قولوستىقتارعا 3:1—25
3 سەندەر ماسىحپەن بىرگە تىرىلتىلگەن بولساڭدار+، كوكتەگى نارسەلەرگە ۇمتىلىڭدار. ٴماسىح كوكتە، قۇدايدىڭ وڭ جاعىندا وتىر+.
2 جەردەگى ەمەس+، كوكتەگى نارسەلەردى ويلاڭدار+.
3 ويتكەنى سەندەر ولدىڭدەر، ٵرى ومىرلەرىڭ قۇدايمەن بىرلىكتەگى ٴماسىحتىڭ قولىندا.
4 ٴبىزدى ومىرگە جەتكىزەتىن ٴماسىح+ كورىنگەندە، سەندەر دە ونىمەن بىرگە سالتاناتتى ۇلىلىقپەن كورىنەسىڭدەر+.
5 سوندىقتان توپىراقتان جارالعان دەنە مۇشەلەرىڭنەن تۋىندايتىن ازعىندىق*، ارام ىستەر، ناپسىقۇمارلىق+، زياندى قۇمارلىق جانە پۇتقا تابىنۋشىلىق بولىپ تابىلاتىن اشكوزدىك سياقتى بەيىمدىلىكتەرىڭدى ولتىرىڭدەر+.
6 ويتكەنى وسىلار ٷشىن قۇدايدىڭ قاھارى ٴتونىپ تۇر.
7 كەزىندە سەندەر دە وسىنداي ىستەرمەن اينالىستىڭدار+.
8 ال ەندى اشۋ، ىزاقورلىق، جاماندىق+، قورلىق سوزدەر+ سياقتى نارسەنىڭ بارىنەن ارىلىڭدار. اۋىزدارىڭنان ادەپسىز ٴسوز+ دە شىقپاسىن.
9 ٴبىر-بىرىڭە وتىرىك ايتپاڭدار+! ەسكى بولمىستارىڭنان ٸس-ارەكەتتەرىمەن قوسا ارىلىپ*+،
10 تۋرا ٴبىلىم ارقىلى جاراتۋشىنىڭ كەيپىنە ساي+ جاڭارىپ جاتقان جاڭا بولمىسقا يە بولىڭدار*+.
11 بۇل جەردە گرەك* نە ياھۋدي، سۇندەتتەلگەن نە سۇندەتتەلمەگەن، جاتجەرلىك نە سكيف*، قۇل نە ەرىكتى ادام دەگەن جوق، قايتا، بارلىعى جانە بارىندە — ٴماسىح+.
12 سوندىقتان قۇداي تاڭداعان+، قاسيەتتى دە سۇيىكتى ادامدار رەتىندە جاناشىرلىق+، مەيىرىمدىلىك، كىشىپەيىلدىلىك+، جۇمساقتىق+، شىدامدىلىق+ سياقتى قاسيەتتەرگە بولەنىڭدەر*.
13 الدەكىمنىڭ بىرەۋگە رەنجۋگە سەبەبى بولسا دا+، ٶزارا ٴتوزىمدى بولىپ، ٴبىر-ٴبىرىڭدى كەڭپەيىلمەن كەشىرىڭدەر+. ەحوبانىڭ وزدەرىڭدى كەڭپەيىلمەن كەشىرگەنىندەي، سەندەر دە سولاي ەتىڭدەر+.
14 بۇعان قوسا، سۇيىسپەنشىلىككە بولەنىڭدەر+، ويتكەنى ول ادامداردى تولىقتاي بىرىكتىرەدى+.
15 جۇرەكتەرىڭدە ٴماسىحتىڭ تىنىشتىعى بيلىك ەتسىن+، ويتكەنى سەندەر وسى تىنىشتىققا ٴبىر دەنەنى قۇراۋ ٷشىن شاقىرىلدىڭدار. سونداي-اق ٵردايىم العىس بىلدىرىڭدەر.
16 ٴماسىحتىڭ ٴسوزى بويلارىڭا ورنىعىپ، دانالىقتارىڭ مولايا بەرسىن. ٴزابۇر جىرلارى+، ماداقتاۋ ولەڭدەرى جانە ريزاشىلىققا تولى رۋحاني اندەرمەن ۇنەمى ٴبىر-بىرىڭە ٴتالىم بەرىپ، جىگەرلەندىرىڭدەر. ەحوباعا شىن جۇرەكتەن ٵن ايتىڭدار+.
17 نە ايتىپ، نە ىستەسەڭدەر دە ٴبارىن يەمىز يسانىڭ اتىمەن ىستەپ، ٵرى سول ارقىلى قۇداي اكەگە العىس ايتىڭدار+.
18 ايەلدەر، يەمىزبەن بايلانىستاعى سەندەر كۇيەۋلەرىڭە باعىنىڭدار+.
19 كۇيەۋلەر، ٵردايىم ايەلدەرىڭدى سۇيىڭدەر+، ولارعا كارلەرىڭدى توكپەڭدەر*+.
20 بالالار، ٵردايىم اتا-انالارىڭا مويىنسۇنىڭدار+، ويتكەنى بۇل يەمىزگە ۇنايدى.
21 اكەلەر، بالالارىڭنىڭ كوڭىلى تۇسپەۋى ٷشىن، ولاردى ىزالاندىرماڭدار+.
22 قۇلدار، ٵردايىم قوجايىندارىڭا مويىنسۇنىڭدار+. مۇنى، ادامدارعا جاعىنعىسى كەلەتىندەر سياقتى، ولار باقىلاپ تۇرعاندا عانا ەمەس، شىن جۇرەكتەن ٵرى ەحوبادان قورقىپ ىستەڭدەر.
23 قانداي ٸس بولماسىن، ادامدار ٷشىن ەمەس، ەحوبا ٷشىن ىستەگەندەي جان-تاندەرىڭمەن ىستەڭدەر+.
24 ويتكەنى بۇل ٷشىن سي رەتىندە ەحوبادان مۇرا الاتىندارىڭدى بىلەسىڭدەر عوي+. قوجايىندارىڭ ماسىحكە قۇل بولىپ قىزمەت ەتىڭدەر.
25 جاماندىق جاسايتىن ادام ىسىنە ساي قارىمتاسىن الادى+، سەبەبى قۇداي ەشكىمدى الالامايدى+.
سىلتەمەلەر
^ گرەكشە «پورنيا». تۇسىندىرمەنى قاراڭىز.
^ سوزبە-ٴسوز «شەشىپ تاستاپ».
^ سوزبە-ٴسوز «كيىپ الىڭدار».
^ بۇل ٴسوز گرەكشە سويلەيتىن باسقا ۇلت ادامدارىنا نۇسقاسا كەرەك.
^ بۇل ٴسوز قاراڭعى، انايى ادامدارعا نۇسقايدى.
^ سوزبە-ٴسوز «كيىپ الىڭدار».
^ نەمەسە «دورەكىلىك جاساماڭدار».
