Рʹебәрийа Рʹаст у Нәрʹаст: Бьжартьна кӧ Һун Гәрәке Бькьн
Нормед кӧ әм дьжберьн ԝәки ль гора ԝан бьжин, ԝе һʹӧкӧм кә сәр тʹәмамийа әʹмьре мә. Йаһоԝа дәрһәԛа ве йәке занә, ләма жи әԝ дьхԝазә, ԝәки әм ль гора нормед ԝи бьжин.
Йаһоԝа дьхԝазә ԝәки әʹмьре мә бь әʹдьлайе у шабуне тʹьжә бә.
«Әз Йаһоԝа, Хԝәдайе тә мә, кʹижан кӧ тьштед ԛәнщ тә һин дькә у ве рʹерʹа тә дьбә, ль сәр кʹижани тӧ гәрәке һәрʹи. Хԝази тә гӧһ бьда ԛанунед мьн! Һьнге ԝе әʹдьлайа тә мина чʹем буйа у рʹастийа тә мина пʹелед бәʹре» (Ишайа 48:17, 18, ДТʹ).
Хԝәде Әʹфьрандаре мәйә, ләма жи әԝ һе рʹьнд занә әм ча гәрәке бьжин. Әԝ дьхԝазә ԝәки әм гӧһ бьдьнә рʹебәрийа ԝи, чьмки әв йәк ԝе бона кʹара мә бә. Чахе әм гӧһ дьдьнә тʹәмийед Хԝәде, әм нафькьрьн һәла ахьрийа ве йәке ԝе баш бә, йан на. Әме тʹьме бьжартьна рʹаст бькьн, демәк әв бьжартьн йа кӧ әʹдьлайе у шабуне тинә.
Йаһоԝа жь мә дәʹԝа накә ве йәке бькьн, чь кӧ жь ԛәԝата мә дәр ә.
«Чьмки әв әʹмьре кӧ әз иро ль тә әʹмьр дькьм, нә дури тә йә нә жи әԝ чәтьн ә» (Ԛануна Дӧщари 30:11).
Чахе әм дәстпедькьн ль гора нормед Хԝәде бьжин, ԝи чахи дьԛәԝьмә мәрʹа лазьм бә, фькьр у кьред хԝә бьгӧһезьн. Ле диса жи Йаһоԝа ԝе жь ԛәԝата мә дәр тьшта жь мә дәʹԝа нәкә, чьмки әԝ Әʹфьрандаре мәйә у синора ԛәԝата мә занә. У чьԛас зедә әм Йаһоԝа нас дькьн, һаԛас әм избат дьбьн, кӧ «тʹәмийед ԝи нә гьран ьн» (1 Йуһʹәнна 5:3).
Йаһоԝа соз дьдә, ԝәки ԝе али ԝан бькә кʹе сафи дькә ль гора нормед ԝи бьжи.
«Чьмки әз, Хԝәдайе тә Хӧдан, бь дәсте тә йе рʹасте дьгьрьм. Йе кӧ жь тәрʹа дьбежә: ‹Нәтьрсә, әзе жь тәрʹа бьбьм аликʹар› әз ьм›» (Ишайа 41:13, ИМ).
Әм дькарьн ль гора нормед Хԝәде бьжин у баԝәр бьн, кӧ әԝе али мә бькә. Әԝ дькарә бь сайа Хәбәра хԝә, демәк Кʹьтеба Пироз һевийе у дьлбинийе бьдә мә.
Бь милйона мәрьв сәр тʹәмамийа дьнйайе избат бунә, кӧ чахе әԝана ль гора нормед Хԝәде дьжин, әʹмьре ԝан дьһа баш дьбә. Һун дькарьн һе зедә дәрһәԛа ширәтед кӧ Кʹьтеба Пирозда ньвисар ьн пебьһʹәсьн. Ве йәкеда брошура бь наве Ша бә Жийинерʹа Һʹәта-Һʹәтайе! йа кӧ сәр һʹиме Кʹьтеба Пироз ә дькарә али ԝә бькә, кʹижан кӧ һун дькарьн сәр малпәра jw.org бьдьнә кʹьшандьне. Ве брошуреда се дәрс һәнә:
-
Кʹьтеба Пироз Ча Дькарә Али Тә Бькә?
-
Кʹьтеба Пироз Һевийе Дьдә Мә
-
Гәло Һун Дькарьн Итʹбарийа Хԝә Кʹьтеба Пироз Биньн?
Чьԛас һун Кʹьтеба Пироз һин бьн у лекʹолин кьн, һаԛас һуне бьвиньн кӧ ширәтед ԝе кәвьн нәбунә; «әԝ һʹәта-һʹәтайе һʹимгьрти нә» (Зәбур 111:8). Һәрге әм ль гора нормед Кʹьтеба Пироз бьжин, әʹмьре мә ԝе бәрбь башбуне һәрʹә. Ле диса жи, Хԝәде зоре мә накә, ль гора нормед ԝи бьжин (Ԛануна Дӧщари 30:19, 20; Йешу 24:15). Әв бьжартьн, һәр кәс жь мә хԝәха гәрәке бькә.
