Һәрге тӧ дьхԝази һәрʹи щики нәнас, тӧйе чь бьки?

1. 1. Тӧйе һәрʹи ԝи али кӧ бь тʹәхмина тә рʹаст ә.

2. 2. Тӧйе пәй ԝан мәрьва һәрʹи, кӧ бь тʹәхмина тә рʹе заньн.

3. 3. Тәйе рʹебәрийед бь итʹбар бьда хәбате, мәсәлә йед ӧса ча ГПС йан хәритә, йан жи тәйе тʹәви һәвале хԝә шеԝьра хԝә бькьра, йе кӧ рʹе рʹьнд занә.

Һәрге әм дӧ методед пешьн бьдьнә хәбате, дьԛәԝьмә әме бьгьһижьнә щики, ле ԝе нә әԝ щи бә кʹижан кӧ мә дьхԝәст. Ле һәрге әм метода сьсийа бьжберьн, әме ида дӧдьли нәбьн кӧ әме әʹсә бьгьһижьнә ԝи щи, кӧ мә дьхԝәст.

Әʹмьре мә мина рʹеԝитийе йә, у әм баԝәр ьн кӧ әме бьгьһижьнә ахьрийа баш. Әме бьгьһижьнә ве ахьрийе йан на, ве йәкева гьредайи йә, кӧ әме сәр һʹиме кʹижан рʹебәрийа сафикьрьна бькьн.

Һьнә сафикьрьнед мә сәр тʹәмамийа әʹмьре мә һʹӧкӧм накьн, ле һәнә сафикьрьнед ӧса, йед дькарьн сәр тʹәмамийа әʹмьре мә һʹӧкӧм кьн. Әв сафикьрьн дьдьнә кʹьфше ньһерʹандьна мә сәр һʹиме ԝан тьшта, чь кӧ рʹаст ә у чь кӧ нәрʹаст ә. Сафикьрьнед ԝи щурʹәйи дькарьн чаԝа баш, ӧса жи хьраб һʹӧкӧм кьн сәр мә у сәр ԝан кәса, кʹижана әм һʹәз дькьн. Һьнә жь ԝан сафикьрьна әԝ ьн:

• Секс у зәԝащ

• Һʹәлали, хәбат у пʹәрә

• Чаԝа зарʹед хԝә мәзьн кьн

• Чаԝа хԝә һьндава мәрьва бьдьнә кʹьфше

Чаԝа баԝәр бьн кӧ сафикьрьнед ԝә һьндава ԝан пьрса, ԝе ахьрийа баш чаԝа ԝәрʹа ӧса жи малбәта ԝәрʹа бинә?

Пьрса рʹасти кʹижана әм тен: Чь ԝе али мьн бькә сафикьрьна сәр һʹиме ве йәке бькьм, чь рʹаст ә у чь нәрʹаст ә?

Ве журналеда ԝе бе шьровәкьрьне, ԝәки Кʹьтеба Пирозда чь те готьне дәрһәԛа ве йәке кӧ чь рʹаст ә у чь нәрʹаст ә, ӧса жи ча әв журнал дькарә али ԝә бькә.