ലഹരിപാനീയങ്ങൾ ക​ഴി​ക്കു​ന്നത്‌ തെ​റ്റാ​ണോ?

“മനുഷ്യന്റെ ഹൃദയത്തെ സ​ന്തോ​ഷി​പ്പി​ക്കുന്ന വീഞ്ഞും അവന്റെ മുഖത്തെ മി​നു​ക്കു​വാൻ എണ്ണയും മനുഷ്യന്റെ ഹൃദയത്തെ ബ​ല​പ്പെ​ടു​ത്തുന്ന അപ്പവും.”—സ​ങ്കീർത്തനം 104:15.

ആളുകൾ പ​റ​യു​ന്നത്‌

പല നാ​ടു​ക​ളി​ലും ല​ഹ​രി​പാ​നീ​യങ്ങൾ വീട്ടിലെ പതിവുഭക്ഷണത്തിന്റെ ഭാ​ഗ​മാണ്‌. എന്നാൽ മ​റ്റു​ചി​ല​യി​ട​ങ്ങളിൽ അത്‌ തീർത്തും വർജ്യ​മാണ്‌. എ​ന്തു​കൊ​ണ്ടാണ്‌ ഇങ്ങനെ? സം​സ്‌കാ​രം, ആ​രോ​ഗ്യ​ക്ഷേമം, മ​ത​വി​ശ്വാ​സം എന്നിവ ആളുകളെ സ്വാ​ധീ​നി​ക്കു​ന്ന​താണ്‌ ഇതിനു കാരണം.

ബൈബിൾ പ​റ​യു​ന്നത്‌

അ​മി​ത​മ​ദ്യ​പാ​ന​ത്തെയും മ​ദ്യാ​സ​ക്തി​യെ​യും ബൈബിൾ കു​റ്റം​വി​ധി​ക്കു​ന്നു. എന്നാൽ മദ്യത്തിന്റെ മിതമായ ഉ​പ​യോ​ഗം അതു വി​ല​ക്കു​ന്നില്ല. (1 ​കൊ​രി​ന്ത്യർ 6:9, 10) ബൈ​ബി​ളിൽ വീ​ഞ്ഞി​നെപ്പറ്റി ഇ​രു​ന്നൂ​റി​ലേറെ പ​രാ​മർശ​ങ്ങ​ളുണ്ട്‌. പു​രാ​ത​ന​കാ​ലം​മു​തൽതന്നെ, ദൈ​വ​ഭ​ക്തരായ സ്‌ത്രീ​പു​രു​ഷന്മാർ വീഞ്ഞ്‌ കു​ടി​ച്ചി​രുന്നു. (ഉല്‌പത്തി 27:25) “നീ ചെന്നു സ​ന്തോ​ഷ​ത്തോ​ടു​കൂടെ അപ്പം തിന്നുക; ആനന്ദഹൃദയത്തോടെ വീഞ്ഞു കുടിക്ക” എന്ന്‌ സ​ഭാ​പ്ര​സംഗി 9:7 പറയുന്നു. വീഞ്ഞ്‌ മനസ്സിന്‌ സന്തോഷം പ​ക​രു​ന്ന​താ​യ​തു​കൊണ്ട്‌ വി​വാ​ഹ​വി​രു​ന്നു​പോ​ലുള്ള ആ​ഘോ​ഷ​വേ​ള​ക​ളിൽ അതു വി​ള​മ്പി​യി​രു​ന്നു. അ​ത്ത​ര​മൊ​രു വി​വാ​ഹ​വി​രു​ന്നിൽവെ​ച്ചാണ്‌ വെള്ളം “വീഞ്ഞ്‌” ആക്കി മാ​റ്റി​ക്കൊണ്ട്‌ യേശു തന്റെ ആദ്യത്തെ അത്ഭുതം പ്ര​വർത്തി​ച്ചത്‌. (​യോ​ഹ​ന്നാൻ 2:1-11) ചി​കി​ത്സ​യ്‌ക്കാ​യും വീഞ്ഞ്‌ ഉ​പ​യോ​ഗി​ച്ചി​രുന്നു.—ലൂ​ക്കോസ്‌ 10:34; 1 തി​മൊ​ഥെ​യൊസ്‌ 5:23.

മദ്യം എ​ത്ര​ത്തോ​ളം കഴിക്കാം എന്നതിന്‌ ബൈബിൾ പ​രി​ധി​വെ​ക്കു​ന്നു​ണ്ടോ?

‘വീഞ്ഞിന്‌ അ​ടി​മ​പ്പെ​ട​രുത്‌.’—തീ​ത്തൊസ്‌ 2:3.

 ശ്രദ്ധിക്കേണ്ടതിന്റെ കാരണം

മ​ദ്യ​പ​ന്മാ​രായ പി​താ​ക്ക​ന്മാർ ഒട്ടനവധി കു​ടും​ബങ്ങളെ ദു​രി​ത​ത്തി​ലാ​ഴ്‌ത്തി​യി​രി​ക്കുന്നു. ചില കു​ടും​ബ​ങ്ങളിൽ അ​മ്മ​മാ​രും മ​ദ്യാ​സ​ക്ത​രാണ്‌. അ​മി​ത​മ​ദ്യ​പാ​നം​മൂലം പലർക്കും വീണു പ​രി​ക്കു​പ​റ്റു​ക​യും മറ്റനവധി അ​പ​ക​ട​ങ്ങ​ളു​ണ്ടാ​കു​കയും ചെയ്യുന്നു. പല റോ​ഡ​പ​ക​ട​ങ്ങ​ളു​ടെയും കാ​ര​ണ​വും മറ്റൊന്നല്ല. മദ്യത്തിന്റെ ദു​രു​പ​യോ​ഗം​മൂലം മ​സ്‌തിഷ്‌കം, ഹൃദയം, കരൾ, ഉദരം എ​ന്നി​വ​യ്‌ക്ക്‌ കാ​ലാ​ന്ത​രത്തിൽ ഹാ​നി​വ​രു​ക​യും ചെ​യ്‌തേക്കാം.

ബൈബിൾ പ​റ​യു​ന്നത്‌

ഭ​ക്ഷ​ണ​പാ​നീ​യ​ങ്ങ​ളിലെ മിതത്വം ദൈവം നി​ഷ്‌കർഷി​ക്കുന്ന ഒരു അ​ടി​സ്ഥാ​ന​സം​ഗ​തി​യാണ്‌. (സദൃശവാക്യങ്ങൾ 23:20; 1 തി​മൊ​ഥെ​യൊസ്‌ 3:2, 3, 8) ആത്മനിയന്ത്രണത്തിന്റെ അഭാവം അവന്റെ അപ്രീതി വി​ളി​ച്ചു​വ​രു​ത്തും. “വീഞ്ഞു പ​രി​ഹാ​സി​യും മദ്യം ക​ല​ഹ​ക്കാ​രനും ആകുന്നു; അതിനാൽ ചാഞ്ചാടി നടക്കുന്ന (“വ​ഴി​പി​ഴച്ചു പോ​കു​ന്നവൻ,” ഓശാന ബൈബിൾ.) ആരും ജ്ഞാ​നി​യാ​കയില്ല” എന്ന്‌ ബൈബിൾ പ്ര​സ്‌താ​വി​ക്കു​ന്നു.—സദൃശവാക്യങ്ങൾ 20:1.

ഒരുവൻ ‘ചാഞ്ചാടി’ നടക്കാൻ അഥവാ ‘വ​ഴി​പി​ഴ​ച്ചു​പോ​കാൻ’ മദ്യം ഇ​ട​യാ​ക്കു​ന്നത്‌ എ​ങ്ങ​നെ​യാണ്‌? വി​വേ​ക​ശൂ​ന്യ​രായ ആ​ളു​ക​ളു​ടെ ധാർമി​ക​നിഷ്‌ഠ ക്ഷ​യി​പ്പി​ച്ചു​കൊ​ണ്ടാണ്‌ മദ്യം അതിന്‌ ഇ​ട​യാ​ക്കു​ന്നത്‌. “വീഞ്ഞും പുതിയ വീഞ്ഞും ബുദ്ധിയെ കെ​ടു​ത്തു​ക​ള​യു​ന്നു” എന്ന്‌ ഹോശേയ 4:11 പറയുന്നു. ഒരു തി​ക്താ​നു​ഭ​വ​ത്തി​ലൂ​ടെ​യാണ്‌ ജോൺ * ഈ സത്യം തി​രി​ച്ച​റി​ഞ്ഞത്‌. ഭാ​ര്യ​യു​മായി ക​ല​ഹി​ച്ചിട്ട്‌ അദ്ദേഹം വീ​ട്ടിൽനി​ന്നി​റങ്ങി നേരെ ഒരു ഹോ​ട്ട​ലി​ലേക്ക്‌ പോയി. അ​വി​ടെ​ച്ചെന്ന്‌ കണക്കറ്റ്‌ കുടിച്ച അദ്ദേഹം വ്യ​ഭി​ചാ​രത്തിൽ ഏർപ്പെട്ടു. ജോ​ണിന്‌ പിന്നീട്‌ ആഴമായ ദുഃ​ഖം​തോന്നി, വീ​ണ്ടു​മൊ​രി​ക്കലും തെറ്റ്‌ ആ​വർത്തി​ക്കു​ക​യി​ല്ലെന്ന്‌ അദ്ദേഹം ശ​പ​ഥ​മെ​ടു​ക്കു​കയും ചെയ്‌തു. ശാ​രീ​രി​കവും ധാർമി​കവും ആ​ത്മീ​യ​വും ആയി ഹാ​നി​വ​രു​ത്താൻ മദ്യത്തിന്റെ ദു​രു​പ​യോ​ഗ​ത്തിന്‌ കഴിയും. മ​ദ്യ​പ​ന്മാർ നി​ത്യ​ജീ​വൻ പ്രാ​പി​ക്കു​ന്ന​വ​രുടെ പ​ട്ടി​ക​യിൽ ഉ​ണ്ടാ​യി​രി​ക്കി​ല്ലെന്ന്‌ ബൈബിൾ പറയുന്നു.—1 ​കൊ​രി​ന്ത്യർ 6:9, 10.

മദ്യം ക​ഴി​ക്കു​ന്നത്‌ അ​നു​ചി​ത​മാ​യി​രി​ക്കു​ന്നത്‌ എപ്പോൾ?

“ആപത്തുകൾ വരുന്നതു കണ്ട്‌ ജ്ഞാനികൾ ഒ​ഴി​ഞ്ഞു​മാ​റു​ന്നു. എന്നാൽ ഭോ​ഷ​ന്മാർ നേരെ അ​തി​ലേക്കു ചെന്ന്‌ അതിലെ ദു​രി​തങ്ങൾ നേ​രി​ട്ട​നു​ഭ​വി​ക്കുന്നു.”—സദൃശവാക്യങ്ങൾ 22:3, പരിശുദ്ധ ബൈബിൾ, ഈസി-റ്റു-റീഡ്‌ വേർഷൻ.

ശ്രദ്ധിക്കേണ്ടതിന്റെ കാരണം

“മദ്യം ശക്തമായ ഒരു ല​ഹ​രി​പ​ദാർഥ​മാണ്‌” എന്ന്‌ ദ വേൾഡ്‌ബുക്ക്‌ എൻ​സൈ​ക്ലോ​പീ​ഡിയ പറയുന്നു. അ​തു​കൊണ്ട്‌ മദ്യത്തിന്റെ മിതമായ ഉ​പ​യോ​ഗം​പോ​ലും ഉ​ചി​ത​മ​ല്ലാത്ത ചില സാ​ഹ​ച​ര്യ​ങ്ങളും സ​മ​യ​ങ്ങ​ളും ഉ​ണ്ടാ​യി​രു​ന്നേ​ക്കാം.

ബൈബിൾ പ​റ​യു​ന്നത്‌

ഉ​ചി​ത​മ​ല്ലാത്ത സമയത്തും സ​ന്ദർഭ​ങ്ങ​ളി​ലും മദ്യം ക​ഴി​ക്കു​ന്ന​തു​മൂ​ലം ആളുകൾ ‘നേരെ ചെന്നു’ പ്ര​ശ്‌ന​ങ്ങളിൽ ചാടുന്നു. “എ​ല്ലാ​റ്റി​ന്നും ഒരു സ​മ​യ​മുണ്ട്‌” എന്നു ബൈബിൾ പ്ര​സ്‌താ​വി​ക്കു​ന്നു. മദ്യം ക​ഴി​ക്കാ​തി​രി​ക്കു​ന്ന​തി​നും ഒരു സ​മ​യ​മുണ്ട്‌. (സ​ഭാ​പ്ര​സംഗി 3:1) ഉ​ദാ​ഹ​ര​ണ​ത്തിന്‌, ചിലർക്ക്‌ മദ്യം ഉ​പ​യോ​ഗി​ക്കാൻ നിയമം അ​നു​വ​ദി​ക്കുന്ന പ്രായം ആ​യി​ട്ടി​ല്ലാ​യി​രി​ക്കാം. മറ്റുചില ആളുകൾ മ​ദ്യാ​സ​ക്തി​യിൽനിന്ന്‌ മു​ക്തി​നേടാൻ പ​രി​ശ്ര​മി​ച്ചു​വ​രു​ക​യാ​യി​രി​ക്കാം. ഇനിയും ചിലർ മ​ദ്യ​വു​മായി ഒ​ത്തു​പോ​കാത്ത ഏ​തെ​ങ്കി​ലും ചി​കി​ത്സ​യി​ലാ​യി​രു​ന്നേക്കാം. മദ്യം ഉ​പ​യോ​ഗി​ക്കാ​തി​രി​ക്കാ​നുള്ള ‘സമയങ്ങൾ’ വേ​റെ​യു​മുണ്ട്‌: ജോ​ലി​ക്കു​പോ​കു​ന്ന​തി​നു​മു​മ്പും ജോ​ലി​യി​ലാ​യി​രി​ക്കു​മ്പോ​ഴും അ​പ​ക​ട​ക​രമായ യ​ന്ത്ര​സാ​മ​ഗ്രി​കൾ പ്ര​വർത്തി​പ്പി​ക്കു​മ്പോ​ഴും അത്‌ അ​നു​ചി​ത​മാണ്‌. ജ്ഞാ​നി​ക​ളായ ആളുകൾ ജീ​വ​നെ​യും ആ​രോ​ഗ്യ​ത്തെ​യും ദൈ​വ​ത്തിൽനി​ന്നുള്ള അ​മൂ​ല്യ​വ​ര​ദാ​ന​മായി വീ​ക്ഷി​ക്കു​ന്നു. (സ​ങ്കീർത്തനം 36:9) മദ്യത്തിന്റെ കാ​ര്യ​ത്തി​ലുള്ള നമ്മുടെ മ​നോ​ഭാ​വത്തെ നയിക്കാൻ ബൈ​ബിൾത​ത്ത്വ​ങ്ങളെ അ​നു​വ​ദി​ച്ചു​കൊണ്ട്‌ ആ വ​ര​ദാ​ന​ങ്ങ​ളോട്‌ നമുക്ക്‌ ആദരവു കാ​ണി​ക്കാം. ◼ (g13-E 08)