Адамдар барған сайын әдептен жұрдай болып барады. Емделушілер дәрігерлерге дауыс көтереді; мейрамханадағы қонақтар даяшыларды жерден алып, жерге салады; ұшақ жолаушылары бортсеріктермен айтысып, олармен ұрсысады; оқушылар мұғалімдерін мазақтап, тіпті оларға күш көрсетеді; бұған қоса, кейбір саясаткерлер дау-дамайдың арасында жүрсе, кейбірі соны пайдаланып өздерін әдепті етіп көрсетеді.

 Киелі кітапта әдептіліктің стандарты жазылған. Сондай-ақ онда адамдардың не себепті әдептен жұрдай болып бара жатқаны түсіндіріледі.

 Әдеп деген ұятқа қалдыратын істерден аулақ болуды, моральдық құндылықтармен өмір сүруді және көркем мінез-құлыққа ие болуды білдіреді. Өкінішке қарай, қазіргі таңда әдепсіздік жер шарын жайлап барады.

•   “Гэллап” зерттеу орталығының жүргізген сауалнамасына сай, америкалықтардың ойынша, Құрама Штаттарда моральдық құндылықтар соңғы 22 жылдың ішінде мұншалықты төмен түспеген.

•   28 елден 32 000-нан аса адам қатысқан басқа бір сауалнамаға сай, қатысушылардың 65 пайызы әдептілік нормалары бұрын-соңды болмағандай төмендеп кеткенімен келісетіндерін айтты.

 Киелі кітапта адамдардың осындай мінез-құлқы жайлы алдын ала айтылған:

•   “Соңғы күндері ерекше қиын уақыт болатынын біліп қой: адамдар тек қара басын ойлайтын, ақшақұмар, мақтаншақ, тәкаппар, балағатшыл, ата-анасына мойынсұнбайтын, алғысты білмейтін,.. бауырмалдықтан жұрдай, қатыгез... болады” (Тімөтеге 2-хат 3:1—3).

 Осы сөздер бүгінде қалай орындалып жатқанын көбірек білу үшін “Киелі кітапта адамдардың мінез-құлқы қандай болатыны алдын ала айтылған ба?” (ор.) мақаласын оқып көріңіз.

 Әдептіліктен алыстап кеткен мына дүниеде миллиондаған адам Киелі кітаптың арқасында көркем мінез-құлыққа ие болып, дұрыс жүріп-тұруды үйреніп жатыр. Ондағы ақыл-кеңестер “әрқашан, тіпті мәңгі сенім артуға тұрарлық” (Зәбүр 111:8). Солардың кейбірі мынадай:

•   Киелі кітапта былай делінген: “Барлық істе басқалар өздеріңе қалай істесін десеңдер, сендер де оларға солай істеңдер” (Матай 7:12).

   Мағынасы: Егер басқалар бізге мейіріммен қарап, құрмет танытсын десек, өзіміз де оларға солай қарауымыз керек.

•   Киелі кітапта былай делінген: “Өтірікті тастағандықтан, енді әрқайсысың өзгеге шындықты айтыңдар” (Ефестіктерге 4:25).

   Мағынасы: Біз сөзімізде де, ісімізде де шыншыл болуымыз керек.

 Осы тақырып жайлы көбірек білгіңіз келсе, келесі мәліметтерді оқып көріңіз:

•   “Дұрыс па, бұрыс па? Сенім артуға тұрарлық ақыл-кеңестер” деп аталатын “Күзет мұнарасы” журналы.

•   “Киелі кітап толерантты болуға тәрбиелейді” мақаласы.