Litaba za Makalelo ka za Linzwi la Mulimu

MUBAPALE

Mwa Bibele kunani litaba kamba manzwi azwa ku Mulimu, aalutusa kacenu. Bibele ilubonisa molukona kupilela hande ni molukona kushemubelwa ki Mulimu. Hape ialaba lipuzo zelatelela ze:

1 Mulimu ki mañi?
2 Mukona kuituta cwañi za Mulimu?
3 Ki mañi yanaañozi Bibele?
4 Kana Bibele inepahalile mwa litaba za sayansi?
5 Ki taba mañi ya butokwa yefumaneha mwa Bibele?
6 Bibele neipolofitile litaba mañi ka za Mesiya?
7 Bibele neipolofitile litaba mañi ka za mazazi aluna?
8 Kana Mulimu ki yena yatahisa manyando ebakopana ni ona batu?
9 Ki kabakalañi batu habanyanda?
10 Bibele isepisa kuli kukaezahalañi kwapili?
11 Kuezahalangañi mutu hashwa?
12 Ki sepo mañi yelunani yona ka za babashwile?
13 Bibele ibulelañi ka za kusebeza?
14 Mukona kubabalela cwañi lika zemuluwile?
15 Mukona kuba cwañi ni tabo?
16 Mukona kueza cwañi hamunani lipilaelo?
17 Bibele ikona kutusa cwañi lubasi lwamina?
18 Mukona kusutelela cwañi ku Mulimu?
19 Ki litaba mañi zefumaneha mwa libuka za mwa Bibele?
20 Mukona kutusiwa cwañi hamubala Bibele?

MOMUKONA KUFUMANELA LITIMANA ZA MWA BIBELE

Mwa Bibele kunani libukanyana ze 66. Bibele ialuzwi mwa likalulo zepeli, ili: Mañolo A Siheberu ni Siarami (“Testamente Yakale”) ni Mañolo A Sigerike (“Testamente Yenca”). Buka yeñwi ni yeñwi ye mwa Bibele ialuzwi ka likauhanyo ni ka litimana. Mañolo haboniswa, nombolo yapili yeboniswa hamulaho wa libizo la buka italusa kauhanyo, mi nombolo kamba linombolo zetatama litalusa timana kamba litimana. Ka mutala, Genese 1:1 italusa Genese kauhaunyo 1, timana 1.

BIBELE YA TOLOKO YA LIFASI LELINCA