Isaia 61:1-11
61 Roho wa Jehova Mwathani Ũrĩa Mũnene ũrĩ igũrũ rĩakwa,+Tondũ Jehova nĩ aanjitĩrĩirie maguta nĩguo hunjie ũhoro mwega kũrĩ arĩa ahooreri.+
Akĩndũma nĩguo njohe nguraro cia arĩa athuthĩku ngoro,Nĩguo ngahunjie ũhoro wĩgiĩ kũrekererio kwa arĩa manyitĩtwo mĩgwateNa ũhoro wĩgiĩ kũhingũrũo maitho biũ kwa andũ arĩa ohe,+
2 Hunjie ũhoro wĩgiĩ mwaka wa wendi mwega* wa JehovaNa ũhoro wĩgiĩ mũthenya wa kwĩrĩhĩria wa Ngai witũ,+Na nyũmĩrĩrie arĩa othe maracakaya,+
3 Ndeithie arĩa maracakaya nĩ ũndũ wa Zayuni,Ndĩmahe iremba cia mĩtwe ithenya rĩa mũhu,Maguta ma gĩkeno ithenya rĩa gũcakaya,Ndĩmahumbe nguo ya ũgooci ithenya rĩa gũkua ngoro.
Na nĩ mageetwo mĩtĩ mĩnene ya ũthingu,Mĩmera ya Jehova, nĩguo agĩe na riri.*+
4 Nĩ magaaka rĩngĩ kũrĩa kwanangirũo tene;Nĩ magaacokereria kũndũ kũrĩa gũtũire kũrĩ gũtiganĩrie,+Na nĩ magaacokia matũũra marĩa manangĩku,+Kũndũ kũrĩa gũtũire kũrĩ gũtiganĩrie njiarũa na njiarũa.+
5 “Ageni nĩ makaarũgama na marĩithie ndũũru cianyu,Na andũ a kũngĩ+ nĩ magaatuĩka arĩmi anyu na aruti anyu a wĩra wa gũceha mĩthabibũ.+
6 No inyuĩ mũgeetwo athĩnjĩri-Ngai a Jehova;+Makaamwĩtaga ndungata cia Ngai witũ.
Nĩ mũkaarĩaga indo cia ndũrĩrĩ,+Na nĩ mũkeraha nĩ ũndũ wa riri* wacio.
7 Ithenya rĩa gĩconoko mũkaagĩa na igai maita merĩ,Na ithenya rĩa gũconorithio magaakena maanĩrĩire nĩ ũndũ wa igai rĩao.
Ĩni, makeegwatĩra igai maita merĩ bũrũri-inĩ wao.+
Makaagĩa na gĩkeno gĩa tene na tene.+
8 Nĩ gũkorũo niĩ Jehova, nĩ nyendete kĩhooto;+Nĩ thũire ũtunyani na wagi wa ũthingu.+
Nĩ ũndũ wa wĩhokeku wakwa nĩ ngaamahe mũcara wao,Na ndĩkanĩre nao kĩrĩkanĩro gĩa gũtũũra tene na tene.+
9 Mbeũ yao* nĩ ĩkaamenyeka gatagatĩ-inĩ ka ndũrĩrĩ+Nacio njiarũa ciao imenyeke gatagatĩ-inĩ ka ikundi cia andũ.
Arĩa othe makaamona nĩ makaamamenya,Mamenye atĩ nĩo mbeũ ĩrĩa* Jehova arathimĩte.”+
10 Nĩ ngũkena mũno nĩ ũndũ wa Jehova.
Niĩ ndĩ wothe nĩ ngũcanjamũka nĩ ũndũ wa Ngai wakwa.+
Nĩ gũkorũo nĩ ahumbĩte nguo cia ũhonokio;+Nĩ ahumbĩte kanjũ ya* ũthingu,O ta mũhikania ũrĩa wĩhumbaga kĩremba ta kĩrĩa kĩa mũthĩnjĩri-Ngai,+Na o ta mũhiki ũrĩa wĩgemagia na mathaga make.
11 Nĩ gũkorũo o ta ũrĩa thĩ ĩrutaga mĩmera yayoNa o ta ũrĩa mũgũnda ũtũmaga kĩrĩa kĩhandĩtwo kuo kĩmere,Noguo Jehova Mwathani Ũrĩa MũneneAgaatũma ũthingu+ na ũgooci imere+ mbere ya ndũrĩrĩ ciothe.
Tũũhoro twa magũrũ-inĩ
^ Kana “gwĩtĩkĩrĩka.”
^ Kana “athakario.”
^ Kana “ũtonga.”
^ Kana “rũciaro rũrĩa.”
^ Kana “rũciaro rwao.”
^ Kana “kagooti gatarĩ moko ka.”
