អារម្មណ៍
គម្ពីរព្រមានអំពីអារម្មណ៍ដែលនាំឲ្យអន្តរាយ ហើយលើកទឹកចិត្តយើងឲ្យបណ្ដុះឲ្យមានអារម្មណ៍ដែលនាំឲ្យមានប្រយោជន៍។
កំហឹង
គោលការណ៍គម្ពីរ: «អ្នកណាដែលយឺតនឹងខឹង នោះវិសេសជាងអ្នកដែលមានកំឡាំងខ្លាំង»។—សុភាសិត ១៦:៣២
អត្ថន័យ: យើងទទួលប្រយោជន៍ពេលយើងចេះគ្រប់គ្រងអារម្មណ៍របស់យើង។ ជួនកាលយើងប្រហែលខឹងដោយមានមូលហេតុត្រឹមត្រូវ តែបើយើងមិនគ្រប់គ្រងកំហឹងយើង នេះអាចនាំឲ្យអន្តរាយ។ ពួកអ្នកស្រាវជ្រាវនៅសម័យនេះបញ្ជាក់ថា ពេលមនុស្សខឹង គេមិនតែងតែគិតយ៉ាងច្បាស់លាស់ ហើយច្រើនតែនិយាយឬធ្វើអ្វីដែលនាំឲ្យគេស្ដាយក្រោយ។
អ្វីដែលអ្នកអាចធ្វើ: រៀនឲ្យចេះគ្រប់គ្រងអារម្មណ៍របស់អ្នកមុនវាគ្រប់គ្រងអ្នកវិញ។ មនុស្សខ្លះគិតថាការបញ្ចេញកំហឹងជាសញ្ញាដែលបញ្ជាក់ថាពួកគេខ្លាំង តែតាមពិតពួកគេជាមនុស្សខ្សោយទៅវិញ ព្រោះគម្ពីរចែងថា៖ «បើអ្នកណាដែលមិនចេះគ្រប់គ្រងលើចិត្តរបស់ខ្លួន នោះធៀបដូចជាទីក្រុងដែលរលំ ហើយឥតមានកំផែង»។ (សុភាសិត ២៥:២៨) វិធីមួយដើម្បីជួយឲ្យយើងទប់កំហឹងគឺយល់ការពិតច្បាស់ មុននិយាយឬធ្វើអ្វីមួយ។ គម្ពីររៀបរាប់ថា៖ «សតិបញ្ញារបស់មនុស្សនឹងនាំឲ្យយឺតនឹងខឹង»។ (សុភាសិត ១៩:១១) ដូច្នេះ ជាការល្អឲ្យយើងពិចារណាអំពីរឿងទាំងអស់ ព្រោះនេះអាចជួយឲ្យយើងយល់ធ្លុះជ្រៅអំពីរឿងនោះ ហើយអាចជួយយើងឲ្យគ្រប់គ្រងអារម្មណ៍។
ចិត្តដឹងគុណ
គោលការណ៍គម្ពីរ: «ចូរបង្ហាញអំណរគុណ»។—កូឡុស ៣:១៥
អត្ថន័យ: គេធ្លាប់និយាយថា បុគ្គលដែលមានចិត្តដឹងគុណប៉ុណ្ណោះអាចមានសុភមង្គល។ សូម្បីតែអ្នកដែលបាត់បង់មនុស្សជាទីស្រឡាញ់យ៉ាងអាណោចអាធ័ម ឬបាត់បង់អ្វីមួយដែលមានតម្លៃ ក៏ឯកភាពដែរ។ ពួកគេថាអ្វីដែលបានជួយពួកគេឲ្យស៊ូទ្រាំនឹងអារម្មណ៍របស់ពួកគេ គឺការមានចិត្តដឹងគុណចំពោះអ្វីដែលពួកគេនៅតែមាន ជាជាងគិតជានិច្ចអំពីអ្វីដែលពួកគេបាត់បង់នោះ។
អ្វីដែលអ្នកអាចធ្វើ: រាល់ថ្ងៃ សូមគិតឬកត់ទុកអ្វីៗទាំងអស់ដែលនាំឲ្យអ្នកមានចិត្តដឹងគុណ។ នេះមិនចាំបាច់ជាអ្វីដែលធំដុំទេ។ សូមរំពឹងគិតអំពីអ្វីដែលតូចតាចដែរ ដូចជាថ្ងៃរះដ៏សែនស្អាត ការនិយាយលេងយ៉ាងសប្បាយជាមួយបងប្អូនជាទីស្រឡាញ់ ឬការមានជីវិតមួយថ្ងៃទៀត។ អ្វីទាំងអស់នេះអាចនាំឲ្យអ្នកសប្បាយជាង បើអ្នកគិត ហើយមានចិត្តដឹងគុណចំពោះអ្វីទាំងនោះ។
ការគិតអំពីមូលហេតុដែលអ្នកមានចិត្តដឹងគុណចំពោះក្រុមគ្រួសារនិងមិត្តភក្ដិអាចនាំឲ្យមានប្រយោជន៍ណាស់។ ពេលអ្នកដឹងអ្វីដែលអ្នកឲ្យតម្លៃចំពោះបុគ្គលម្នាក់ សូមប្រាប់គាត់ដោយផ្ទាល់ ឬសរសេរសំបុត្រ ផ្ញើអ៊ីមែល ឬផ្ញើសារ។ ការធ្វើដូច្នេះទំនងជាពង្រឹងចំណងមិត្តភាពរវាងអ្នកនិងគាត់ ហើយជួយអ្នកឲ្យមានសុភមង្គលដែលមកពីការឲ្យគេ។—សកម្មភាព ២០:៣៥
គោលការណ៍គម្ពីរឯទៀត
អ្នកអាចថតចម្លងឯកសារសំឡេងដែលជាអំណានគម្ពីរ។ ឯកសារសំឡេងទាំងនេះមានជាង៤០ភាសានៅគេហទំព័រjw.org
ដើរចេញពេលមានជម្លោះ
«ការចាប់ផ្ដើមប្រកាន់គ្នា នោះប្រៀបដូចជាបើកទំនប់ទឹក ដូច្នេះ ចូរលើកការទាស់គ្នាចេញ មុនដែលកើតមានការប្រឈ្លោះគ្នាផង»។—សុភាសិត ១៧:១៤
កុំព្រួយហួសហេតុពេកអំពីអនាគត
«កុំខ្វល់ខ្វាយអំពីថ្ងៃស្អែកឲ្យសោះ ពីព្រោះថ្ងៃស្អែកនឹងមានកង្វល់សម្រាប់ថ្ងៃស្អែក។ សេចក្ដីអាក្រក់នៅថ្ងៃនីមួយៗ គឺល្មមសម្រាប់ថ្ងៃនោះហើយ»។—ម៉ាថាយ ៦:៣៤
គិតឲ្យបានដិតដល់ ជាជាងមានប្រតិកម្មតាមអារម្មណ៍ប៉ុណ្ណោះ
«គំនិតវាងវៃនឹងការពារឯង ហើយយោបល់នឹងថែរក្សាឯង»។—សុភាសិត ២:១១
លោកអ្នកក៏ប្រហែលជាចូលចិត្តដែរ
ភ្ញាក់
តើអ្នកអាចធ្វើអ្វីពេលមានការតានតឹងចិត្ត?
សូមពិនិត្យមើលគោលការណ៍ខ្លះដែលមានប្រយោជន៍ ដែលអាចជួយអ្នកឲ្យប្រឈមមុខនឹងការតានតឹងចិត្តបានល្អប្រសើរជាង ហើយក៏ប្រហែលជាអាចកាត់បន្ថយភាពតានតឹងចិត្តបានដែរ។
