مىنا جاعدايدى ەلەستەتىپ كورشى:‏ جۋليا ايناعا قاراعان سايىن،‏ كوڭىل كۇيى ٴ‌تۇسىپ كەتەدى.‏ «ارىقتاماسام بولمايدى»،‏—‏ دەپ قويادى ول ٶز-‏وزىنە.‏ اتا-‏اناسى مەن دوستارى ونى تولىق دەپ ساناماسا دا،‏ جۋليا ولارمەن ەش كەلىسپەيدى.‏

ەكى عانا كەلىگە ارىقتاۋ ٷشىن جۋليا ٴ‌بىر اقىلعا قونىمسىز ارەكەتكە بارماق.‏ ونىڭ سونداعى ويى —‏ بىرنەشە كۇن بويى مۇلدەم ٴ‌نار تاتپاۋ.‏

سەن دە جۋليانىكىندەي ويدا بولساڭ،‏ نە ىستەۋىڭە بولادى؟‏

ارينە،‏ سىرت كورىنىسىڭدى ويلاپ،‏ قام جەگەندە تۇرعان ەشتەڭە جوق.‏ كيەلى كىتاپتا كەيبىر ادامداردىڭ سىرت كەلبەتىنە قاتىستى ماقتاۋ سوزدەر جازىلعان.‏ ولاردىڭ اراسىندا سارا،‏ راحيلا،‏ ابيگەل،‏ ٴ‌جۇسىپ پەن ٴ‌داۋىت سياقتى ادامدار بار.‏ ٴ‌تىپتى ٵبيشا ەسىمدى قىزدىڭ «ەرەكشە سۇلۋ» بولعانى ايتىلعان (‏پاتشالار 1-‏جازبا 1:‏4‏)‏.‏

ٴ‌بىراق بۇگىندە كوپ جاستاردىڭ ەسىل-‏دەرتى سىرت كورىنىستەرىنە اۋىپ كەتكەنى الاڭداتادى‏.‏ مۇنىڭ ارتى جاقسىلىققا اپارماسى انىق.‏ كەلەسىدەي دەرەكتەرگە كوز جۇگىرتەيىك:‏

• قۇرام‍ما شتاتتاردا جۇرگىزىلگەن ٴ‌بىر زەرتتەۋگە ساي،‏ قىزداردىڭ 58 پايىزى وزدەرىنىڭ ارتىق سالماقتارى بار ەكەنىن ايتقان.‏ ٴ‌بىراق،‏ شىن مانىندە،‏ ولاردىڭ 17 پايىزىنىڭ عانا وسى سوزدەرى راستالدى.‏

• باسقا ٴ‌بىر زەرتتەۋگە ساي،‏ ەشقانداي ارتىق سالماقتارى جوق ايەلدەردىڭ 45 پايىزى وزدەرىن تولىق ادامداردىڭ قاتارىنا جاتقىزعان!‏

• ارىقتاۋدى ويلاعان كەيبىر جاستار تاماققا تابەتى تارتپاۋ دەگەن اۋرۋدىڭ قۇربانىنا اينالدى.‏ اس قورىتۋ جۇيەسىندەگى بۇل بۇزىلىس ادامنىڭ امالسىز اش جۇرۋىنە اكەپ سوعادى ٵرى بۇل اۋرۋ ومىرگە قاۋىپتى.‏

 ەگەر سەن تاماققا تابەتى تارتپاۋ يا باسقا اس قورىتۋ اۋرۋىنان زارداپ شەگىپ جۇرسەڭ،‏ كومەك ىزدەگەنىڭ ٴ‌جون.‏ الدىمەن،‏ اتا-‏اناڭا يا باسقا سەنىمدى ەرەسەك ادامعا وسى جايلى ايتقانىڭ جاقسى.‏ كيەلى كىتاپتا:‏ «ناعىز دوس ٵرقاشان جاقسى كورەر،‏ ول —‏ باۋىرىڭ قيىن شاقتا ارقا سۇيەر»،‏—‏ دەلىنگەن (‏ناقىل سوزدەر 17:‏17‏)‏.‏

شىن مانىندە،‏ ادامدى كورىكتى يا ۇسقىنسىز ەتەتىن —‏ ونىڭ ىشكى جان-‏دۇنيەسى.‏ ٴ‌داۋىت پاتشانىڭ ۇلى ابەسسالومدى الايىق.‏ ول جايلى كيەلى كىتاپتا بىلاي دەلىنگەن:‏

‏«بۇكىل يسرايلدە كوركى ٷشىن ابەسسالومداي ماقتالعان جىگىت جوق ەدى.‏ ونىڭ تۇلا بويىندا ٴ‌مىن جوق بولاتىن» (‏سامۋيلدىڭ 2-‏جازباسى 14:‏25‏)‏.‏

دەگەنمەن بۇل جاس جىگىت وركوكىرەك،‏ اتاققۇمار ٵرى ساتقىن بولىپ شىقتى!‏ سوندىقتان كيەلى جازبالار ونى جاعىمسىز ادام رەتىندە سۋرەتتەيدى.‏ بۇگىندە ٴ‌بىز ونى ۇياتسىز،‏ ساتقىن ٵرى جەككورىنىش كوكىرەگىن تەسكەن قاتىگەز ادام رەتىندە تانيمىز.‏

سول سەبەپتەن دە كيەلى كىتاپتا كەلەسىدەي جاقسى اقىل-‏كەڭەس ايتىلعان:‏

‏«جاڭا بولمىسقا يە بولىڭدار» (‏قولوستىقتارعا 3:‏10‏)‏.‏

‏«سەندەردىڭ كورىكتەرىڭ.‏.‏.‏ سىرتقى اشەكەيلەر ەمەس،‏ قايتا،‏ جان-‏دۇنيەلەرىڭدەگى.‏.‏.‏ بيازى دا جۇمساق مىنەزدەرىڭ بولسىن!‏» (‏پەتىردىڭ 1-‏حاتى 3:‏3،‏ 4‏)‏.‏

ارينە،‏ ادەمى دە سىمباتتى بولىپ كورىنۋگە تىرىسساڭ،‏ وندا تۇرعان ەشتەڭە جوق.‏ ٴ‌بىراق ادامنىڭ جان دۇنيەسى سىرت كورنىسىنەن الدەقايدا ماڭىزدى ەكەنىن ۇمىتپا.‏ تۇپتەپ كەلگەندە،‏ سەنى تارتىمدى ەتىپ كورسەتەتىن —‏ شىنىققان شىمىر دەنەڭ يا كەلىستى كەلبەتىڭ ەمەس،‏ جاقسى قاسيەتتەرىڭ.‏ فيليسيا ەسىمدى قىز بىلاي دەيدى:‏ «سۇلۋلىق بىردەن نازاردى اۋلايدى.‏ الايدا ٴ‌بىرىنشى كەزەكتە ادامنىڭ ەسىندە قالاتىنى —‏ سەنىڭ تاماشا بولمىسىڭ مەن تارتىمدى قاسيەتتەرىڭ».‏

سىرت كەلبەتىڭە ٴ‌جيى كوڭىلىڭ تولماي ما؟‏

سىرت كەلبەتىڭدەگى قانداي دا ٴ‌بىر كەمىستىكتى تۇزەتۋ ٷشىن وپەراتسيا جاساتۋ يا قاتاڭ ەم دوم (‏ارىقتاۋ ٴ‌تاسىلىن)‏ ۇستانۋ جايلى ويلانعانسىڭ با؟‏

مۇمكىندىگىڭ بولسا،‏ قاي جەرىڭدى وزگەرتكىڭ كەلەر ەدى؟‏ (‏بىرنەشەۋىن تاڭداساڭ بولادى)‏

• بويىڭ

• سالماعىڭ

• شاشىڭ

• دەنە ٴ‌بىتىمىڭ

• بەت الپەتىڭ

• تەرىڭنىڭ ٴ‌تۇسى

• تاعى باسقا

العاشقى ەكى سۇراققا «ٴ‌يا» دەپ جاۋاپ بەرسەڭ جانە ٷشىنشى سۇراقتاعى جاۋاپتاردىڭ ۇشەۋىن يا ودان دا كوبىن بەلگىلەسەڭ،‏ وندا مىنانى ەستە ۇستا:‏ وزگەلەر سەن جايلى ٶزىڭ ويلاعانداي جامان پىكىردە ەمەس.‏ اباي بولماساڭ،‏ سىرت كورىنىسىڭدى تىم قاتتى ۋايىمداپ،‏ اقىلعا قونىمسىز ارەكەتكە بارىپ قويۋىڭ مۇمكىن (‏سامۋيلدىڭ 1-‏جازباسى 16:‏7‏)‏.‏