Jehovap Nalunaajaasuisa Guutimut tul­lermin­nul­lu asan­nin­ner­tik kajumis­sis­sutigalugu Biibilip oqariar­tuutaa inun­nut tamanut, aam­ma sior­natigut soqutigin­nin­natik oqarsimasunut, tusar­tin­niar­tar­paat. (Mat­thæusi 22:37-39) Guutimut asan­nin­ner­put kajumis­sis­sutigaar­put er­nerata ‘nalunaajaaq­qusil­luni’ peq­qus­sutaanut naalan­nitsin­nut. (Apustilit Suliaat 10:42; 1 Johan­nesi 5:3) Taamaalior­nitsigut Guutip oqariar­tuutaa ataasiaan­nar­nata tusarliut­tar­par­put, soorlu Guutip itsaq pruf­fiitii taamaalior­tarsimasut. (Jeremia 25:4) Inoqativut asagatsigit ‘Naalagaaf­fim­mik iivangkiiliu’ inuunermik an­natsitsisus­saq tamanut, aam­ma soqutigin­nin­natik oqareeraluar­tunut, tusarliun­niar­tar­par­put. – Matthæusi 24:14.

 Sior­natigut soqutigin­nin­ngin­nerarsimasunut uteq­qik­kaangat­ta soqutigin­nit­tunik naam­mat­tuuisar­pugut. Pis­sutaasut pingasut uku eq­qarsaatigik­kit:

•   Inuit nuut­tar­put.

•   Angerlarsimaf­fim­mi tas­sani inoqutaasut al­lat oqariar­tuuter­put soqutigisar­paat.

•   Inuit isumaat al­lan­ngor­tar­put. Silarsuarmi pisar­tut atuk­kal­luun­niit al­lan­ngor­neri pis­sutaal­lutik ‘anersaak­kut pisariaqar­titsinermin­nik eq­qumaf­figin­nin­neruler­tar­put’ Biibilil­lu oqariar­tuutaanik soqutigin­nin­neruler­tarlutik. (Mat­thæusi 5:3, NW) Al­laat sior­natigut akerlilersuisimasut al­lan­ngorsin­naap­put, soorlu apustili Paulusi al­lan­ngorsimasoq. – 1 Timotheusi 1:13.

 Taamaat­torli oqariar­tuutitsin­nut tusar­naaq­qusil­luta pin­ngitsaaliineq ajor­pugut. (1 Petrusi 3:15, 16) Nalun­ngilar­put inuit im­mik­kut tamarmik qanoq inuus­sanerlutik nam­min­neq aalajangigas­sarigaat. – 5 Mosesi 30:19, 20.