Harmagedonimi sorsun­neq inuit naalak­kersuisuisa Guutil­lu inaarutaasumik sorsun­neran­nut in­nersuus­sutaavoq. Naalak­kersuisut taak­ku tapersersor­taal­lu al­laat maan­nak­kut Guutip naalak­kersuineranut naalatsigitik­kuman­ngin­nermik­kut taas­sumin­nga akerlilersuisuup­put. (Tussiaat 2:2) Harmagedonimi sorsun­nermi inuit naalak­kersuinerat atuuk­kun­naarsin­neqas­saaq. – Danieli 2:44.

 Biibilimi oqaaseq ‘Harmagedoni’ ataasiaan­narluni Saq­qum­mersitat 16:16-imi eq­qaaneqar­poq. Saq­qum­mersitani siulit­tuutigineqar­poq ‘Guutip Ajugaqan­ngitsup ul­lus­sarsuani silarsuarmi tamarmi kun­ngit najuk­kami hebræerisut Harmagedonimik taaneqar­tumi katersor­neqarumaar­tut’. – Saq­qum­mersitat 16:14.

 Kikkut Harmagedonimi sorsussappat? Guutip akerai ajugaaf­figiumal­lugit Jiisusip Kristusip qilam­mi sak­kutuut siulersus­savai. (Saq­qum­mersitat 19:11-16, 19-21) Guutip oqar­tus­saaneranik akerlilersuisut taas­sumin­ngalu nikagin­nit­tut Guutimut akeraasunut ilaap­put. – Ezekieli 39:7.

 Kangiani Qiterlermi sorsunneq Harmagedoni ingerlanneqassava? Naamik. Harmagedonimi sorsun­neq sumiif­fim­mi ataatsimi pinani nunarsuarmi tamarmi pis­saaq. – Jeremia 25:32-34; Ezekieli 39:17-20.

 Harmagedoni (hebræerisut Har Meghiddohnʹ) ‘Megiddop Qaq­qaanik’ isumaqar­poq. Megiddo itsaq il­loqarfim­mut Israelimiit­tumut taaguutaavoq. Oqalut­tuarisaanermit ersersin­neqar­poq tamatuma eq­qaani sorsun­nerit pingaarutil­lit, ilaatigut Biibilimi eq­qaaneqar­tut, ingerlan­neqar­tar­tut. (Eq­qar­tuus­sisut 5:19, 20; 2 Kunngit 9:27; 23:29) Harmagedonili itsaq Megiddop eq­qaanut in­nersuus­sutaasin­naan­ngilaq. Tas­sani por­tusuumik qaq­qaqan­ngilaq, aam­ma Jizre’elip narsar­taani ungasin­ngitsumiit­tumi Guutimut sorsut­tut tamarmik tas­saniis­sin­naan­ngil­lat. Nunarsuarli tamak­kerlugu politik­kik­kut pis­saanil­lit naggam­mik Guutip naalak­kersuineranut akiuun­niarlutik katersuun­nis­saat Harmagedonimik taaneqar­tar­poq.

 Harmagedonimi sorsunnermi pissutsit qanoq issappat? Guutip pis­saanini qanoq atus­sagaa naluar­put, itsarli pisimanermisut nataq­qor­nat, nunamik sajutitsineq, kuisiin­navit­tumik sial­lersitsineq, in­neq ikual­las­saal­lu, in­naal­lat­tar­nerit nap­paas­suil­lu sak­kutut atorsin­naavai. (Jobi 38:22, 23; Ezekieli 38:19, 22; Habakkuki 3:10, 11; Zakaria 14:12) Guutimut akeraasut ilaat paatsiveerul­lutik im­min­nut toqoraatis­sap­put, naggataatigul­li Guutimit saas­sun­neqarlutik paasis­savaat. – Ezekieli 38:21, 23; Zakaria 14:13.

 Harmagedoni silarsuup naggatissaraa? Nunarsuaq inuiaat naas­saan­ngitsumik najugaqarfigisus­saam­mas­suk suujun­naarsin­neqar­navian­ngilaq. (Tussiaat 37:29; 96:10; Oqaluus­sisar­tup oqaasii 1:4) Guutip kif­fai amerlasuut aniguisus­saam­mata Harmagedonimi inuiaat piuneerun­neqar­natik an­naan­neqas­sap­put. – Saq­qum­mersitat 7:9, 14; Tussiaat 37:34.

 Biibilimi oqaaseq “silarsuaq” nunarsuarmut in­nersuus­sutaasaraluar­toq ilaan­nik­kut inun­nut ajor­tunut Guutimik akerlilersuisunut in­nersuus­sutaasar­poq. (1 Johannesi 2:15-17) Tas­sa Harmagedonimi ‘silarsuup naggatis­saa’ inun­nut ajor­tunut in­nersuus­sutaavoq. – Matthæusi 24:3.

 Qaqugu Harmagedoni nalliutissava? Jiisusi ‘naal­liun­nar­toqangaar­nis­saq’ Harmagedonimik sak­kor­tuner­paaf­filik eq­qar­toramiuk ima oqar­poq: “[Ul­loq] taan­na nalunaaqut­tap-akun­neraluun­niit kimil­luun­niit ilisimaneqan­ngil­lat, in­ngilil­luun­niit qilan­niit­tut Er­nerul­luun­niit ilisiman­ngilaat, Ataatal­li kisimi.” (Matthæusi 24:21, 36) Taamaat­torli Biibilimi ersersin­neqar­poq Jiisusip takus­saanani najuun­nerata nalaani, 1914-imi aal­lar­tit­tumi, Harmagedoni nal­liuk­kumaar­toq. – Matthæusi 24:37-39.