Lisamu 36:1-12
Ku muzamaisi wa lipina. Samu ya Davida, mutangaa Jehova.
36 Bufosi bubulela ku yamaswe mwa pilu yahae;Habasabi Mulimu.+
2 Kakuli uipahamisa hahulu mwa meeto ahaeKuli mane halemuhi bufosi bwahae ni kubutoya.+
3 Manzwi a mulomo wahae aholofaza mi apuma;Habonisi kutwisiso ya kueza zende.
4 Ulela zemaswe nihaiba fa mumbeta wahae.
U mwa nzila yesi yende;Haahani zemaswe.
5 Jehova, lilato lahao lelisa feli lifita ni kwa mahalimu,+Busepahali bwahao bufita ni kwa malu.
6 Kuluka kwahao kuswana sina malundu akateleha;*+Likatulo zahao liswana sina buliba bwa mezi amañata-ñata.+
Ki wena yapilisa mutu ni folofolo, wena Jehova.+
7 Lilato lahao lelisa feli ki la butokwa hahulu, wena Mulimu!+
Mwa muluti wa mafufa ahao, Ki mona mobasabela bana ba batu.+
8 Banwa kukololokwa ku zeñata* za mwa ndu yahao,+Mi ubanwisa mwa nuka yahao ya bunde.+
9 Ki wena simbule sa bupilo;+Ka liseli lahao lubona liseli.+
10 Uzwelepili kubonisa lilato lahao lelisa feli ku baba kuziba,+Ni kuluka kwahao ku ba lipilu zenani niti.+
11 Usike walumeleza lihutu la babaikuhumusa kunihataKamba lizoho la babamaswe kunilelekisa.
12 Lifosi ki zani liwile;Bawiselizwe fafasi mi habakoni kuyema.+
