കോസ്റ്റ​റീ​ക്ക​യു​ടെ കിഴക്കൻ തീര​ദേ​ശത്തെ അഴിമു​ഖ​ന​ഗ​ര​മായ പോർട്ടോ ലിമോ​ണി​ലാണ്‌ ഞാൻ വളർന്നത്‌. എട്ടു മക്കളിൽ ഏഴാമ​നാ​യി​രു​ന്നു ഞാൻ. എനിക്ക് എട്ട് വയസ്സു​ള്ള​പ്പോൾ പിതാവ്‌ മരിച്ചു. പിന്നെ അമ്മ ഒറ്റയ്‌ക്കാണ്‌ ഞങ്ങളെ എല്ലാവ​രെ​യും വളർത്തി​യത്‌.

ചെറു​പ്പം​മു​ത​ലേ ബേസ്‌ബോൾ എനിക്കു ജീവനാ​യി​രു​ന്നു. അതായി​രു​ന്നു എന്‍റെ ജീവിതം. കൗമാ​ര​ത്തിൽ, നേരം​പോ​ക്കി​നാ​യി ഞാൻ അവിടത്തെ ഒരു ബേസ്‌ബോൾ ടീമിൽ ചേർന്നു. എന്‍റെ 20-കളുടെ തുടക്ക​ത്തിൽ നിക്കരാ​ഗ്വ​യി​ലുള്ള ഒരു പ്രൊ​ഫ​ഷണൽ ടീമി​നോ​ടൊ​പ്പം കളിക്കു​ന്ന​തി​നെ​ക്കു​റിച്ച് ഒരു സ്‌കൗട്ട് എന്നോട്‌ ചോദി​ച്ചു. എന്നാൽ ആ സമയത്ത്‌ അമ്മയുടെ ആരോ​ഗ്യ​സ്ഥി​തി മോശ​മാ​യി​രു​ന്ന​തി​നാൽ എനിക്ക് അമ്മയെ നോക്ക​ണ​മാ​യി​രു​ന്നു. അതു​കൊണ്ട് എനിക്കു നിക്കരാ​ഗ്വ​യി​ലേക്കു പോകാൻ കഴിയു​മാ​യി​രു​ന്നില്ല. അങ്ങനെ ആ ക്ഷണം ഞാൻ നിരസി​ച്ചു. പിന്നീട്‌ ഒരിക്കൽ, കോസ്റ്റ​റീ​ക്ക​യു​ടെ ദേശീയ ബേസ്‌ബോൾ ടീമിൽ തിര​ഞ്ഞെ​ടു​ക്ക​പ്പെട്ട അമെച്വർ കളിക്കാ​രോ​ടൊ​പ്പം ചേരാ​നാ​യി മറ്റൊരു സ്‌കൗട്ട് എന്നെ ക്ഷണിച്ചു. ഈ പ്രാവ​ശ്യം ആ ക്ഷണം ഞാൻ സ്വീക​രി​ച്ചു. അങ്ങനെ 1949 മുതൽ 1952 വരെ ഞാൻ ദേശീയ ടീമം​ഗ​മാ​യി​രു​ന്നു, ക്യൂബ​യി​ലും മെക്‌സി​ക്കോ​യി​ലും നിക്കരാ​ഗ്വ​യി​ലും ഒക്കെ വെച്ച് നടത്തിയ പരമ്പര​ക​ളിൽ ഞാൻ കളിച്ചു. ഒരു ബേസ്‌മാ​നാ​യി കളിച്ച ഞാൻ അതിൽ മികവു​പു​ലർത്തി. ഒരവസ​ര​ത്തിൽ തുടർച്ച​യാ​യി 17 കളികൾവരെ ഒരു പിഴവു​പോ​ലും വരുത്താ​തെ ഞാൻ കളിച്ചു. കാണികൾ എന്‍റെ പേര്‌ ആർത്തു​വി​ളി​ക്കു​ന്നത്‌ എനിക്ക് ഒരു ഹരമാ​യി​രു​ന്നു.

എന്നാൽ സങ്കടക​ര​മെന്നു പറയട്ടെ, എന്‍റേത്‌ ഒരു കുത്തഴിഞ്ഞ ജീവി​ത​മാ​യി​രു​ന്നു. എനിക്കു കാമു​കി​യാ​യിട്ട് ഒരാളേ ഉണ്ടായി​രു​ന്നു​ള്ളു​വെ​ങ്കി​ലും മറ്റു പല സ്‌ത്രീ​ക​ളു​മാ​യും ഞാൻ ബന്ധം വെച്ചു​പു​ലർത്തി. ഞാൻ ഒരു മുഴു​ക്കു​ടി​യ​നു​മാ​യി​രു​ന്നു. ഒരിക്കൽ കുടിച്ച് ബോധ​മി​ല്ലാ​തെ​യാണ്‌ ഞാൻ വീട്ടി​ലെ​ത്തി​യത്‌, പിറ്റേന്ന് എത്ര ആലോ​ചി​ച്ചി​ട്ടും എങ്ങനെ​യാണ്‌ വീട്ടിൽ എത്തിയ​തെന്ന് ഒരു രൂപവും കിട്ടി​യില്ല! അതിനു പുറമേ കാശി​നു​വേണ്ടി ഞാൻ ചൂതാ​ട്ട​ത്തിൽ ഏർപ്പെ​ടു​ക​യും ലോട്ടറി എടുക്കു​ക​യും ഒക്കെ ചെയ്‌തു.

അങ്ങനെ​യി​രി​ക്കെ അമ്മ ഒരു യഹോ​വ​യു​ടെ സാക്ഷി​യാ​യി. ആ വിശ്വാ​സ​ത്തിൽ എന്‍റെ താത്‌പ​ര്യം വളർത്താൻ അമ്മ ശ്രമിച്ചു, പക്ഷേ അമ്മ അതിൽ ആദ്യം പരാജ​യ​പ്പെട്ടു. കാരണം ഞാൻ എന്‍റെ കളിയിൽ അത്രമാ​ത്രം മുഴു​കി​യി​രു​ന്നു. പരിശീ​ല​ന​സ​മ​യത്ത്‌ എനിക്കു വിശപ്പു​പോ​ലും തോന്നില്ല! കളിയി​ലാ​യി​രു​ന്നു എന്‍റെ മനസ്സു മുഴുവൻ. മറ്റെന്തി​നെ​ക്കാ​ളും അധികം ഞാൻ ബേസ്‌ബോൾ ഇഷ്ടപ്പെട്ടു!

എന്‍റെ 29-‍ാ‍ം വയസ്സിൽ ഒരു കളിയിൽ പന്തു പിടി​ക്കാൻ ശ്രമി​ക്കു​ന്ന​തി​നി​ടെ എനിക്കു ഗുരു​ത​ര​മായ പരിക്കു പറ്റി. സുഖം പ്രാപി​ച്ച​ശേഷം ടീമു​കൾക്കു​വേണ്ടി കളിക്കു​ന്നത്‌ ഞാൻ നിറു​ത്തി​യെ​ങ്കി​ലും വീടിന്‌ അടുത്തുള്ള  ബേസ്‌ബോൾ കളിക്കാ​രെ പരിശീ​ലി​പ്പി​ക്കു​ന്ന​തിൽ ഞാൻ സജീവ​മാ​യി പങ്കെടു​ത്തു.

ഞാൻ ബേസ്‌ബോൾ കളിച്ചി​രുന്ന ഒരു സ്റ്റേഡി​യ​ത്തിൽ 1957-ൽ യഹോ​വ​യു​ടെ സാക്ഷികൾ നടത്തുന്ന ഒരു കൺ​വെൻ​ഷ​നുള്ള ക്ഷണം എനിക്കു ലഭിച്ചു. ആ സദസ്സിൽ ഇരുന്ന​പ്പോൾ സാക്ഷി​ക​ളു​ടെ മാന്യ​മായ പെരു​മാ​റ്റം എനിക്കു ശ്രദ്ധി​ക്കാ​തി​രി​ക്കാൻ പറ്റിയില്ല. ബേസ്‌ബോൾ കളി കാണാൻ വന്നിരു​ന്ന​വ​രു​ടെ മോശ​മായ പെരു​മാ​റ്റ​രീ​തി​യിൽനിന്ന് അതു വളരെ വ്യത്യ​സ്‌ത​മാ​യി​രു​ന്നു. അന്ന് ആ കൺ​വെൻ​ഷനു കണ്ട കാര്യങ്ങൾ, സാക്ഷി​ക​ളോ​ടൊത്ത്‌ ബൈബിൾ പഠിക്കാ​നും അവരുടെ സഭാ​യോ​ഗ​ങ്ങൾക്കു പോകാ​നും എന്നെ പ്രേരി​പ്പി​ച്ചു.

ഞാൻ പഠിച്ച പല ബൈബിൾസ​ത്യ​ങ്ങ​ളും എന്നിൽ വളരെ മതിപ്പു​ള​വാ​ക്കി. ഉദാഹ​ര​ണ​ത്തിന്‌, അവസാ​ന​നാ​ളു​ക​ളിൽ തന്‍റെ ശിഷ്യ​ന്മാർ ദൈവ​രാ​ജ്യ​ത്തി​ന്‍റെ സന്തോ​ഷ​വാർത്ത ലോകം മുഴുവൻ പ്രസം​ഗി​ക്കു​മെന്ന് യേശു മുൻകൂ​ട്ടി​പ്പ​റഞ്ഞു. (മത്തായി 24:14) സത്യ​ക്രി​സ്‌ത്യാ​നി​കൾ അവരുടെ ശുശ്രൂഷ സാമ്പത്തി​ക​നേ​ട്ട​ത്തി​നു​വേണ്ടി ഉപയോ​ഗി​ക്കു​ന്നി​ല്ലെ​ന്നും ഞാൻ മനസ്സി​ലാ​ക്കി. യേശു പറഞ്ഞു: “സൗജന്യ​മാ​യി നിങ്ങൾക്കു ലഭിച്ചു; സൗജന്യ​മാ​യി​ത്തന്നെ കൊടു​ക്കുക.”—മത്തായി 10:8.

ഞാൻ ബൈബിൾ പഠിച്ച​പ്പോൾ, ദൈവ​വ​ചനം പറയു​ന്ന​തും സാക്ഷി​കൾക്കി​ട​യിൽ കണ്ടതും തമ്മിൽ താരത​മ്യം ചെയ്‌തു​നോ​ക്കി. ദൈവ​രാ​ജ്യ​ത്തി​ന്‍റെ സന്തോ​ഷ​വാർത്ത ലോക​മെ​ങ്ങും പ്രസം​ഗി​ക്കാൻ കഠിന​ശ്രമം ചെയ്യുന്ന സാക്ഷി​ക​ളോട്‌ എനിക്കു ബഹുമാ​നം തോന്നി. ക്രിസ്‌ത്യാ​നി​കൾ കാണി​ക്കാൻ യേശു പറഞ്ഞ ഉദാര​ത​യു​ടെ മനോ​ഭാ​വം ഞാൻ അവരിൽ കണ്ടു. “വന്ന് എന്‍റെ അനുഗാ​മി​യാ​കുക” എന്ന യേശു​വി​ന്‍റെ ക്ഷണം മർക്കോസ്‌ 10:21-ൽ വായി​ച്ച​പ്പോൾ, ഞാനും ഒരു സാക്ഷി​യാ​കാൻ തീരു​മാ​നി​ച്ചു.

എന്നാൽ പഠിച്ച​ത​നു​സ​രിച്ച് പ്രവർത്തി​ക്കാൻ എനിക്കു കുറച്ച് സമയം വേണ്ടി​വന്നു. ഉദാഹ​ര​ണ​ത്തിന്‌, എല്ലാ ആഴ്‌ച​യി​ലും നടക്കുന്ന ദേശീയ ലോട്ടറി തിര​ഞ്ഞെ​ടു​പ്പിൽ എന്‍റെ “ഭാഗ്യ”നമ്പറി​നു​വേണ്ടി ഞാൻ വർഷങ്ങ​ളോ​ളം കളിച്ചു. എന്നാൽ ‘ഭാഗ്യ​ദേ​വനെ’ ആരാധി​ക്കു​ന്ന​വ​രെ​യും അത്യാ​ഗ്ര​ഹി​ക​ളെ​യും ദൈവം വെറു​ക്കു​ന്നു എന്ന് ബൈബിൾ പഠിച്ച​പ്പോൾ എനിക്കു മനസ്സി​ലാ​യി. (യശയ്യ 65:11; കൊ​ലോ​സ്യർ 3:5) അതു​കൊണ്ട് ചൂതാട്ടം നിറു​ത്താൻ ഞാൻ തീരു​മാ​നി​ച്ചു. പക്ഷേ ഞാൻ കളി നിറു​ത്തിയ ആദ്യ ഞായറാഴ്‌ച ലോട്ടറി അടിച്ചത്‌ എന്‍റെ “ഭാഗ്യ”നമ്പറി​നാ​യി​രു​ന്നു. ആ ആഴ്‌ച ഞാൻ കളിക്കാ​തി​രു​ന്ന​തു​കൊണ്ട് ആളുകൾ എന്നെ പരിഹ​സി​ച്ചു. വീണ്ടും കളിക്കാൻ എന്നെ നിർബ​ന്ധി​ക്കു​ക​യും ചെയ്‌തു. എന്നാൽ പിന്നീ​ടൊ​രി​ക്ക​ലും ഞാൻ ചൂതാ​ട്ട​ത്തി​ലേക്കു മടങ്ങി​യില്ല.

യഹോ​വ​യു​ടെ സാക്ഷി​ക​ളു​ടെ കൺ​വെൻ​ഷ​നിൽ സ്‌നാ​ന​മേറ്റ ദിവസം​തന്നെ എന്‍റെ ‘പുതിയ വ്യക്തി​ത്വ​ത്തിന്‌’ മറ്റൊരു പരി​ശോ​ധ​ന​യും നേരിട്ടു. (എഫെസ്യർ 4:24) അന്നു വൈകിട്ട് ഞാൻ എന്‍റെ ഹോട്ടൽമു​റി​യിൽ തിരി​ച്ചെ​ത്തി​യ​പ്പോൾ എന്‍റെ പഴയ കാമുകി എന്നെയും കാത്ത്‌ റൂമിനു മുന്നിൽ നിൽപ്പു​ണ്ടാ​യി​രു​ന്നു. “വരൂ സാമൂ” എന്നു പറഞ്ഞ് അവൾ മോശ​മായ ബന്ധത്തിൽ ഏർപ്പെ​ടാൻ എന്നെ നിർബ​ന്ധി​ച്ചു. “പറ്റില്ല” എന്നു അപ്പോൾത്തന്നെ ഞാൻ തീർത്തു​പ​റഞ്ഞു. ബൈബി​ളി​ന്‍റെ ധാർമി​ക​നി​ല​വാ​ര​ങ്ങൾക്കു ചേർച്ച​യി​ലാണ്‌ ഞാൻ ഇപ്പോൾ ജീവി​ക്കു​ന്ന​തെന്ന കാര്യ​വും അവളോ​ടു പറഞ്ഞു. (1 കൊരി​ന്ത്യർ 6:18) ഒരു പരിഹാ​സ​ത്തോ​ടെ അവൾ ചോദി​ച്ചു, “എന്ത്!” ലൈം​ഗിക അധാർമി​ക​ത​യെ​ക്കു​റി​ച്ചുള്ള ബൈബി​ളി​ന്‍റെ വീക്ഷണത്തെ പുച്ഛി​ച്ചു​കൊണ്ട് ഞങ്ങളുടെ ബന്ധം വീണ്ടും തുടങ്ങാൻ അവൾ എന്നെ നിർബ​ന്ധി​ച്ചു. എന്നാൽ ഞാൻ പെട്ടെന്ന് എന്‍റെ മുറി​യി​ലേക്കു പോയി വാതിൽ അടച്ചു. അന്നുമു​തൽ ഇന്നുവരെ, അതായത്‌ 1958-ൽ ഒരു സാക്ഷി​യാ​യ​തു​മു​തൽ ഇപ്പോൾവരെ, ഞാൻ എന്‍റെ ജീവി​ത​രീ​തി​യിൽ വരുത്തിയ മാറ്റങ്ങൾ വിശ്വ​സ്‌ത​മാ​യി മുറു​കെ​പ്പി​ടി​ച്ചി​രി​ക്കു​ന്നു.

ബൈബി​ളി​ന്‍റെ മാർഗ​നിർദേശം അനുസ​രി​ച്ച​തി​ലൂ​ടെ എനിക്കു ലഭിച്ചി​ട്ടുള്ള അനു​ഗ്ര​ഹ​ങ്ങ​ളെ​ക്കു​റിച്ച് ഒരു പുസ്‌ത​കം​തന്നെ എഴുതാ​മാ​യി​രു​ന്നെന്ന് എനിക്ക് ഇപ്പോൾ തോന്നു​ന്നു. ആ അനു​ഗ്ര​ഹ​ങ്ങ​ളിൽ ചിലതാണ്‌ എനിക്കുള്ള നല്ല കൂട്ടു​കാർ, അർഥവ​ത്തായ ഒരു ജീവിതം, ഞാൻ അനുഭ​വി​ക്കുന്ന യഥാർഥ സന്തോഷം എന്നിവ​യൊ​ക്കെ.

ബേസ്‌ബോൾ ഞാൻ ഇന്നും ആസ്വദി​ക്കു​ന്നു. എന്നാൽ എന്‍റെ മൂല്യ​ങ്ങ​ളിൽ ഞാൻ ചില മാറ്റങ്ങൾ വരുത്തി. ബേസ്‌ബോൾ കളി എനിക്കു നേടിത്തന്ന പണവും പ്രശസ്‌തി​യും ഒന്നും ശാശ്വ​ത​മാ​യി​രു​ന്നില്ല. എന്നാൽ ദൈവ​വും എന്‍റെ സഹോ​ദ​ര​കു​ടും​ബ​വും ആയുള്ള ബന്ധം എന്നും നിലനിൽക്കു​ന്ന​താണ്‌. ബൈബിൾ പറയുന്നു: “ലോക​വും അതിന്‍റെ മോഹ​ങ്ങ​ളും നീങ്ങി​പ്പോ​കു​ന്നു. എന്നാൽ ദൈവ​ത്തി​ന്‍റെ ഇഷ്ടം ചെയ്യു​ന്ന​യാൾ എന്നും ജീവി​ക്കും.” (1 യോഹ​ന്നാൻ 2:17) ഇന്ന്, ദൈവ​മായ യഹോ​വ​യെ​യും അവിടു​ത്തെ ജനത്തെ​യും ഞാൻ മറ്റെന്തി​നെ​ക്കാ​ളും അധികം സ്‌നേ​ഹി​ക്കു​ന്നു!