Aduwa 24:1-34
24 Taaɖʋ ɛsɩyɛ ɛyaa kɩdɛkɛdaa yɔɔ,Nɛ pɩtaalabɩ-ŋ liu se ŋɖʋʋ-wɛ nɛ taabalɩyɛ,+
2 Mbʋ pʋyɔɔ yɔ puuyaɣ lakasɩ yɔɔ pa-laŋa maɣzɩɣ,Nɛ pɔyɔɔdʋʋ ɛzɩma pala lalaa kɩdɛkɛdɩm yɔ pɩ-tɔm.
3 Lɔŋsɩnɖɛ pamaɣnɩ ɖɩɣa,*+Nɛ lɛɣtʋ pacaɣzɩɣnɩ-kɛ camɩyɛ.
4 Sɩmtʋ yekina nɛ ko-kuduyuŋ tɛɛ suuniÑɩm wondu ndʋ tiɖewa yɔ nɛ ñɩm wondu lɛɛtʋ ndɩ ndɩ.+
5 Lɔŋsɩnɖʋ kɛ ɖoŋ tʋ,+Nɛ sɩmtʋ ɛyʋ sɔzʋʋnɩ e-ɖoŋ.
6 Yele nɛ pawɩlɩ-ŋ nʋmɔʋ kɩbaŋʋ* nɛ ŋla ño-you,+Ðenɖe lɔŋ tasɩyaa sakɩyɛ wɛɛ yɔ, peeɖe pehikiɣ wabɩtʋ.*+
7 Kɩmɛlɛŋ ɛɛpɩzɩɣ nɛ kihiɣ lɔŋsɩnɖɛ siŋŋ;+Kɩfɛyɩnɩ natʋyʋ se kɩyɔɔdɩ tɛtʋ nɔnɔɔ taa.
8 Weyi ɛtaŋ tamasɩ kɩdɛkɛdɩsɩ yɔPakaɣ-ɩ yaʋ se ɛzaɣtʋ lɩmaɣza laɖaa ñʋʋdʋ.+
9 Kɩmɛlɛndʋ lɩmaɣza wokini* kɩwɛɛkɩm taa,Nɛ ɛyaa paɖɩɣ ɛyaa woŋiyu.+
10 Ye pitibi-ŋ yɔɔɔ kʋñɔŋ alɩwaatʋ taa yɔ,*Pɩcamɩɣ ño-ɖoŋ.
11 Holi mba peɖiɣni-wɛ wonuu sɩm taa yɔ,Ya mba pɩcɛŋɛsɩɣ-wɛ nɛ piwokini ɖenɖe pakaɣ-wɛ kʋʋ yɔ pa-ñʋʋ.+
12 Ye ŋtɔm se: «Ðɩtɩnɩɩ-tʋ» yɔ,Ɛzɩ Weyi ɛtazɩɣ laŋa taa yɔ,* ɛɛsɩŋ ña-lɩmaɣza na?+
Ɛɛɛ, Weyi ɛ-ɛsa wɛ ñɔ-yɔɔ* yɔ, ɛkaɣ sɩm ña-lɩmaɣzaNɛ ɛkaɣ hɛyʋʋ paa weyi lɛ ɛ-lakasɩ nɔɔ taa.+
13 Man-pɩyalʋ, nezi tʋŋ num, mbʋ pʋyɔɔ yɔ pɩwɛ ɖeu;Tʋŋ num mbʋ pɩlɩnɩ sɛŋɛlɛtʋ taa yɔ, pɩwɛ leleŋ nzʋlʋmɩyɛ yɔɔ.
14 Tɩlɩ se mbʋ ɖɔɖɔ pɩwɛ ɖeu se ŋwɛɛnɩ lɔŋsɩnɖɛ.*+
Ye ŋhiɣ-ɖɩ yɔ, pɩkaɣ-ŋ ɖenuu cee wayɩNɛ ñe-lidaʋ ɛɛkaɣ ɖʋʋ lɩm.+
15 Kañatʋ lɩmaɣza itaaseɣti-ŋ nɛ ŋwolo nɛ ŋpabɩ nɛ ŋɖaŋ ɛyʋ siɣsiɣ tʋ ɖɩɣa cɔlɔ kpam;Taaɖɩzɩ lone nɖɩ ɖɩ-taa ɛhɛzɩɣ yɔ.
16 Mbʋ pʋyɔɔ yɔ ɛyʋ siɣsiɣ tʋ pɩzɩɣ nɛ ɛtɔlɩ tam 7, ɛlɛ ɛkaɣ tasʋʋ kʋyʋʋ;+Ɛlɛ kañatʋ tɩnaa lɛ, asɛyʋʋ kaɣ-wɛ talʋʋ nɛ pɔtɔlɩ.+
17 Ye ño-koyindu ɛtɔlaa yɔ, ña-taa ɛtaala leleŋ;Nɛ ye pituuli-i yɔ, taawɛɛ laŋhʋlʋmɩyɛ taa;+
18 Pɩtɩkɛ mbʋ yɔ, Yehowa naɣ nɛ pɩɩkaɣ-ɩ kɛdɩnʋʋ,Nɛ pana wena ɛɛkɔnɩ-ɩ* yɔ akaɣ hɛʋ.+
19 Ña-taa ɛtaawɩɩ* ɛyaa kɩdɛkɛdaa yɔɔ;Taaɖʋ ɛsɩyɛ kañatʋ tɩnaa yɔɔ,
20 Mbʋ pʋyɔɔ yɔ ɛyaa kɩdɛkɛdaa fɛyɩnɩ cee wayɩ nakʋyʋ;+Kañatʋ tɩnaa kanɖʋ kaɣ ɖɩm.+
21 Man-pɩyalʋ, se Yehowa nɛ wiyaʋ sɔɔndʋ.+
Nɛ taaɖʋ taabalɩyɛ nɛ mba paaluzuu pa-tɩ yɔ,*+
22 Mbʋ pʋyɔɔ yɔ asɛyʋʋ kaɣ-wɛ talʋʋ tuda.+
Asɩm asɛyʋʋ ŋgʋ pa-naalɛ* pakaɣ kɔnʋʋ ɛyaa mba pɔ-yɔɔ yɔ?+
23 Tɔm tʋnɛ ɖɔɖɔ tɩkɛ lɔŋsɩnɖɛ tɔm:
Pɩfɛyɩ ɖeu se pahʋʋ tɔm ɛsɩmɩyɛ yɔɔ.+
24 Weyi eheyiɣ kañatʋ tʋ se: «Ŋkɛ ɛyʋ siɣsiɣ tʋ» yɔ,+Ɛyaa samasɩ kaɣ ɛ-yɔɔ lɔʋ nɔɔ kɩdɛkɛdaɣ, nɛ ajɛɛ kaɣ ɛ-wayɩ tʋlʋʋ.
25 Ɛlɛ pɩkaɣ ɖɔmnʋʋ camɩyɛ mba pɔhɔŋ ɛ-nɩŋgbaŋʋʋ yɔ,+Pakaɣ-wɛ wazʋʋ nɛ wondu kɩbandʋ.+
26 Weyi ecosuu tɔm yɔɔ nɛ ɛyɔɔdɩ toovenim yɔ, samaɣ kaɣ ɛ-nɔɔ mʋzʋʋ.*+
27 La tʋma wena ŋwɛnɩ awayɩ yɔ, nɛ ŋñɔɔzɩ pɩtɩŋa camɩyɛ hayɩm taa;Nɛ pʋwayɩ lɛ ŋma ña-ɖɩɣa.*
28 Taalɩzɩ aseɣɖe nɛ ŋkʋnɩ ño-koobu tɔm ɖulum.+
Taakpaɣ ño-ndomee nɛ ŋpeɣzini ɛyaa lalaa.+
29 Taayɔɔdɩ se: «Mankaɣ-ɩ labʋ ɖeyi ɖeyi ɛzɩ ɛlabʋ-m yɔ;Mbʋ ɛlaba yɔ, mankaɣ-ɩ pʋ hɛyʋʋ.»*+
30 Mantɩŋnɩ feendu tʋ hayɩm cɔlɔ,+Mantɩŋnɩ kɩmɛlɛŋ viiñi* hayɩm cɔlɔ.
31 Nɛ mana se ñɩtʋ kaasu pɩ-taa;Sɔɔ ñɩtʋ kaahuuzini tɛtʋ yɔɔ,Nɛ pɩ-pɛɛ kolonzi kaaɖaba.+
32 Mana mbʋ lɛ, mamaɣzɩ pɩ-yɔɔ siŋŋ;Manawa lɛ, mɛnkpɛlɩkɩ lɔŋ ɛnɛ yɔ:
33 Ðoo pazɩ, lili pazɩ,Kpɛkɩ ñe-nesi nɛ ŋhɛzɩ pazɩ;
34 Nɛ ña-kʋñɔndʋtʋ kaɣ kɔm ɛzɩ mɩlʋ sɔsɔ yɔ,Nɛ ña-tanɩm kaɣ kɔm ɛzɩ ɛyʋ weyi ɛɖɔkɩ you wonuu yɔ.+
Pɩ-tɛɛ tɔm
^ Yaa «pakpazɩɣnɩ ɖɩɣa taa mba ɖoŋ.»
^ Yaa «nɛ patasɩ-ŋ lɔŋ kɩbaŋ.»
^ Yaa «peeɖe pɩɖɔŋ camɩyɛ; peeɖe pehikiɣ ñʋʋ yabʋ.»
^ Yaa «Kɩmɛlɛŋ taŋ tamasɩ nzɩ yɔ siwokini.»
^ Yaa «kʋñɔŋ kɩyakʋ wiye yɔ.»
^ Yaa «Weyi ɛnaɣ mbʋ piseɣtiɣ-ŋ.»
^ Yaa «ña-kalɩzaɣ yɔɔ.»
^ Yaa «mbʋ ɖɔɖɔ lɔŋsɩnɖɛ wɛ leleŋ ña-kalɩzaɣ.»
^ Pana wena ɛkɔnɩ koyindu yɔ a-tɔm pɔyɔɔdʋʋ.
^ Yaa «Ñɔ-hɔyɛ etaahuu.»
^ Yaa «mba pañɩnɩɣ lɛɣzɩtʋ yɔ.»
^ Pɩwɩlɩɣ se Yehowa nɛ wiyaʋ.
^ Yaa «Tɔm yɔɔ cosuu kpayɩ wɛ ɛzɩ pamʋzʋʋ ɛyʋ nɔɔ yɔ.»
^ Yaa «Nɛ pʋwayɩ lɛ ŋɖʋ ñɔ-hɔʋ.»
^ Yaa «mankaɣ-ɩ kpaʋ pɩ-kɩmɩyɛ.»
^ Piye piye, «weyi ɛfɛyɩnɩ laŋɩyɛ yɔ e-viiñi.»
