Lisamu 83:1-18
Pina. Samu ya Asafi.+
83 Wena Mulimu, usike wakuza;+Usike wakutumana feela* kamba kuitulela feela, wena Mulimu.
2 Kakuli bona! lila zahao liyemi maefeefe;+Baba kutoile baeza ka buikuhumuso.*
3 Ka bupumi, balelisana kwa mukunda kuli balwanise sicaba sahao;Balela kueza maswe batu bahao ba butokwa.*
4 Bali: “Amutahe lubayundise, basike baba sicaba,+Kuli libizo la Isilaele lisike lahupulwa hape.”
5 Balelisana hamoho;*Baezize tumelelano ya kukulwanisa+—
6 Baba mwa litende za Edomo ni Maishimaele, Moabi+ ni Mahagari,+
7 Gebali ni Amoni+ ni Amaleke,Filisita+ hamoho ni babayahile mwa Tire.+
8 Maasiria+ ni bona baswalisani ni bona;Batusa* bana ba Lota.+ (Selah)
9 Ubaeze sina mone uezelize Midiani,+Sina mone uezelize Sisera ni Jabini kwa nukana* ya Kishoni.+
10 Nebayundiselizwe kwa Eni-doro;+Bafetuha musutelo wa mubu.
11 Ueze babakutekeha babona sina Orebu ni Zeebu+Mi ueze manduna* babona sina Zeba ni Zalumuna,+
12 Kakuli nebaize: “Haluluweñi naha yapila ku yona Mulimu.”
13 Wena Mulimu waka, ubaeze sina sicacani sa miutwa sesipikuluswa ki moya,+Sina bucwañi bobufefulwa ki moya.
14 Sina mulilo ocisa mushitu,Sina lilimi la mulilo lelibabula malundu,+
15 Kabakaleo, haike ubandongwame ka ñuli yahao+Mi ubasabise ka liñungwa lahao.+
16 Uapese* lipata zabona ka maswabi,Kuli babate libizo lahao, wena Jehova.
17 Haike baswabiswe mi basabe kuya kuile;Batompololwe mi bashwe;
18 Haike batu bazibe kuli wena, wa libizo la Jehova,+Ki wena unosi Yapahami ka Kufitisisa fahalimwaa lifasi kaufela.+
Litaluso ze kwatasi
^ Kamba “wapalelwa kubulela sesiñwi.”
^ Kamba “bananulela litoho zabona mwahalimu.”
^ Linzwi ka linzwi, “babapatilwe.”
^ Linzwi ka linzwi, “Balelisana hamoho ka pilu iliñwi.”
^ Linzwi ka linzwi, “Babile lizoho kwa.”
^ Kamba “mulapo.”
^ Kamba “baeteleli.”
^ Linzwi ka linzwi, “Utaze.”
