PUZO 1
Mulimu ki Mañi?
“Haike batu bazibe kuli wena, wa libizo la Jehova, ki wena unosi Yapahami ka Kufitisisa fahalimwaa lifasi kaufela.”
“Muzibe kuli Jehova ki Mulimu. Ki yena yalubupile, mi luna lu bahae.”
“Ki na Jehova. Ki lona libizo laka; hanifi kanya yaka ku yomuñwi, mi hanifi milumbeko yaka kwa maswaniso a kupanga.”
“Mutu kaufela yabiza fa libizo la Jehova ukapiliswa.”
“Ki niti kuli ndu ni ndu inani yaiyahile, kono yayahile lika kamukana ki Mulimu.”
“Hamuinulele meeto amina kwahalimu, mi mutalime. Ki mañi yabupile lika zeo? Ki Yena yalaela limpi zazona kulikana ni palo yazona; kaufelaa zona ulibiza fa mabizo. Kabakala maata ahae amatuna hahulu ni maata ahae asabisa, hakuna nihaiba iliñwi yetondahala ku zona.”
Hape Mwendi Mwakona Kutabela Litaba Ze
LITUTO ZA BUTOKWA ZA MWA BIBELE
Kana Mulimu Unani Libizo?
Mulimu unani malumbatina amañata, kukopanyeleza cwalo ni Yamaata Kaufela, Mubupi, ni Mulena. Kono libizo la Mulimu neliitusisizwe ibato ba ha 7,000 mwa Bibele.
