ەحوبا كۋاگەرلەرىنىڭ باسقارۋشى كەڭەسى دەگەن نە؟
باسقارۋشى كەڭەس دەگەن — يسا ٴماسىحتىڭ تولىسقان ٸزباسارلارىنان تۇراتىن كىشىگىرىم توپ. ولار دۇنيەجۇزىندەگى ەحوبا كۋاگەرلەرىنە جەتەكشىلىك ەتەدى. باسقارۋشى كەڭەس ەكى باعىتتا قىزمەت اتقارادى:
كيەلى كىتاپقا نەگىزدەلگەن ٴتالىمنىڭ دايىندالۋىنا باس-كوز بولادى، بۇل ٴتالىم باسىلىمدار، قاۋىم كەزدەسۋلەرى جانە ەحوبا كۋاگەرلەرىنىڭ مەكتەپتەرى ارقىلى بەرىلەدى (لۇقا 12:42).
ەحوبا كۋاگەرلەرىنىڭ دۇنيەجۇزىلىك ىسىنە باسشىلىق ەتەدى، ياعني ۋاعىز ٸسىن ۇيىمداستىرادى جانە ەرىكتى ساداقانىڭ دۇرىس جۇمسالۋىن قاداعالايدى.
باسقارۋشى كەڭەس ٴبىرىنشى عاسىردا ٶمىر سۇرگەن «يەرۋساليمدەگى ەلشىلەر مەن اقساقالداردىڭ» ۇلگىسىنە ساي ارەكەت ەتەدى (ەلشىلەردىڭ ىستەرى 15:2). كەزىندە ولار بۇكىل قاۋىمداردىڭ يگىلىگى ٷشىن ماڭىزدى شەشىمدەر قابىلداپ وتىرعان. سول ادال ەر كىسىلەر سياقتى باسقارۋشى كەڭەستىڭ مۇشەلەرى دە ٴبىزدىڭ ۇيىمنىڭ باسشىلارى ەمەس. ولار ەحوبا قۇداي قاۋىمنىڭ باسشىسى ەتىپ يسا ٴماسىحتى تاعايىنداعانىن تۇسىنەدى، سول ٷشىن نۇسقاۋ مەن باسشىلىقتى ٵردايىم كيەلى كىتاپتان ىزدەيدى (قورىنتتىقتارعا 1-حات 11:3؛ ەفەستىكتەرگە 5:23).
باسقارۋشى كەڭەس كىمدەردەن تۇرادى؟
باسقارۋشى كەڭەستىڭ مۇشەلەرى: گەرريت ليوش، گەيدج فليگل، دجەففري دجەكسون، دجەففري ۋيندەر، دەيۆيد سپلەين، كەننەت كۋك، مارك ساندەرسون، ستيۆەن لەتت، سەميۋەل حيورد. ولار ۋورۆيكتە (نيۋ-يورك، اقش) ورنالاسقان دۇنيەجۇزىلىك باس باسقارمادا قىزمەت ەتەدى.
باسقارۋشى كەڭەس قانداي قىزمەت اتقارادى؟
اتقارىلىپ جاتقان ٴتۇرلى ىستەرگە باس-كوز بولۋ ٷشىن باسقارۋشى كەڭەس التى كوميتەت قۇردى. باسقارۋشى كەڭەستىڭ ٵر مۇشەسى وسى كوميتەتتەردىڭ بىرەۋىندە يا بىرنەشەۋىندە قىزمەت ەتەدى.
باسپا كوميتەتى. كيەلى كىتاپقا نەگىزدەلگەن ادەبيەتتەردى باسىپ شىعارۋ مەن ولاردى جونەلتۋ ٸسىن، سونداي-اق عيبادات ورىندارىنىڭ، اۋدارما كەڭسەلەرىنىڭ جانە بەتەل عيماراتتارىنىڭ قۇرىلىسىن قاداعالايدى.
ٴبىلىم بەرۋ كوميتەتى. قاۋىم كەزدەسۋلەرىندە، مەكتەپتەردە، اۋديو جانە ۆيدەو باعدارلامالاردا بەرىلەتىن ٴدىني ٴتالىمدى دايىنداۋ ىسىنە باسشىلىق بەرەدى.
جازۋشىلار كوميتەتى. باسپا تۇرىندە جانە سايتىمىزدا شىعاتىن مالىمەتتەردى دايىنداۋعا باسشىلىق ەتەدى، سونداي-اق اۋدارما ٸسىن قاداعالايدى.
كادرلار جونىندەگى كوميتەت. بەتەل وتباسىنىڭ مۇشەلەرىنە قاتىستى ٸس-شارالاردى ۇيىمداستىرادى.
قىزمەت كوميتەتى. «پاتشالىق جايلى ىزگى حاباردى» ۋاعىزداۋ ىسىندە باسشىلىق بەرەدى (ماتاي 24:14).
ۇيلەستىرۋشىلەر كوميتەتى. زاڭمەن بايلانىستى ماسەلەلەردى قاداعالايدى جانە اپاتتان زارداپ شەككەن نە ٴدىني نانىمدارى ٷشىن قۋدالانعان ەحوبا كۋاگەرلەرىنە كومەك كورسەتەدى. سونداي-اق ەحوبا كۋاگەرلەرىنە قاتىستى وزگە دە شۇعىل ماسەلەلەردى قاراستىرادى.
وسى كوميتەتتەردە اتقاراتىن جۇمىستارىنان بولەك، باسقارۋشى كەڭەستىڭ مۇشەلەرى اپتا سايىن كەزدەسىپ، ۇيىمنىڭ قاجەتتىلىكتەرىن قاراستىرادى. بۇنداي كەزدەسۋلەردە ولار كيەلى كىتاپتا نە دەلىنگەنىن تالقىلايدى جانە قۇداي رۋحىنىڭ جەتەلەۋىنە جول بەرىپ، ٴبىراۋىزدان شەشىم قابىلداۋعا تىرىسادى (ەلشىلەردىڭ ىستەرى 15:25).
باسقارۋشى كەڭەستىڭ كومەكشىلەرى كىمدەر؟
ولار — سەنىم ارتۋعا تۇراتىن ەر كىسىلەر. سول ەر كىسىلەر باسقارۋشى كەڭەستىڭ كوميتەتتەرىنە قولعابىس ەتەدى (قورىنتتىقتارعا 1-حات 4:2). ولار ٶز ىستەرىن جاقسى مەڭگەرگەن، تاجىريبەلەرى دە مول. كومەكشىلەر وزدەرى تاعايىندالعان كوميتەتتىڭ كەزدەسۋىندە اپتا سايىن باس قوسادى. شەشىم قابىلداۋعا قاتىسپاسا دا، ولار جاقسى ۇسىنىستار ايتىپ، قوسىمشا مالىمەت بەرىپ وتىرادى، كوميتەتتىڭ شەشىمدەرىن جۇزەگە اسىرادى جانە ونىڭ ناتيجەسىن ٴجىتى باقىلايدى. سونىمەن قاتار باسقارۋشى كەڭەس ولاردى شارتاراپتا تۇراتىن باۋىرلاستاردى نىعايتۋعا نەمەسە جىلدىق جيىندا يا عالاقات مەكتەبىن ٴبىتىرۋ سالتاناتىندا بايانداما ايتۋعا تاعايىنداپ جاتادى.
كوميتەت |
اتى-ٴجونى |
|---|---|
باسپا |
|
ٴبىلىم بەرۋ |
|
جازۋشىلار |
|
كادرلار جونىندەگى |
|
قىزمەت |
|
ۇيلەستىرۋشىلەر |
|
قىزىقتى بولار مالىمەتتەر
ٴجيى قويىلاتىن سۇراقتار
كۇزەت مۇناراسى، كيەلى كىتاپ جانە تراكتاتتار قوعامى دەگەن نە؟
ەحوبا كۋاگەرلەرىنىڭ ٴدىني ىسىنە ونىڭ قانداي قاتىسى بار؟
ٴجيى قويىلاتىن سۇراقتار
ەحوبا كۋاگەرلەرىندە قىزمەتتەرىنە اقى تولەنەتىن ٴدىنباسىلار بار ما؟
ٴدىنباسىلارى مەن قاراپايىم سەنۋشىلەر بولىپ بولىنە مە؟ كىمدەر ٴدىني قىزمەتشىلەر بولىپ قىزمەت ەتەدى؟
كيەلى كىتاپ. سۇراقتار مەن جاۋاپتار
ادامنىڭ قانداي دا ٴبىر ٴدىني ۇيىمنىڭ مۇشەسى بولۋى شارت پا؟
ەشقايدا بارماي-اق، ٶز بەتىمىزشە اتقارعان عيباداتىمىزدى قۇداي قابىل قىلا ما؟
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.