Ishwor Jehovahna * ihan hanna luhongbadu houdokpikhibani. Biblena hairi madudi Ishworna ihan hanna nupi adu sembiduna “mahakpu nipa adugi maphamda pubiraklammi.” Maduda Adamna asukki matik haraojaraduna asumna phongdokkhi: “Masi eigi sarusinggi saruni, eigi hakchanggi hakchangni.” (Meihouron 2:22, 23) Jehovahna ngasisu yumban punsida khongdaraba matei-manaosingbu nungaina leihanba pammi.

Adomna luhonglaba matungda, aphaba, nungaiba ngakta oigani haina khanba yai. Adubu, tasengnadi yum pallaba matei-manao anina phana nungsinana leirabasu makhoigi punsida khudongchadaba kharadi adumak thengnagani. (1 Corinthiya 7:28) Lairik macha asida Biblegi niyamsing yaori. Masi illaga chatchaba matamda, adomgi yumban punsi amasung imung-manung nungaina leiba yagani.—Thagat Ishei 19:8-11.

BIBLENA KARI HAIRI: Mapuroibana imung amagi makokni.—Ephisa 5:23.

Adom mapuroiba ama oiragadi, adomgi nupibu yamna nungsiheina loinabadu Jehovahna pammi. (1 Peter 3:7) Nahakki nupisi nahakki punsi khongloi oinaba Ishworna sembikhibani. Maram asina nahakna mahakpu ikai khumnaba amasung nungsina loinabiba haibasi Ishworna pammi. (Meihouron 2:18) Nahakki nupibu nahakna thamoi sengna nungsigadabani amasung mahakki apambaduna nahakki apambadagi henna maruoina loubigadabani.—Ephisa 5:25-29.

Nahak loinabi ama oirabadi, nahakki napuroibabu ikai khumnaba amasung mahakki mathoudang mapung phana pangthokpada nahakna mateng pangbadu Jehovahna pammi. (1 Corinthiya 11:3; Ephisa 5:33) Nahakki napuroibana lourakpa warepsingda sougatpa amasung madubu mapung phahanbada thawai yaona mateng pangbigadabani. (Colosiya 3:18) Adumna tourabadi, nahak napuroiba amasung Ishwor Jehovahgi mityengda phajabi haibadu oigani.—1 Peter 3:1-6.

NAHAKNA TOUBA YABADI:

• Nahakki nupida nattraga napuroibada henna phaba mapuroiba ama nattraga henna phabi nupi oinaba kari touba yai haina hangbiyu. Hairakpasing adu munna tajaraga, chumthoknaba hotnabiyu

• Khaangba kanba oigadabani. Maramdi, amana amabu karamna nungaihangadage haibasi khangbada matam changgani

BIBLENA KARI HAIRI: Yumballaba nupi nupa anina, amana amagi apam pamdagi maramda khanbigadabani. (Philippiya 2:3, 4) Ishwor Jehovahna mahakki manaisingbu “mee pumnamakki maphamda pukning tappa...oigadabani” haina khanghalli. Madu ningsingjaraga nahakki napuroiba nattraga nupibu mamal leina loujagadabani. (2 Timothy 2:24) “Thangsangna thinbagumna wa ngangba mee lei, adubu asingbasinggi leitonna phahanbiba purak-ee.” Maram aduna munna khantharaga phajaba wahei wata sijinnaraga ngangadabani. (Paorou 12:18) Thoujal heina amasung nungsina ngangnabagidamak Jehovahgi shaktina nahakpu soidana mateng panggani.—Galatiya 5:22, 23; Colosiya 4:6.

NAHAKNA TOUBA YABADI:

• Nahakki napuroibaga nattraga nupiga maruoiba wapham ama khannadringeida amana amada haiba phajana taba ngamnaba amasung ingthana leiba ngamnaba Ishworda haijaduna mateng nijagadabani

• Wa ama haidringei mamangda kari haigani amasung karamna haigani haibadu munna khanthabiyu

BIBLENA KARI HAIRI: Adomna yum pallaba matamda nahakki napuroiba nattraga nupiga “hakchang amatta oire”. (Maathi 19:5) Adubu tongan-tonganba meesak oibanina mot khetnarakpa yai. Maram asina animakna pukningda phaoba amasung khanba wakhallonda amatta oiba ngamnaba hotnagadabani. (Philippiya 2:2) Warep kaya lourakpa matamda wakhal amatta oiba haibasi yamna maru oi. Biblena hairi: “Paotak louba thourang khuding mara chetli.” (Paorou 20:18) Maruoiba warepsing punna louminnaba matamda Bibleda yaoriba niyamsinggi maramda munna khallaga loubiyu.—Paorou 8:32, 33.

NAHAKNA TOUBA YABADI:

• Nahakki napuroiba nattraga nupida apamba haiba nattraga mot phongdokpa khak nattana thammoida phaobasu mayek sengna haibiyu

• Warep hanna lousindringeida nahakki napuroiba nattraga nupiga tannabiyu