Aculimi, il­loqarfim­mi Guatemalap kip­pasis­suani qatsis­sumiit­tumi, inun­ngor­punga. Ilaqut­tak­ka Mayanik siulilin­nit naggueqatigiin­neersuup­put Ixilit. Peroriar­tor­nin­ni Spaniamiutut oqalut­tar­nerma saniatigut nunap inuiisa oqaasii atorlugit oqalut­tar­punga. Meeraal­lunga Guatemalamiut ukiunik 36-nik sivisus­suseqar­tumik sorsun­nerat aal­lar­tim­mat Ixilimior­pas­suit toqutaap­put.

Sisamanik ukioqarlunga angajuma arfineq-marlun­nik ukiul­lip qaar­tar­toq miloriut­tagaq pin­nguarisaa qaar­toor­poq. Tamatuma kingunerisaanik tap­piitsun­ngor­punga qatan­ngutigalu ajoraluar­tumik toqul­luni. Tamatuma kingor­na Guatemala Citymi meeq­qat tap­piitsut najugaqarfian­ni najugaqalerama toor­neeq­qanik atuar­neq ilin­niar­para. Tas­sani sulisut sooq piner­poq meeq­qanik al­lanik oqaloqateqaq­quneq ajor­paan­nga atuaqatin­nil­lu im­mik­koor­tin­neqar­tarlunga. Kiserlior­tuar­punga ukiul­lu tamaasa qaam­matini marlun­ni anaanan­nut, uan­nik misigin­neqataangaar­tumut, angerlar­nis­sara qilanaarisarlugu. Qulinik ukioqar­tunga ajoraluar­tumik anaanaga toquvoq. Uan­nik asan­nit­tutuap toqunera as­sut aliasuutigaara.

Aq­qanilin­nik ukioqarlunga il­loqarfigisan­nut uter­punga af­farmil­lu qatan­ngutiga ilaqutaalu najugaqatigilerlugit. Timik­kut pisariaqar­titak­ka matus­suser­tar­paat, misigis­sutsik­kul­li pisariaqar­titan­nik ikior­neqan­ngilanga. Taamani qial­lunga Guuti aperisar­para: “Sooq anaanaga toqua? Sooq tap­piitsuuvunga?” Inuit oqarfigisar­paan­nga alianar­tut taak­ku Guutip piumasarigai. Isum­mer­punga Guuti misigit­taatsuul­lunilu naaper­tuil­luan­ngitsuusoq. Qanoq im­minorsin­naal­lunga nalugak­ku im­minun­ngilanga.

Tap­piitsuugama timik­kut misigis­sutsik­kul­lu san­ngiip­punga. Nukap­piaraal­lunga arlaleriarlunga kinguaas­siuutitigut ator­nerlun­neqar­punga. Kik­kun­nit tamanit soqutigineqan­ngitsutut misigigama tamak­ku politiinut nalunaarutigin­ngilak­ka. Qaqutiguin­naq inun­nik oqaloqateqar­tar­punga. Kiserliorlungalu isumatsas­simangaarlungalu al­lanik tatigisaqan­ngilanga.

Inuusut­tuaraal­lunga atuarfim­mi anitsiarfiup nalaani Jehovap Nalunaajaasuisa marluk (aap­pariit) alak­kar­paan­nga. Sunaaf­fa ilin­niar­titsisut ilaata uan­nik naak­kigin­nit­tup aap­pariit uan­nut pulaaq­qusimagai.  Toqusut makititaajumaar­nerat tap­piitsul­lu isigisaqalerumaar­nerat pil­lugit Biibilimi neriorsuutinik oqalut­tuup­paan­nga. (Esaja 35:5; Johan­nesi 5:28, 29) Ilin­niar­titsis­sutigisaat nuan­naraak­ka, oqaloqateqar­nerli sungiusiman­ngin­nak­ku oqaloqatiginis­saat saper­nar­tip­para. Tunuarsimaar­tuugaluar­tunga erinitsajuil­lutik inus­siar­nersumik pisar­paan­nga Biibililu pil­lugu ilin­niar­tin­niarlunga pulaar­tuarlunga. Aap­pariit il­loqarfigisan­nukar­niarlutik qaq­qaq itivil­lugu 10 kilometerit sin­nerlugit pisut­tar­put.

Af­farmik qatan­ngutima oqalut­tuup­paanga aap­pariit pigis­saan­ngik­kaluarlutik kusanar­tunik atisaqar­tar­tut. Tunis­sutin­nguanik nas­sar­tar­nermik­kut uan­nut soqutigin­nin­nermik ersersitsisar­put. Misigivunga kristumiut ilumoor­tut kisimik taamatut im­minut pil­liutigeriaan­naanermik ersersitsisin­naasut.

Tap­piitsunut Biibililersaarutit atorlugit Biibilimik atuaq­qis­saar­punga. Ilin­niak­kak­ka paasigaluarlugit misigis­sutsik­kut akueriuminaatsitaqar­punga. As­sersuutigalugu Guutip uan­nik soqutigin­nin­nera al­lal­lu Guutip misigis­susiinik uan­nut ersersitsisin­naanerat up­periuminaatsip­para. Sooq Jehovap naal­liun­nar­toqar­nera akuerigal­laraa paasigaluarlugu Guuti Ataatatut asan­nit­tutut isigiuminaatsip­para. *

Biibilimi ilik­kak­kak­ka isigin­nit­taatsin­nik al­lan­nguiar­tuaar­nis­san­nut iluaqutigaak­ka. As­sersuutigalugu paasivara naal­liuuteqar­tut Guutip misigin­neqatigingaarai. Guuti pal­lorfigin­nitsini ajor­tumik pineqar­tut pil­lugit ima oqar­poq: ‘In­nut­tama naal­liun­nerat takusimavara. Erloqis­sutaat nalun­ngilak­ka.’ (2 Mosesi 3:7) Jehovap pis­susii nuan­nersut qujamasuutigilerak­kit Guutimut tun­niul­luin­narusuler­punga. 1998-imi Jehovap Nalunaajaasuatut kuisip­punga.

Ukioq ataaseq kuisin­nerma kingor­na il­loqarfiup Escuintlap ungasin­ngisaani tap­piitsunik pik­koris­saanermut ilaavunga. Ilagiin­ni utoq­qaaner­tap paasivaa il­loqarfigisan­nit ataatsimiigiar­tar­nis­sara saper­nar­tik­kiga. Ilagiit or­nis­saguk­kit aap­pariit Nalunaajaasut uan­nik atuaq­qis­saaqateqar­tut qaq­qaq itivit­tagaat ingerlavigisariaqar­para, taman­nalu uan­nut ajor­nar­poq. Utoq­qaaner­tap ikior­niarlunga Escuintlami ilaqutariit Nalunaajaasut aperai taak­kunani najugaqarsin­naanersunga ataatsimiigiar­tar­nis­san­nul­lu ikior­tarsin­naaneraan­nga. Taak­kua ul­loq man­na tikil­lugu nam­min­neq ilaqut­tamis­sut pisar­paan­nga.

Ilagiit ilumoorluni asan­nin­nermik ersersitsisar­nerat pil­lugu oqalut­tuarisin­naasak­ka amerlanerujus­suugaluar­put. Misigisak­ka tamaasa eq­qarsaatigis­sagaan­ni Jehovamik Nalunaajaasuugama kristumiut ilumoor­tut akor­nan­niin­nera qularutigin­ngilara. – Johan­nesi 13:34, 35.

Naleqan­ngitsutut neriuuteqan­ngitsutul­lu misigiun­naar­nikuuvunga. Maan­na inuunera siuner­taqarluar­poq. Biibilimik ilin­niar­titsinermi Jehovap Nalunaajaasuatut pif­fis­saq tamaat kif­far­torama in­narluuteqar­nera pingaar­tin­nagu sal­lusuis­sutinik Biibilimeersunik al­lanik ilin­niar­titsinis­sara pingaar­tip­para. Ilagiin­nilu utoq­qaaner­tatut kif­far­tor­neq tamanul­lu am­masumik ataatsimiin­nermi Biibili tun­ngavigalugu ilagiin­ni oqalugiar­tar­neq im­mik­kut pisin­naatitaaf­figaak­ka. Al­laat ul­luni pingasuni ataatsimeersuar­nermi inun­nit tuusintilin­nit najuuf­figineqar­tumi Biibili tun­ngavigalugu oqalugiar­nikuuvunga.

2010-mi El Salvadorimi Kif­far­tor­tut Toq­qak­kat Ilin­niarfian­ni (maan­na Kristumiunut Oqaluus­sisar­tunut Ilin­niarfim­mik taaneqar­tar­tumi) naam­mas­sivunga. Ilin­niarfik taan­na ilagiin­ni akisus­saaf­fima naam­mas­sil­luar­nerunis­saan­nut iluaqutigaara. Ilin­niar­tin­neqar­nera Jehovamit Guutimit, kimil­luun­niit piuk­kun­narsaasin­naasumit, pingaar­tin­neqangaar­tutut asaneqangaar­tutul­lu misigilis­sutigaara.

Jiisusi ima oqar­poq: “Tunisineq pil­luar­nar­neruvoq tigusinermit.” (Apustilit Suliaat 20:35) Ul­lumik­kut oqarsin­naavunga as­sut pil­luarlunga aam­ma takorloorsiman­ngisaan­nak­kan­nik al­lanik ikiuisin­naasutut misigalunga.