Isaia 63:1-19
63 Ũyũ nũũ ũroka oimĩte Edomu,+Oimĩte Bozira+ ehumbĩte nguo irĩ na marangi makengu,*Ũyũ wĩkĩrĩte nguo cia gĩtĩo,Ahiũhĩte na hinya wake mũingĩ?
“Nĩ niĩ, Ũrĩa waragia na ũthingu,O we Ũrĩa ũrĩ hinya mũingĩ wa kũhonokania.”
2 Nĩ kĩĩ gĩtũmĩte nguo ciaku itunĩhe,Na nĩ kĩĩ gĩtũmĩte nguo ciaku ihaane ta cia mũndũ ũrĩ kĩhihĩro-inĩ kĩa ndibei?+
3 “Nginyangĩte thabibũ kĩhihĩro-inĩ kĩa ndibei ndĩ wiki.
Gũtirĩ mũndũ kuuma harĩ ikundi cia andũ ũrarĩ hamwe na niĩ.
Ndĩramakinyangaga ndĩ na marakara,Na ndĩraikara o ngĩmakinyangaga na mang’ũrĩ.+
Nguo ciakwa iraminjũkĩrũo nĩ thakame yao,Na nguo ciakwa ciothe irĩ na marooro.
4 Nĩ gũkorũo mũthenya wa kũrĩhanĩria ũrĩ ngoro-inĩ yakwa,+Naguo mwaka wa andũ akwa arĩa akũũre nĩ mũkinyu.
5 Ndĩrarorire, ĩndĩ gũtirarĩ na mũndũ wa kũndeithia;Ndĩramaka tondũ gũtirĩ mũndũ ũrerutĩire kũndeithia.
Nĩ ũndũ ũcio guoko gwakwa kũrandehera ũhonokio,*+Namo marakara makwa marandiirĩrĩra.
6 Ndĩrarangĩrĩirie ikundi cia andũ na marakara makwa,Ndĩratũma marĩĩo nĩ marakara makwa+
Na ndĩraita thakame yao thĩ.”
7 Nĩ ngũgweta ciĩko cia Jehova cia wendo mwĩhokeku,Ciĩko cia kũgoocwo cia Jehova,Nĩ ũndũ wa maũndũ mothe marĩa Jehova atwĩkĩire,+Maũndũ mothe mega marĩa ekĩire nyũmba ya Isiraeli,Kũringana na tha ciake na wendo wake mũnene na mwĩhokeku.
8 Nĩ gũkorũo ooigire atĩrĩ: “Aya nĩ andũ akwa, ariũ matakaaga wĩhokeku.”*+
Nĩ ũndũ ũcio agĩtuĩka Mũhonokia wao.+
9 Hĩndĩ ya mĩtangĩko yao yothe nĩ aatangĩkaga.+
Nake mũtũmwo wake we mwene* akĩmahonokia.+
Akĩmakũũra nĩ ũndũ wa wendo na tha ciake,+Na akĩmoya na igũrũ na akĩmakuua matukũ-inĩ mothe ma tene.+
10 No magĩtuĩka aremi+ na makĩiguithia roho wake mũtheru ũũru.+
Nake akĩgarũrũka agĩtuĩka thũ yao,+Na akĩmokĩrĩra.+
11 Na makĩririkana matukũ ma tene,Matukũ ma Musa ndungata yake makĩũria atĩrĩ:
“Arĩ kũ Ũrĩa wamagereirie iria-inĩ+ na arĩithi a rũũru rwake?+
Arĩ kũ Ũrĩa wamũheire roho Wake mũtheru,+
12 Ũrĩa warekire guoko Gwake kũrĩ riri gũthiĩ hamwe na guoko kwa ũrĩo kwa Musa,+Ũrĩa wagayanirie maĩ mbere yao+Nĩguo egĩĩre na rĩĩtwa rĩa gũtũũra tene na tene,+
13 Ũrĩa watũmire matuĩkanĩrie maĩ-inĩ mariku,Nĩgetha mathiĩ matekũhĩngĩka,O ta mbarathi ĩrĩ bũrũri mwaraganu?*
14 O ta ũrĩa mahiũ mahurũkaga maikũrũka mũkuru-inĩ mwaraganu,Roho wa Jehova nĩ watũmire magĩe na ũhurũko.”+
Ũguo nĩguo wee watongoririe andũ aku,Nĩgetha wĩgĩĩre rĩĩtwa rĩrĩ na riri.*+
15 Rora ũrĩ kũu igũrũ wĩyonere
Ũrĩ kũu gwaku gũtũũgĩrĩte kũrĩ na ũtheru na riri.*
Kĩyo gĩaku na hinya irĩ kũ,Na ũrĩa wee wahĩahĩaga kuonania ũcayanĩri waku+ na tha ciaku?+
Nĩ igirĩrĩirio gũkinya harĩ niĩ.
16 Nĩ gũkorũo wee nĩwe Ithe witũ;+O na gũtuĩka Iburahimu no akorũo atatũĩ,Na Isiraeli no age gũtũmenya,Wee Jehova, nĩwe Ithe witũ.
Rĩĩtwa rĩaku nĩ Mũkũũri witũ wa kuuma o tene.+
17 Wee Jehova-rĩ, wĩtĩkagĩra* tũũre njĩra-inĩ ciaku nĩkĩ?
Wĩtĩkagĩria* tũũmie ngoro citũ nĩkĩ, nginya tũkaga gũgwĩtigĩra?+
Coka nĩ ũndũ wa ndungata ciaku,O acio mĩhĩrĩga ya igai rĩaku.+
18 Andũ aku arĩa athuure nĩ meegwatĩire kũndũ kũu ihinda inyinyi.
Thũ citũ nĩ irangĩrĩirie handũ haku harĩa hatheru.+
19 Ihinda iraya mũno tũhaanĩte ta andũ matarĩ maathwo nĩwe,O ta andũ matarĩ metanio na rĩĩtwa rĩaku.
Tũũhoro twa magũrũ-inĩ
^ Kana hihi, “nguo ndune.”
^ Kana “ũhootani.”
^ Kana “matagatuĩka a maheeni.”
^ Kana “mũraika ũrĩa woimĩte kũrĩ we.”
^ Kana “werũ-inĩ?”
^ Kana “ithaka.”
^ Kana “gũthaka.”
^ Kana “ũtũmaga.”
^ Ũkk., “Ũtũmaga.”
