ەفەستىكتەرگە 5:1—33
5 ەندەشە سۇيىكتى بالالارى رەتىندە قۇدايعا ەلىكتەڭدەر+،
2 ٴماسىح ىسپەتتى سەندەر دە سۇيىسپەنشىلىك جولىمەن جۇرىڭدەر+. ول ٴبىزدى* ٴسۇيدى+، ٵرى ٴبىز* ٷشىن ٶمىرىن قيىپ، قۇدايعا حوش ٴيىستى قۇرباندىق رەتىندە بەردى+.
3 ارالارىڭدا ازعىندىق*، ارقيلى ارام ىستەر مەن اشكوزدىكتىڭ ٴتىپتى اتى دا اتالماسىن+. ويتكەنى بۇل قاسيەتتى ادامدارعا لايىق ەمەس+.
4 سونداي-اق سەندەر ٷشىن ۇياتسىز ٴجۇرىس-تۇرىس، اقىماق ٴسوز، تۇرپايى قالجىڭ سياقتى نارسەلەر دە ورىنسىز+، قايتا، قۇدايعا ريزاشىلىق بىلدىرگەندەرىڭ دۇرىس+.
5 سەندەر مىنانى بىلەسىڭدەر ٵرى جاقسى تۇسىنەسىڭدەر: ازعىن*+، ارام ىستەر جاسايتىن، اشكوز+، ياعني پۇتقا تابىناتىن ادام، ٴماسىح پەن قۇدايدىڭ پاتشالىعىن مۇرا ەتپەيدى+.
6 ەشكىم دە سەندەردى بوس سوزدەرمەن الداماسىن، ويتكەنى وسىنداي نارسەلەرمەن اينالىسقانى ٷشىن ٴتىلازارلارعا قۇدايدىڭ قاھارى ٴتونىپ تۇر.
7 سوندىقتان مۇندايلارمەن ەش بايلانىستارىڭ بولماسىن.
8 ويتكەنى كەزىندە سەندەر تۇنەك ەدىڭدەر، ال ەندى يەمىزبەن بىرلىكتە+ بولعاندىقتان جارىقسىڭدار+. بۇدان بىلاي دا جارىقتىڭ بالالارىنداي ٶمىر سۇرىڭدەر.
9 ال جارىقتىڭ جەمىسىنە ٵرتۇرلى يگى، ٵدىل دە دۇرىس ىستەر جاتادى+.
10 يەمىزگە نە ۇنايتىنىنا ٵردايىم كوز جەتكىزىپ وتىرىڭدار+.
11 ەندى ولارمەن بىرگە تۇنەكتىڭ پايداسىز ىستەرىمەن اينالىسپاڭدار+، كەرىسىنشە، اشكەرەلەڭدەر.
12 سەبەبى ولاردىڭ جاسىرىن ىستەپ جۇرگەن ىستەرىن ايتۋدىڭ ٶزى ۇيات.
13 اشكەرەلەنگەن نارسەنىڭ ٴبارى جارىق ارقىلى انىق كورىنەدى، ويتكەنى انىق كورىنگەن نارسەنىڭ بارلىعى — جارىق.
14 سوندىقتان بىلاي دەلىنگەن: «ەي، ۇيقىشىل، ويان! ولىمنەن ٴتىرىل+! سوندا ٴماسىح ساعان جارىعىن شاشادى+».
15 سونىمەن، قالاي ارەكەت ەتەتىندەرىڭە مۇقيات دەن قويىڭدار، اقىلسىز ەمەس، دانا بولىپ،
16 ۋاقىتتارىڭدى بارىنشا ٴتيىمدى پايدالانىڭدار+، ويتكەنى قازىرگى كۇندەر زۇلىمدىققا تولى.
17 سوندىقتان پاراساتسىز بولماي، ەحوبانىڭ ەركىن تانىپ-بىلە بەرىڭدەر+.
18 سونداي-اق شاراپ ٸشىپ ماس بولماڭدار+، بۇل جۇگەنسىزدىككە اپارادى، قايتا، كيەلى رۋحقا كەنەلە بەرىڭدەر.
19 ٴبىر-بىرىڭە* ٴزابۇر جىرلارى، ماداقتاۋ ولەڭدەرى مەن رۋحاني اندەر ايتىڭدار+. ەحوباعا ارناپ شىن جۇرەكتەن اۋەندەتىپ+ شىرقاڭدار+،
20 يەمىز يسا ٴماسىحتىڭ اتىمەن+ قۇداي اكەمىزگە بارلىق نارسە ٷشىن ۇنەمى العىس ايتىڭدار+.
21 ٴماسىحتى قاستەرلەيتىندىكتەن ٴبىر-بىرىڭە باعىنىڭدار+!
22 ايەلدەر كۇيەۋلەرىنە يەمىزگە باعىنعانداي باعىنسىن+،
23 ويتكەنى ٴماسىح قاۋىمنىڭ، ياعني دەنەنىڭ، قۇتقارۋشىسى ٵرى باسى+ بولعانداي، كۇيەۋ — ايەلىنىڭ باسى+.
24 قاۋىمنىڭ ماسىحكە باعىناتىنىنداي، ايەلدەر دە بارلىق جاعدايدا كۇيەۋلەرىنە باعىنسىن.
25 كۇيەۋلەر، ٵردايىم ايەلدەرىڭدى سۇيىڭدەر+. ٴماسىح تە قاۋىمدى ٴسۇيدى، ٵرى سول ٷشىن ٶمىرىن قيدى+.
26 وسىلايشا ونى قۇداي سوزىمەن جۋىپ-تازارتىپ، قاسيەتتى ەتتى+.
27 مۇنى ول قاۋىمدى ٶزىنىڭ الدىندا اسا كورىكتى، ەشبىر داق نە ٵجىم تۇسپەگەن جانە باسقا دا كەمشىلىگى جوق+، قاسيەتتى دە ٴمىنسىز ەتۋ ٷشىن ىستەدى+.
28 تاپ سولاي، كۇيەۋلەر ايەلدەرىن ٶز تانىندەي سۇيۋلەرى كەرەك. ايەلىن سۇيگەن ٶزىن دە سۇيەدى.
29 ەشكىم دە ٶز ٴتانىن جەك كورمەيدى، قايتا، وعان ٴنار بەرىپ، ايالاپ كۇتەدى. ٴماسىح تە قاۋىمعا وسىلاي ەتەدى،
30 سەبەبى ٴبىز ونىڭ دەنەسىنىڭ مۇشەلەرىمىز+.
31 «سوندىقتان ەركەك اكە-شەشەسىن قالدىرىپ، ايەلىنە قوسىلادى*، ٴسۇيتىپ، ەكەۋى ٴبىرتۇتاس* بولادى»+.
32 بۇل قاسيەتتى قۇپيانىڭ+ ماڭىزى زور. مەن مۇنى ٴماسىح پەن قاۋىمعا قاتىستى ايتىپ وتىرمىن+.
33 ال ٴارقايسىسىڭ ايەلىڭدى ٶزىڭدى سۇيگەندەي ٴسۇي+. ايەل بولسا كۇيەۋىنە زور قۇرمەت كورسەتسىن+.
سىلتەمەلەر
^ مۇمكىن: «سەندەردى».
^ مۇمكىن: «سەندەر».
^ گرەكشە «پورنيا». تۇسىندىرمەنى قاراڭىز.
^ تۇسىندىرمەدەگى «ازعىندىق» ٴسوزىن قاراڭىز.
^ مۇمكىن: «ىشتەي».
^ سوزبە-ٴسوز «قاتتى جابىسادى».
^ سوزبە-ٴسوز «ٴبىر ٴتان».