-ana amasung masibu thokhalliba meeoi pumnamak louthokkhragani. Maraksida, mahakna akaknaba matam khara awa-ana nangba yahanbagi aphaba maramsu lei. Lairik asigi 8 suba pandupta maramdu karino haiba eikhoina tamgani.— 2 Peter 2:9; 3:7, 13 pabiyu.
5. Eikhoina karamna Ishwor da naksinjaba yagani?
Eikhoina haijabagi khuthangda Jehovahda wari saduna mangonda naksinjanaba mahakna hairi. Mahakna eikhoi khudingmakki khanbi. (Thagat ishei 65:2; 145:18) Eikhoina Ishworbu pelhannaba hotnabada asoiba kayarak yao-ee, madu mahakna khangbi amasung ngakpinaba sem saduna lei. Maram aduna, eikhoigi mapung phadaba kaya leidunasu Ishworga naknaba mari thamba yai.—Thagat ishei 103:12-14; Jacob 4:8 pabiyu.
Jehovahna eikhoigi punsi pibibani. Maram aduna eikhoina atoppasing nungsibadagi mahakpu nungsibana khwaidagi henpham thok-ee. (Mark 12:30) Ishworgi maramda henna tamjaduna, mahakna haiba induna eikhoina mahakpu nungsi haiba utchaba yai. Maduna Ishworda henna naksinjaba yagani.—1 Timothy 2:4; 1 Johan 5:3 pabiyu.