အိၣ်ပလီၢ်သးထီဘိ
အၢ်မက့းဒိၣ် ကစးထီၣ်ဝဲလၢ ကီၢ်အံၣ်စရ့လးအပူၤဧါ—ဘၣ်ဃးဒီး တၢ်ဂ့ၢ်အံၤန့ၣ် လံာ်စီဆှံတဲဝဲဒ်လဲၣ်
လံာ်စီဆှံပာ်ဖျါထီၣ်ဝဲလၢ အၢ်မက့းဒိၣ် တၢ်ဒုးန့ၣ် တမ့ၢ်တၢ်ဒုးလၢ အကဲထီၣ်ထဲ တၢ်လီၢ်တတီၤဘၣ်. အၢ်မက့းဒိၣ်တၢ်ဒုးန့ၣ် မ့ၢ်ဝဲ ဟီၣ်ခိၣ်ပဒိၣ်ပပှၢ်ခဲလၢာ် ဒီးကစၢ်ယွၤ ကဒုးတၢ်.
“တၢ်ကတိၤတဖၣ်လၢ အဟဲလၢ တၢ်ဝံတၢ်နါအအိၣ် . . . ဒီးလဲၤဝဲလၢ စီၤပၤတဖၣ်လၢ အအိၣ်လၢဟီၣ်ခိၣ်ဒီဘ့ၣ် ဒ်သိး ကပာ်ဖှိၣ်ထီၣ်အဝဲသ့ၣ်လၢ တၢ်ဒုးလၢ အကမၤအသး ဖဲသ့တၢ်လၢာ်ကစၢ်ယွၤ အမုၢ်နံၤဖးဒိၣ် . . . ဒုးအိၣ်ဖှိၣ်ဝဲ စီၤပၤတဖၣ်လၢ တၢ်လီၢ်လၢ အဘၣ်တၢ်ကိးအီၤလၢ ဧ့ၤဘြံၤကျိာ်လၢ အၢ်မက့းဒိၣ်လီၤ.”—လီၣ်ဖျါ ၁၆:၁၄, ၁၆.
ဧ့ၤဘြံၤ အတၢ်ကတိၤလၢ ဘၣ်တၢ်ကွဲးက့ၤအီၤလၢ “အၢ်မက့းဒိၣ်” န့ၣ် အခီပညီ မ့ၢ်ဝဲ “ကစၢၢ်မကံးဒိၤ.” ဒီးကစၢၢ်မကံးဒိၤန့ၣ် လၢညါအအိၣ်ဝဲလၢ လၢပျၢၤကီၢ်အံၣ်စရ့လးအပူၤ. အဃိ ပှၤတနီၤ ဆိကမိၣ်ဝဲလၢ အၢ်မက့းဒိၣ် တၢ်ဒုးန့ၣ် ကကဲထီၣ်ဝဲလၢ ကီၢ်အံၣ်စရ့လးအပူၤ. ဘၣ်ဆၣ် လၢမကံးဒိၤ ဒီးတၢ်လီၢ်လၢ အခိၣ်အဃၢၤမ့ၢ်ဂ့ၤ လၢမုၢ်ထီၣ်တၢ်ခၢၣ်သးလီၢ်ကဝီၤ တတီၤဂ့ၤတတီၤဂ့ၤအပူၤန့ၣ် “စီၤပၤတဖၣ်လၢ အအိၣ်လၢဟီၣ်ခိၣ်ဒီဘ့ၣ်” ဒီးအဝဲသ့ၣ် အဒုၣ်အဒါတဖၣ် မ့ၢ်လဲၤပာ်ဖှိၣ်ထီၣ်အသးဖဲန့ၣ် ခဲလၢာ်န့ၣ် တၢ်လီၢ်တတြီၢ်ဘၣ်.
လံာ်လီၣ်ဖျါန့ၣ် ပှၤကွဲးအီၤဒ် “တၢ်ပနီၣ်တဖၣ်” မ့တမ့ၢ် ပှၤဟ့ၣ်တၢ်အဒိအသိး. (လီၣ်ဖျါ ၁:၁) အဃိ အၢ်မက့းဒိၣ်န့ၣ် တအဲၣ်ဒိးတဲဝဲ တၢ်လီၢ်အနီၢ်ကီၢ်တတီၤဘၣ်. အၢ်မက့းဒိၣ်န့ၣ် အဲၣ်ဒိးတဲဝဲ တၢ်ဒုးလၢ ပှၤကလုာ်လၢ ဟီၣ်ခိၣ်ဒီဘ့ၣ် ကပာ်ဖှိၣ်ထီၣ်အသး ဒီးထီဒါဝဲ ကစၢ်ယွၤအတၢ်ပၢ လၢအလီၢ်ခံကတၢၢ်တဘျီ.—လီၣ်ဖျါ ၁၉:၁၁-၁၆, ၁၉-၂၁.