Jishudi meeoibasingga khetnei. Mahak prithibida poktringeida uba ngamdaba sakwong oina leirammi. (Johan 8:23) Ishworgi ihan hanba khutsemdi Jishuni. Adugi matungda, atoppa pot khudingmak semkhiba matamda Jishuna Ishworgi mateng pangkhi. Jishubu Ishworgi amatta ngaiba “macha nipa” kou-ee maramdi Jehovah masamakna semkhibasi mahak khaktani. (Johan 1:14) Jishubu “Wahei” hainasu khangnei maramdi mahak Ishworgi Wa-ngangba ama oina leirammi.​—Paorou 8:22, 23, 30; Colosiya 1:15, 16 pabiyu.

Ishworna swargada leiramba mahakki machanupabu swargadagi prithibida tharaknabagidamak Jihudi leishabi Marygi angang-khaoda happiduna meeronhankhi. Maram asina Jishu pokpada meeoibagi mapa yaokhide. (Luke 1:30-35) Jishuna prithibida lakkhibasi (1) Ishworgi maramda achumbadu tambinaba, (2) eikhoida awa-ana taraba phaobada Ishworgi apamba karamna tougadage haibagi khudam utpinaba amasung (3) mahakki mapung pharaba punsibu “thadokmal” ama oina pibinabani.​— Maathi 20:28 pabiyu.

Thadokmal ama haibasi kanagumba meeoi amagi punsibu kannaba piba mamal adubuni. (Khongsanba 21:29, 30) Ishworna ihan-hanna meeoiba sembikhiba matamda asiba amasung ahal oirakpa haibasi yaoramde. Madu eikhoina karamna khangbage? Ishworna ahanba mee Adamda karigumba mahakna pap tourabadi soidana sigani hairammi. Karigumba Adamna pap touramdrabadi, mahak keidounungda siramloi. (Meihouron 2:16, 17; 5:5) Biblena haibagi matung inna asiba haibasi meeoibasingda Adamgi khuthangdagi ‘changlakkhi.’  Matou asumna pap amasung masigi phangpham thokpa asiba haibasi Adamna mahakki macha-masusingda purakkhi. Adamna eikhoida purakkhiba pap adudagi kanbinaba thadokmal ama eikhoina darkar oi.​—Romiya 5:12; 6:23 pabiyu.

Eikhoibu asibadagi kanbinaba kanana thadokmal piba ngamgadage? Eikhoina siba matamda isagi papsing adukhakki mamal piba ngammi. Maram asina, mapung phadaba meeoiba amattana atoppagi papsinggi mamal piba ngamde.​—Thagat ishei 49:7-9 pabiyu.

Jishudi eikhoigumba mapungphadaba meeoiba natte. Maram aduna mahakna masagi papkidamak sibagi darkar leite aduga mahakna keidoungeidasu pap toukhide. Adubu Jishudi meeoibagi papsingidamak sikhibani. Ishworna meeoiba eikhoibu thoidok hendokna nungsibi haibasi mahakki machanupabu eikhoigidamak sibinaba tharakpa asina utli. Jishunasu eikhoibu nungsi haibasi mahakki mapana haiba induna eikhoigidamak mahakki punsi pibikhibaduna tak-ee.​—Johan 3:16; Romiya 5:18, 19 pabiyu.

Jishu karigi sikhibano? haiba video asi yengbiyu.

Jishuna prithibida leiringei matamda anaba phahallami, asibasing hinggathallammi amasung meesingbu khudongthibadagi kanbirammi. Mahakna touramlibasing aduna haiba inba meeoisinggidamak tungda kari tourakkadouribage haibadu utthoklammi. (Maathi 15:30, 31; Johan 5:28) Jishuna sikhraba matungda Ishworna mahakpu uba ngamdaba sakwong oina hinggathanbikhi. (1 Peter 3:18) Prithibi pumbagi mathakta Ningthou oina pannabagi hak adu Jehovahna mangonda sinnadriba phaoba Jishuna Ishworgi yet thangba nakanda phamduna ngaikhi. (Hibru 10:12, 13) Houjikti Jishuna swargada Ningthou oina palle aduga mahakki tunginbasingna hairiba nungaiba pao asi prithibi sinba thungna piri.​—Daniel 7:13, 14; Maathi 24:14 pabiyu.

Thunamak, Jishuna Ningthou ama oina mahakki shakti sijinnaduna awa-ana amasung masibu thokhallibasingbu manghallagani. Jishuda thajaba thamba amasung haiba inba meepum khudingmakna prithibida oigadaba paradiseta nungaina hingba phanggani.​—Thagat ishei 37:9-11 pabiyu.