Ngai arĩ Marĩĩtwa Maigana?

THAAKA

Macokio ma Bibilia

Ngai arĩ o rĩĩtwa rĩmwe rĩake mwene. Rĩandĩkagwo na ndemwa יהוה na Kĩhibirania na kaingĩ rĩtaũragwo, “Jehova,” rũthiomi-inĩ rwa Gĩkũyũ. a Ngai ooigire ũũ kũgerera mũnabii Isaia: “Niĩ nĩ niĩ Jehova. Rĩu nĩrĩo rĩĩtwa rĩakwa.” (Isaia 42:8) Rĩĩtwa rĩu rĩonekaga maita ta 7,000 thĩinĩ wa maandĩko ma tene ma Bibilia—maita maingĩ mũno gũkĩra rĩĩtwa rĩngĩ o rĩothe rĩhũthagĩrũo harĩ Ngai, kana gũkĩra rĩĩtwa rĩa mũndũ ũngĩ o wothe. b

Hihi Jehova nĩ arĩ marĩĩtwa mangĩ?

O na gũtuĩka Bibilia yonanagia atĩ Ngai arĩ rĩĩtwa rĩmwe tu rĩake mwene, nĩ ĩmwĩtaga marĩĩtwa maingĩ ma ũnene na ma kũmũtaarĩria. Marĩĩtwa maya marũmĩrĩire ma ũnene na ma kũmũtaarĩria maronania ũrĩa o rĩĩtwa rĩguũragia igũrũ rĩgiĩ ũrĩa atariĩ.

Rĩĩtwa rĩa ũnene	Harĩa rĩonekaga	Ũrĩa riugĩte
Alifa na Omega	Kũguũrĩrio 1:8; 21:6; 22:13	Ciugo icio ciugĩte “wa mbere na wa mũico,” kana “kĩambĩrĩria o na kĩrĩkĩrĩro,” kuonania atĩ gũtirĩ Ngai ũngĩ Mwene-Hinya-Wothe ũrĩ wakorũo kuo mbere ya Jehova na thutha wake gũtigaakorũo na ũngĩ. (Isaia 43:10) Alifa nĩ ndemwa ya mbere harĩ ndemwa cia Kĩngiriki nayo Omega nĩ ndemwa ya mũico harĩ ndemwa cia Kĩngiriki.
Allah	(Gũtirĩ)	Kiugo “Allah” kĩrĩa kiumanĩte na rũthiomi rwa Kĩarabu, ti rĩĩtwa rĩake mwene no nĩ rĩĩtwa rĩa ũnene riugĩte “Ngai.” Bibilia cia rũthiomi rwa Kĩarabu o hamwe na cia thiomi ingĩ nĩ ihũthagĩra kiugo “Allah” handũ-inĩ ha kiugo “Ngai.”
Ithe witũ	Mathayo 6:9	Nĩwe mũheani wa muoyo.
Mũhonokia	Isaia 45:21	Nĩ ahonokanagia kuuma ũgwati-inĩ kana mwanangĩko-inĩ.
Mũigua-ũiru	Thama 34:14, The Bible in Gikũyũ	Ndetĩkagĩria ũthathaiya wake ũtukanio na ũthathaiya wa ngai ingĩ. Ciugo icio ningĩ nĩ itaũrĩtwo, “ũteendaga kũigananio na ngai ĩngĩ” na “oĩkaine atĩ endaga wĩrutĩri wa ngoro yothe.”—The Holy Bible in Gĩkũyũ Language; New World Translation in Kikuyu.
Mũigua wa mahoya	Thaburi 65:2	Nĩ athikagĩrĩria mahoya ma andũ arĩa othe mamũhoyaga marĩ na wĩtĩkio.
Mũkũũri	Isaia 41:14	Nĩ akũũraga kana akagũra andũ kuuma harĩ mehia na gĩkuũ kũgerera igongona rĩa ũkũũri rĩa Jesu Kristo.—Johana 3:16.
Mũnene wa Ita	Isaia 1:9, The Bible in Gikũyũ	Mwathi wa mbũtũ nene ya araika.
Mũrĩithi	Thaburi 23:1	Nĩ arũmbũyagia athathaiya ake.
Mũrutani Ũrĩa Mũnene	Isaia 30:20, 21	Atũheaga ũrutani ũrĩ na ũguni na agatũtongoria.—Isaia 48:17, 18.
Mũthamaki wa tene na tene	Kũguũrĩrio 15:3	Wathani wake ndũrĩ kĩambĩrĩria kana mũthia.
Mũũmbi	Isaia 40:28; Isaia 64:8	Nĩwe wombire indo ciothe.—Kũguũrĩrio 4:11. Arĩ na ũnene igũrũ rĩa andũ na ndũrĩrĩ, o ta ũrĩa mũũmbi wa nyũngũ akoragwo na ũnene igũrũ rĩa rĩũmba.—Aroma 9:20, 21.
Mwathani	Thaburi 135:5	Mwene kana mwathi; Kĩhibirania nĩ ʼA·dhohnʹ na ʼAdho·nimʹ.
Mwathani Ũrĩa Mũnene	Kĩambĩrĩria 15:2	Nĩwe ũkoragwo na wathani ũrĩa mũnene mũno; Kĩhibirania nĩ ʼAdho·naiʹ.
Mwene-Hinya-Wothe	Kĩambĩrĩria 17:1	Akoragwo na hinya ũtarĩ mĩhaka. Kiugo gĩa Kĩhibirania ʼEl Shad·daiʹ, kĩrĩa gĩtaũragwo “Ngai Mwene-Hinya-Wothe,” kĩonekaga maita mũgwanja thĩinĩ wa Bibilia.
Ngai	Kĩambĩrĩria 1:1	Nĩ kuuga, ũrĩa ũramũkĩra ũthathaiya; Ũrĩa ũrĩ hinya. Kiugo gĩa Kĩhibirania ʼElo·himʹ kĩandĩkĩtwo na njĩra ya ũingĩ, kuonania ũnene wa Jehova, ũtĩĩku wake, na ũkaru wake.
Ngai ũkĩrĩte ngai iria ingĩ ciothe	Gũcokerithia Maathani 10:17	Nĩ Ngai ũrĩa mũnene makĩria, na akoragwo arĩ ngũrani na “ngai itarĩ kĩene” iria andũ amwe mathathayagia.—Isaia 2:8.
Ngai ũrĩa mũkeni	1 Timotheo 1:11	Akoragwo na gĩkeno hingo ciothe.—Thaburi 104:31.
Nĩ Niĩ Ũrĩa We	Thama 3:14, The Holy Bible in Gĩkũyũ Language	Nĩ atuĩkaga kĩrĩa gĩothe kĩrabatarania nĩguo ahingie muoroto wake. Ciugo icio ningĩ nĩ itaũragwo “NIĨ NDŨIRE O TA ŨRĨA NDŨIRE” kana “Nĩ Ngũtuĩka Kĩrĩa Ngũthuura Gũtuĩka.” (The Bible in Gikũyũ; New World Translation in Kikuyu) Ũndũ ũcio nĩ ũtũteithagia gũtaũkĩrũo nĩ rĩĩtwa rĩa Ngai, Jehova, rĩrĩa rĩgwetetwo mũhari-inĩ ũrĩa ũrũmĩrĩire.—Thama 3:15.
Rwaro rwa Ihiga	Thaburi 18:2, 46	Rĩũrĩro irũmu na kĩhumo kĩa ũhonokio.
Ũrĩa Mũnene Makĩria	Danieli 7:18, 27	Nĩwe ũrĩa mũnene makĩria igũrũ na thĩ.
Ũrĩa Mũtheru Mũno	Thimo 9:10	Mũtheru mũno (maũndũ-inĩ mothe) gũkĩra arĩa angĩ othe.
Ũrĩa ũrĩ Igũrũ Mũno	Thaburi 47:2	Akoragwo igũrũ rĩa arĩa angĩ othe kana kĩndũ o gĩothe.
Ũrĩa Ũtũũraga Kuuma o Tene	Danieli 7:9, 13, 22	Ndaarĩ na kĩambĩrĩria; aatũũrĩte kuo kuuma o tene gũtanagĩa kĩndũ kĩngĩ o gĩothe kana mũndũ ũngĩ o wothe.—Thaburi 90:2.

Marĩĩtwa ma kũndũ kũgwetetwo Maandĩko-inĩ ma Kĩhibirania

Marĩĩtwa ma kũndũ kũmwe kũgwetetwo thĩinĩ wa Bibilia nĩ makoragwo na rĩĩtwa rĩa Ngai, no matikoragwo marĩ marĩĩtwa mangĩ ma Ngai.

Rĩĩtwa rĩa kũndũ	Harĩa rĩonekaga	Ũrĩa riugĩte
Jehova-jire	Kĩambĩrĩria 22:13, 14	“Jehova nĩ Ekũheana.”
Jehova-nisi	Thama 17:15	“Jehova Nĩwe Mũtĩ Wakwa wa Kũmenyithania,” kana “nĩ we Bendera yakwa.” (The Holy Bible in Gĩkũyũ Language) Ciugo icio ironania atĩ andũ a Jehova no mathiĩ harĩ we nĩguo amagitĩre na amateithie.—Thama 17:13-16.
Jehova-shalomu	Atiirĩrĩri Bũrũri 6:23, 24	“Jehova Nĩ Thayũ.”
Jehova-shama	Ezekieli 48:35, kohoro ka magũrũ-inĩ, American Standard Version	“Jehova Arĩ Kuo.”

Tũrabatara kũmenya rĩĩtwa rĩa Ngai na kũrĩhũthĩra nĩkĩ?

No mũhaka akorũo Ngai nĩ onaga rĩĩtwa rĩake, Jehova, rĩrĩ rĩa bata, tondũ nĩ aarĩandĩkithirie maita ngiri nyingĩ thĩinĩ wa Bibilia.—Malachi 1:11.
Jesu, Mũrũ wa Ngai, nĩ aatĩtĩrithirie maita maingĩ bata wa rĩĩtwa rĩa Ngai. Kwa ngerekano, aahoire Jehova ũũ: “Rĩĩtwa rĩaku nĩ rĩtherio.”—Mathayo 6:9; Johana 17:6.
Arĩa mamenyaga rĩĩtwa rĩa Ngai na makarĩhũthĩra makoragwo makĩoya ikinya rĩa mbere rĩa kũgĩa na ũrata hamwe na Jehova. (Thaburi 9:10; Malaki 3:16) Ũrata ũcio nĩ ũmateithagia kũgunĩka kuumana na kĩĩranĩro gĩkĩ Ngai eranĩire: “Tondũ nĩ anyendete, nĩ ndĩrĩmũhonokagia. Nĩ ndĩrĩmũgitagĩra tondũ nĩ oĩ rĩĩtwa rĩakwa.”—Thaburi 91:14.
Bibilia yugaga ũũ: “Nĩ kũrĩ iria ciĩtagwo ngai, kana irĩ igũrũ kana gũkũ thĩ, o ta ũrĩa gũkoragwo na ‘ngai’ nyingĩ na ‘athani’ [aingĩ].” (1 Akorintho 8:5, 6) O na kũrĩ ũguo, nĩ ĩgwetaga Ngai ũrĩa ũmwe wa ma na rĩĩtwa, na nĩrĩo Jehova.—Thaburi 83:18.