ចូរចាំយាម!
តើការប្រយុទ្ធគ្នាអាចបញ្ចប់ទេ? តើគម្ពីរចែងយ៉ាងណា?
ក្រោយពីអ៊ីរ៉ង់បានវាយប្រហារអ៊ីស្រាអែលកាលពីថ្ងៃសៅរ៍ ទី១៣ ខែមេសា ឆ្នាំ២០២៤ នោះអគ្គលេខាធិការនៃអង្គការសហប្រជាជាតិ លោកអង់តូនីញ៉ូ គុថេរិសបានរៀបរាប់ថា៖«ឥឡូវគឺជាពេលដែលយើងត្រូវចេះទប់ចិត្ត និងជាពេលដែលត្រូវកាត់បន្ថយការប្រយុទ្ធគ្នា»។
នេះគ្រាន់តែជាឧទាហរណ៍ជាក់ស្ដែងមួយដែលឆ្លុះបញ្ចាំងអំពីការប្រយុទ្ធគ្នាជាច្រើនទៀតដែលកំពុងកើតឡើងនៅទូទាំងពិភពលោក។
កាលពីថ្ងៃទី២៦ ខែមករា ឆ្នាំ២០២៣ ក្រុមប្រឹក្សាសន្តិសុខសហប្រជាជាតិបានរៀបរាប់ថា៖«សព្វថ្ងៃនេះ ការប្រយុទ្ធគ្នាបានប៉ះពាល់ដល់មនុស្ស២ពាន់លាននាក់ គឺស្មើនឹង១ភាគ៤នៃមនុស្សលើផែនដី ហើយនេះជាចំនួនដ៏ច្រើនបំផុតតាំងពីសង្គ្រាមលោកលើកទី២»។
ប្រទេសដែលមានការប្រយុទ្ធគ្នា គឺអ៊ីស្រាអែល តំបន់កាសា ស៊ីរី អាស៊ែបៃហ្សង់ អ៊ុយក្រែន ស៊ូដង់ អេត្យូពី នីហ្សេ មីយ៉ាន់ម៉ា និងហៃទី a។
តើការប្រយុទ្ធគ្នាអាចបញ្ចប់ទេ? តើអ្នកដឹកនាំក្នុងពិភពលោកអាចធ្វើឲ្យមានសន្តិភាពបានឬទេ? តើគម្ពីរចែងយ៉ាងណា?
សង្គ្រាមនៅទូទាំងពិភពលោក
ការប្រយុទ្ធគ្នាដែលមាននៅសព្វថ្ងៃនេះគឺជាសញ្ញាសម្គាល់មួយដែលបង្ហាញថា មិនយូរទៀត សង្គ្រាមទាំងអស់នឹងលែងមានទៀត។ សង្គ្រាមទាំងនោះកំពុងតែកើតឡើងដូចអ្វីដែលគម្ពីរទាយទុកជាមុនស្ដីអំពីសម័យយើង។ គម្ពីរហៅសម័យយើងថា៖«គ្រាចុងបញ្ចប់នៃរបៀបរបបពិភពលោក»។—ម៉ាថាយ ២៤:៣
«អ្នកនឹងឮសូរសង្គ្រាម ហើយនឹងឮគេនិយាយអំពីសង្គ្រាម . . . .ប្រជាជាតិមួយនឹងលើកទ័ពទៅច្បាំងនឹងប្រជាជាតិមួយ ហើយរាជាណាចក្រមួយនឹងលើកទ័ពទៅច្បាំងនឹងរាជាណាចក្រមួយ»។—ម៉ាថាយ ២៤:៦, ៧
សូមអានអត្ថបទដែលមានចំណងថា«តើអ្វីជាសញ្ញាសម្គាល់នៃ‹គ្រាចុងក្រោយបង្អស់› ឬ‹ទីបញ្ចប់ពិភពលោក›?» ដើម្បីឃើញរបៀបដែលសង្គ្រាមនៅសព្វថ្ងៃនេះកំពុងកើតឡើងដូចគម្ពីរបានទាយទុកជាមុន។
សង្គ្រាមមួយដែលនឹងបំបាត់ចោលសង្គ្រាមទាំងអស់
គម្ពីរបានប្រកាសទុកជាមុនអំពីទីបញ្ចប់នៃសង្គ្រាមរបស់មនុស្ស។ តើនេះអាចកើតឡើងតាមរបៀបណា? តើមកពីការខំប្រឹងរបស់មនុស្សឬទេ? មិនមែនទេ! តែគឺមកពីសង្គ្រាមដ៏ពិសេសមួយដែលគម្ពីរហៅថាអាម៉ាគេដូន។ អាម៉ាគេដូនគឺជា«សង្គ្រាមដែលនឹងកើតឡើងនៅថ្ងៃដ៏ធំរបស់ព្រះដែលមានឫទ្ធានុភាពខ្លាំងក្លាបំផុត»។ (ការបើកបង្ហាញ ១៦:១៤, ១៦) ក្រោយសង្គ្រាមនេះ ព្រះនឹងសម្រេចសេចក្ដីសន្យារបស់លោកដែលថា លោកនឹងផ្ដល់សន្តិភាពជារៀងរហូតដល់មនុស្សជាតិ។—ចម្រៀងសរសើរព្រះ ៣៧:១០, ១១, ២៩
ដើម្បីរៀនថែមទៀតអំពីរបៀបដែលសង្គ្រាមរបស់ព្រះនឹងបំបាត់ចោលសង្គ្រាមទាំងអស់ សូមអានអត្ថបទដែលមានចំណងថា«តើសង្គ្រាមអាម៉ាគេដូនជាអ្វី?»
a ACLED Conflict Index, “Ranking violent conflict levels across the world,” January 2024
លោកអ្នកក៏ប្រហែលជាចូលចិត្តដែរ
ទស្សនាវដ្ដី
«ទីបញ្ចប់» តើនេះមានន័យអ្វី?
តើអ្នកដឹងទេថាអ្វីដែលគម្ពីរចែងអំពី«ទីបញ្ចប់»គឺជាដំណឹងល្អ?
សេចក្ដីបង្រៀនសំខាន់ៗក្នុងគម្ពីរ
ហេតុអ្វីព្រះអនុញ្ញាតឲ្យមានទុក្ខវេទនា?
មនុស្សជាច្រើនឆ្ងល់ថាហេតុអ្វីពិភពលោកនេះពោរពេញដោយការស្អប់គ្នានិងទុក្ខវេទនាច្រើនម៉្លេះ។ គម្ពីរមានចម្លើយដែលធ្វើឲ្យលោកអ្នកអស់ចម្ងល់ ហើយក៏សម្រាលទុក្ខផងដែរ។
ចូរចាំយាម!
តើសង្គ្រាមអាម៉ាគេដូននឹងចាប់ផ្ដើមនៅប្រទេសអ៊ីស្រាអែលឬ? តើគម្ពីរចែងយ៉ាងណា?
យើងអាចស្វែងរកចម្លើយអំពីអាម៉ាគេដូននៅសៀវភៅការបើកបង្ហាញ។
ប្រធានបទឯទៀត
សេចក្ដីសង្ឃឹមដ៏ពិតប្រាកដកំពុងរង់ចាំអ្នក
ហេតុអ្វីសេចក្ដីសន្យាទាំងប៉ុន្មានដែលមានក្នុងគម្ពីរខុសពីសេចក្ដីសន្យាផ្សេងៗនិងការព្យាករណ៍របស់មនុស្ស?
