Aduwa 18:1-24
18 Weyi eposuu ɛ-tɩ nɛ lalaa yɔ, ɛñɩnɩɣ mbʋ ɛ-maɣmaɣ e-liu wɛɛ yɔ;Ekiziɣ* lɔŋsɩnɖɛ nɖɩ ɖɩwazɩɣ yɔ ɖɩ-tɩŋa.
2 Kɩmɛlɛŋ tɩsɔɔlɩ tɔm taa nɩʋ lɛɣtʋ paa ññɩɩ;Ɛlɛ kikuluu mbʋ pɩwɛ kɩ-laŋɩyɛ taa yɔ pɩ-yɔɔ nɛ kɩwɩlɩɣ kaɣlaa.+
3 Kañatʋ tʋ ɛkɔma yɔ, nimtu ɖɔɖɔ kaɣ kɔm,Nɛ fɛyɛ nɛ tɛtɛ pɛŋɩyɛ pɔɖɔŋna.+
4 Ɛyʋ nɔɔ taa tɔm kɛ lɩm cukaŋ ñɩmbʋ.+
Lɔŋsɩnɖɛ hiɖe wɛ ɛzɩ pɔɔ taa lɩm mbʋ pikpeŋ yɔ.
5 Pɩfɛyɩ ɖeu se patɩnɩ kañatʋ tʋ yɔɔ+Yaa pomuli ɛyʋ siɣsiɣ tʋ tɔm hʋʋ taa.+
6 Kɩmɛlɛŋ nɔɔ taa tɔm kɔŋnɩ you,+Nɛ kɩ-nɔɔ yaɣ kɩmakʋ.+
7 Kɩmɛlɛŋ nɔɔ kɛnɩ-kʋ asɛyʋʋ,+Nɛ ki-ndomee kɛ kaamʋʋ ki-wezuu.*
8 Kɔlɔmɔtʋ tʋ tɔm wɛ ɛzɩ tɔɔnaɣ leleŋ ñɩŋga yɔ;*+Peliki-kɛ nɛ ketiki ɖooo lotu taa kpaagbaa.+
9 Weyi ɛlakɩ feendu ɛ-tʋmɩyɛ taa yɔ,Ɛkɛ weyi ɛkɔŋnɩ asɛyʋʋ yɔ e-koobu.+
10 Yehowa hɩɖɛ kɛ tilimiye ɖoŋ ñɩnɖɛ.+
Ðɩ-tɛɛ ɛyʋ siɣsiɣ tʋ seɣ nɛ ewoki nɛ pɩkandɩyɩɣ ɛ-yɔɔ.*+
11 Ñɩm tʋ ñɩm kɛnɩ ɛ-tɛtʋ ɖoŋ ñɩndʋ;Ɛ-maɣzɩm taa lɛ, ñɩm mbʋ pɩwɛ ɛzɩ koloŋa ŋga kakandɩyɩɣ ɛ-yɔɔ yɔ.+
12 Tɩ kpazʋʋ wokini ɛyʋ asɛyʋʋ taa,+Nɛ tɩ luzuu kɔŋnɩ ɛyʋ samtʋ.+
13 Weyi ɛɖʋʋ ɛ-nɔɔ tɔm natʋyʋ taa pʋcɔ nɛ ɛnɩɩ mbʋ pɩlabɩ ɖeyi ɖeyi yɔ,Ɛlabɩ kɩmɛlɛndʋ nɛ ɛɖʋ ɛ-tɩ fɛyɛ.+
14 Lɩmaɣza kɩbana* pɩzɩɣ nɛ aɖɔkɩ ɛyʋ alɩwaatʋ ndʋ ɛhɩnɩɣ kʋdɔŋ yɔ,+Ɛlɛ ye pitibi-i yɔɔɔ yɔ,* ɛzɩ ɛpɩzɩɣ nɛ ɛtasɩ ɛ-tɩ ɖɔkʋʋ na?+
15 Weyi ɛwɛnɩ tɔm taa nɩʋ lɛɣtʋ yɔ, ɛ-laŋɩyɛ ñakɩ pana se ɖihiɣ sɩmtʋ,+Nɛ lɔŋsɩnɖʋ nɩŋgbaŋʋʋ ñɩnɩɣ sɩmtʋ.
16 Ɛyʋ kʋjɔʋ tʋlʋʋ-ɩ nɔnɔsɩ;+Kiwokini-i ɛyaa sɔsaa cɔlɔ.
17 Weyi ɛcalɩɣ tɔm natʋyʋ kɛdʋʋ yɔ, pɩpɩzɩɣ nɛ pɩla ɛzɩ ɛwɛnɩ toovenim yɔ,+Nɛ pɩkɔɔ nɛ pɩsɩɩnɩ alɩwaatʋ ndʋ naalɛ tʋ kɔŋ nɛ ɛpɔzɩ-ɩ tɔm tete se toovenim ɛlɩɩ yɔ.*+
18 Piye tɔʋ sɩnzɩɣ yoŋ,+Nɛ piloluu* ɖoŋ tɩnaa mba palʋkɩnɩ ɖama yɔ.
19 Koobu weyi paca-ɩ tɔm yɔ, ɛ-laŋɩyɛ hɛzʋʋ wɛ kaɖɛ nɛ pɩkɩlɩ tɛtʋ ɖoŋ ñɩndʋ wabʋ,+Nɛ yoŋ nɩɩyɩ wɛ ɛzɩ tɛtʋ ɖoŋ ñɩndʋ nɔnɔsɩ ɖaŋ yɔ.+
20 Mbʋ ɛyʋ yɔɔdaɣ* lʋlʋʋ yɔ, mbʋ ɛkaɣ tɔɔʋ nɛ ɛhaɣ;+Ɛkaɣ haɣʋ mbʋ e-ndomee lʋlʋʋ yɔ.
21 Sɩm nɛ wezuu wɛ nzʋlʋmɩyɛ ɖoŋ tɛɛ;+Mba pɔsɔɔlɩ-ɖɩ labɩnʋʋ tʋmɩyɛ yɔ, pakaɣ tɔɔʋ ɖi-pee.+
22 Weyi ehiɣ halʋ kɩbanʋ yɔ, ehiɣ pʋyʋ kɩbanʋ;+Nɛ ɛ-tɔm kɛdɩɣnɩ Yehowa.*+
23 Kʋñɔndʋ kaayɔɔdʋʋ lɛ, etendiɣ kitenduu,Ɛlɛ ñɩm tʋ kaacosuu lɛ, ɛñazɩɣ kɩñazʋ.
24 Ɛgbaɣdɩnaa nabɛyɛ wɛɛ lɛ, papɩzɩɣ nɛ pɔtɔyɩtɩ ɖama,+Ɛlɛ taabalʋ nɔɔyʋ wɛɛ lɛ, ɛñɔʋnɩ ɛyʋ kpam nɛ pɩkɩlɩ ɛlɛ koobu.+
Pɩ-tɛɛ tɔm
^ Yaa «Eniŋ.»
^ Yaa «kɩ-kalɩzaɣ.»
^ Yaa «wɛ ɛzɩ mbʋ pɩwɛɛ se pelibi-pʋ nɛ kujonjoŋ yɔ.»
^ Piye piye, «nɛ pakpazɩɣ-ɩ,» pʋ-tɔbʋʋ se ɖenɖe nabʋyʋ eehikiɣ-i yɔ, ɖenɖe kaɖɛ naɖɩyɛ ɛɛtalɩɣ-ɩ yɔ.
^ Yaa «ye elesi e-lidaʋ tɩŋa yɔ.»
^ Piye piye, «Ɛyʋ fezuu.»
^ Yaa «nɛ ɛtazɩ ɛ-taa yɔ.»
^ Piye piye, «Nɛ pɩyasɩɣ.»
^ Piye piye, «nɔɔ.»
^ Yaa «ehikiɣ Yehowa camɩyɛ lakasɩ.»
