• Guutimit toqqagaq. “Uanga kun­ngioq­qusara iver­tereer­para. ... Tun­niutis­savak­ka inuiaat il­lit pigisas­sat­tut, nunarsuarlu isorar­tooq kingor­nus­sarsias­sat­tut.” – Tus­siaat 2:6, 8.

• Kunngip Daavip kinguaava. “Naalungiarmi uatsin­nut er­niuvoq, er­neq uatsin­nut tun­nius­saavoq. ... Naalagaas­susia angis­saqaaq eq­qis­sinerlu atajuas­sal­luni Daavip is­siavis­saarsuani naalagaaf­fianilu, tun­ngavilis­sagamiuk.” – Esaja 9:5, 6.

• Betlehemimi inun­ngortoq. ‘Siunersior­pai Kristusi sumi inun­ngor­tus­saanersoq. Akivaat: “Betlehemimi Judæamiit­tumi, pruf­fiitik­kut al­las­simam­mat.”’ – Mat­thæusi 2:4, 5.

• Inunnit ajat­tor­neqar­toq toqutaasorlu. “Asigin­nagaq, suutin­ngisar­put. ... Ikiligaasoq unioq­qutitsinivut pil­lugit, sequmisitaasoq ajor­tuliavut pil­lugit.” – Esaja 53:3, 5.

• Toqusunit makititaasoq naalan­nar­sisitaasorlu. ‘Toqusut inaan­nut igiin­narsiman­ngilarma, ilin­nut un­neq­qaris­sumut iliveq takutin­ngilat. ... As­satit pil­luaatinik imaqar­tit­tuar­tar­patit.’ – Tus­siaat 16:10, 11, Testamentitoqaq 1990-imi naqitigaq.

Siulit­tuutit tamak­ku inum­mut ataasiin­narmut eq­quuteq­qis­saar­put, taan­nalu tas­saavoq Jiisusi Kristusi. In­ngilip Maria, Jiisusip ar­naa, ima oqarfigaa: ‘Guutip Naalak­kap tunis­savaa ataataata Daavip is­siavis­saarsuanik, naalagaas­susialu atajuaan­nas­saaq.’ – Lukasi 1:31-33.

Jiisusi nunamiin­nermini naalak­kersuilin­ngilaq. Qilam­min­ngaan­niim­mi Guutip naalagaaf­fiani kun­ngitut inun­nut naalak­kersuis­saaq. Sooq naalak­kersuisutut piuk­kun­nar­ner­paava? Nunamiin­nermini iliuusii eq­qarsaatigik­kit.

•   Jiisusi inunnik isumas­suivoq. Jiisusip angutit ar­nal­lu, inuusut­tut utoq­qaal­lu tunuliaqutaat in­nut­taaqatigiin­nilu inis­sisimanerat apeq­qutaatin­nagit ikior­tar­pai. (Mat­thæusi 9:36; Markusi 10:16) Ilaan­ni pupis­soq Jiisusimut ima kimigiiser­poq: “Piumaguit minguk­kun­naarsis­sin­naavarma.” Jiisusip taan­na nal­ligingaarlugu ajorun­naarsip­paa. – Markusi 1:40-42.

• Jiisusi Guutimit iluarisaanissaq pil­lugu ilin­niar­tit­sivoq. Ima oqar­poq: ‘Guuti Mam­monilu [tas­sa: pisuus­sutil­lu] tamaasa kif­far­torfigisin­naan­ngilasi.’ Aam­ma oqar­poq nam­mineq pineqarusut­tar­nitsitut al­lat pisas­sagivut. Ersersip­paalu Guutip iliuutsivut kisiisa pin­nagit aam­ma eq­qarsaativut misigis­sutsivul­lu soqutigigai. Tas­sa Guutimit iluarisaas­sagut­ta misigis­sutsivut ilorler­paat aqut­tariaqar­pavut. (Mat­thæusi 5:28; 6:24; 7:12) Jiisusip erseq­qis­sar­paa pil­luavis­sagut­ta Guutip uagutsin­nut iliuusereq­qusai paasil­lugil­lu iliuuserisariaqarivut. – Lukasi 11:28.

• Jiisusi asan­nin­ner­mik ilin­niar­tit­sivoq. Jiisusip oqaasii iliuusiilu tusar­naar­taanut sun­niuteqangaar­put. “Ajoqersuutaa inuit tupigusuutigingaar­paat, ajoqersormatim­mi naalat­tariaqar­tutut.” (Mat­thæusi 7:28, 29) Ima ilin­niar­tip­pai: “Akeq­qasi asasigit.” Al­laat toqunerminut akisus­saasut ilai ima qin­nup­pai: “Ataataq, isumak­keerfigik­kit suliar­tik nalum­mas­suk.” – Mat­thæusi 5:44; Lukasi 23:34.

Jiisusi, ikiuiumatuujul­lunilu asan­nit­tuusoq, silarsuarmi naalak­kersuisus­satut piuk­kun­narluin­nar­poq. Qaquguli naalak­kersuilis­sava?