Эмне үчүн тиленишим керек? Кудай тилегимди орундатабы?
Ыйык Китепте эмне деп айтылат?
Кудай адамдын тилегенин орундатарын Ыйык Китеп да, жашоодо болгон окуялар да тастыктап турат. Мисалы, Ыйык Китепте: «Ал Өзүнөн [Кудайдан] корккондордун каалоосун аткарат, зарлаган үндөрүн угат, аларды куткарат
»,— деп айтылат (Забур 145:19). Бирок бул көбүнчө адамдын өзүнөн көз каранды.
Кудай эмнени талап кылат?
Иса пайгамбарга, кыз Мариямга, ыйыктарга, периштелерге же сөлөкөттөргө эмес, Кудайга кайрылып тиленишибиз керек. Анткени «
тиленүүлөрдү Угуучу
» жалгыз гана Жахаба Кудай (Забур 65:2).Кудайдан тилеген нерсебиз Кудайдын эркине, башкача айтканда, анын Ыйык Китепке жаздырган талаптарына ылайык келиши керек (1 Жакан 5:14).
Кудайга Иса Машаяк аркылуу кайрылышыбыз талап. Ошенткенибиз менен Иса Машаяктын ээлеген абалын сыйлаарыбызды көрсөтөбүз. Анткени Иса Машаяк өзү да: «
Атама мен аркылуу гана барууга болот
»,— деп айткан (Жакан 14:6).Кудайдан эмнени сурабайлы, бизди угарына күмөн санабашыбыз керек. Эгер анын угарына анча ишене албай жатсак, ишенимибизди арттырышын сурансак болот (Матай 21:22; Лука 17:5).
Момун болушубуз керек жана чын жүрөктөн тиленишибиз керек. Ыйык Китепте: «
Жахаба жогоруда болсо да, момунду көрүп турат
»,— деп жазылган (Забур 138:6).Талыкпай тиленишибиз керек. Анткени Иса пайгамбар: «
Сураганыңарды токтотпогула, ошондо силерге берилет
»,— деп айткан (Лука 11:9).
Кудай эмнени талап кылбайт?
Кудайдын адамдын тиленүүсүн орундатар-орундатпасына адамдын улуту таасир этпейт. Анткени бир пайгамбар: «
Мен Кудайдын бет карама эмес экенин эми чындап түшүндүм. Андан корккон, туура иш кылган адам, кайсы элден болбосун, Ага жагарын түшүндүм
»,— деп айткан (Элчилер 10:34, 35).Кандай абалда тиленгенибиз: отуруппу, жүздөмөндөппү, чөгөлөппү же туруп алыппы, Кудай үчүн айырмасы жок (1 Жылнаама 17:16; Некемия 8:6; Даниел 6:10; Марк 11:25).
Кудайга үн чыгарып деле, ичибизден деле кайрылсак болот. Кудай башкаларга угузбай ичибизден тиленгенибизди да угат (Некемия 2:1—6).
Кудайга олуттуу көйгөйлөрүбүздү да, майда-чүйдө нерселерибизди да айтып тиленсек болот. Ыйык Китепте: «
Бардык түйшүгүңөрдү ага арткыла, анткени ал силерге кам көрөт
»,— деп жазылган (1 Петир 5:7).