Isaia 45:1-25
45 Izao no tenin’i Jehovah amin’ilay voahosotra notendreny, dia i Kyrosy,+Ilay notantanako tamin’ny tanany ankavanana,+Mba handresy firenena eo alohany,+Sy hanala ny fiadiana eny amin’ny* mpanjaka,Ary mba hanokatra ny varavarana kopa-droa eo anoloany,Amin’izay tsy hakatona ny vavahady:
2 “Handeha eo alohanao aho,+Ka hataoko mitovy tantana ny havoana.
Hopotipotehiko ny vavahady varahina,Ary hotapahiko ny bara hidiny vy.+
3 Dia homeko anao ny harena voatahiry ao amin’ny haizina,Sy ny harena afenina ao amin’ny toerana miafina.+Amin’izay ho fantatrao fa izaho no Jehovah,Ilay Andriamanitry ny Israely, izay miantso anao amin’ny anaranao.+
4 Antsoiko amin’ny anaranao ianao,Noho ny amin’i Jakoba mpanompoko sy Israely izay nofidiko.
Omeko anarana be voninahitra ianao, na dia tsy nahafantatra ahy akory aza.
5 Izaho no Jehovah, ary tsy misy hafa.
Tsy misy Andriamanitra afa-tsy izaho.+
Homeko hery ianao* na dia tsy fantatrao aza aho.
6 Amin’izay ho fantatry ny olonaHatrany amin’ny fiposahan’ny masoandro ka hatrany amin’ny filentehany,*Fa tsy misy afa-tsy izaho.+
Izaho no Jehovah, ary tsy misy hafa.+
7 Manao ny hazavana+ sy mamorona ny haizina aho,+Ary mampisy fiadanana+ sy mahatonga loza.+Izaho Jehovah no manao an’izany rehetra izany.
8 Mandrotsaha orana avy any ambony, ry lanitra!+Aoka handrotsaka fahamarinana ny rahona.
Aoka hisokatra koa ny tany ka hamokatra famonjena,Sady hampitsiry fahamarinana.+
Izaho Jehovah no namorona an’izany.”
9 Hahita loza izay miady* amin’ny Mpanao azy!*Vakim-bilany tanimanga fotsiny mantsy izy,Miaraka amin’ny vakim-bilany hafa eo amin’ny tany.
Ny tanimanga ve dia hilaza amin’ny Mpanefy* hoe: “Fa inona koa ity amboarinao?”+
Ary ny zavatra namboarinao ve dia hiteny hoe: “Tsy manan-tanana ianao”?*
10 Hahita loza izay milaza amin’ny rainy* hoe: “Inona ity naterakao?”,
Sy miteny amin’ny reniny* hoe: “Fa miteraka inona* koa ity ianao?”
11 Izao no tenin’i Jehovah, Ilay Masin’ny Israely+ sy Ilay namolavola azy:
“Ianao ve dia hiady hevitra amiko momba ny zavatra hitranga,Ary hibaiko ahy ny amin’izay tokony hataoko amin’ny zanako+ sy ny asan’ny tanako?
12 Nanao ny tany+ sy namorona ny olona eo amboniny aho.+
Namelatra ny lanitra tamin’ny tanako aho,+Ary manome baiko ny tafiny manontolo.”+
13 “Nampirisika lehilahy iray aho, satria manao ny rariny.+Hataoko mahitsy ny lalany rehetra.
Izy no hanorina ny tanànako,+Sy hanafaka ny vahoakako any an-tsesitany,+ nefa tsy hoe homena vola na tsolotra izy”,+ hoy i Jehovah Tompon’ny tafika.
14 Izao no tenin’i Jehovah:
“Ho tonga any aminao ka ho lasanao ny tombony azon’i* Ejipta,Sy ny entam-barotr’i* Etiopia, ary ny Sabeanina avo ranjanana.
Handeha ao aorianao izy ireo, sady mifatotra rojo vy.
Ho tonga izy ireo ka hiankohoka eo anatrehanao.+
Hanaja anao izy ireo ka hiteny hoe: ‘Manampy anao tokoa Andriamanitra.+Tsy misy ankoatra azy, ary tsy misy Andriamanitra afa-tsy izy.’”
15 Andriamanitra miafina tokoa ianao,Ry Andriamanitry ny Israely sy Mpamonjy!+
16 Ho menatra sy ho afa-baraka daholo izy ireo.Handeha sady ho afa-baraka daholo ny mpanamboatra sampy.+
17 Fa hovonjen’i Jehovah mandrakizay kosa ianareo ry Israely.+
Tsy ho menatra na ho afa-baraka ianareo mandrakizay.+
18 Fa izao no tenin’i Jehovah,Ilay Mpamorona ny lanitra,+ Ilay tena Andriamanitra,Ilay namolavola ny tany sady Mpanao azy ka nanao azy ho mafy orina,+Ary tsy hoe tsy misy antony* ny namoronany azy fa nataony honenana:+
“Izaho no Jehovah, ary tsy misy hafa.
19 Tsy tao amin’ny toerana miafina+ tany amin’ny tanin’ny haizina aho no niteny.Tsy niteny tamin’ny taranak’i Jakoba aho hoe:‘Mitadiava ahy, nefa ho very maina izany ezaka ataonareo izany.’
Izaho no Jehovah, ary milaza ny marina sy miteny izay mahitsy aho.+
20 Mivoria ka avia!
Manatòna daholo ianareo afa-nandositra avy any amin’ireo firenena.+
Tsy mahafantatra na inona na inona ireo mitondra sary sokitra mandehandeha,Sy mivavaka amin’andriamanitra tsy mahavonjy azy.+
21 Manaova tatitra ka resaho ny adinareo,
Dia avelao izy ireo hiara-mikaon-doha.
Iza no efa nilaza an’izany taloha ela be,Sy niteny an’izany efa hatry ny ela be?
Tsy izaho Jehovah ve?
Tsy misy Andriamanitra afa-tsy izaho.Tsy misy Andriamanitra manao ny rariny sy Mpamonjy+ ankoatra ahy.+
22 Mitadiava ahy, dia ho voavonjy+ ianareo rehetra any amin’ny faran’ny tany,Fa izaho no Andriamanitra, ary tsy misy hafa.+
23 Nianiana tamin’ny tenako aho,Ary marina ny teny navoakan’ny vavako,Ka tsy maintsy ho tanteraka:+
Handohalika eo anatrehako ny olona* rehetra,Ary* hianiana amiko hoe tsy hivadika.+
24 Hilaza koa izy ireo hoe: ‘Manao ny rariny sy mahery foana i Jehovah.
Ho tonga eo anatrehany sady ho menatra izay rehetra tezitra aminy.
25 Ho tsapan’ny taranak’Israely rehetra fa nety ny nanompo an’i Jehovah,+Ary izy no ho reharehan’izy ireo.’”
Fanamarihana
^ Abt: “hamaha ny fehikibo eo amin’ny andilan’ny.”
^ Abt: “Hofatorako mafy ny andilanao.”
^ Na: “Hatrany atsinanana ka hatrany andrefana.”
^ Na: “mifamaly.”
^ Na: “amin’Ilay namolavola azy.”
^ Na: “amin’Ilay namolavola azy.”
^ Na mety hoe “Ary ny tanimanga ve dia hiteny hoe: ‘Tsy misy tahony ilay zavatra nataonao’?”
^ Na: “raim-pianakaviana iray.”
^ Na: “vehivavy iray.”
^ Na: “mihetsi-jaza hiteraka inona.”
^ Na mety hoe “ny mpiasa avy any.”
^ Na mety hoe “ny mpivarotra avy any.”
^ Na mety hoe “tsy hoe tsy hasiana na inona na inona.”
^ Abt: “lohalika.”
^ Abt: “Ary ny lela rehetra.”
