Apa sing Isa Nggawé Keluarga Bahagia?
Apa kuwi . . .
-
rasa sayang?
-
dhuwit?
-
liyané?
ALKITAB KANDHA
”Wong sing bahagia kuwi wong sing ngrungokké lan nindakké omongané Gusti Allah.”—Lukas 11:28, Terjemahan Donya Anyar.
MANFAATÉ NGERTI SOAL KUWI
Nèk manut naséhat kuwi, njenengan isa
dadi wong lanang sing sayang karo bojoné (Éfésus 5:28, 29),
dadi wong wédok sing ngajèni bojoné (Éfésus 5:33),
dadi pasangan sing rukun lan keluarga ora berantakan (Markus 10:6-9).
SING DITULIS ING ALKITAB ISA DIPERCAYA
Alesané ana loro:
-
Gusti Allah kuwi sing nggawé keluarga. Alkitab kandha nèk Gusti Allah nyiptakké pasangan manungsa sing pertama, terus ngongkon wong loro kuwi nduwé anak lan ngebaki bumi. (Purwaning Dumadi 1:28) Mula, Gusti Allah Yéhuwah disebut sing nggawé keluarga.
Bayangna, njenengan lagi mangan sega gorèng sing énak lan péngin ngerti carané kuwi dimasak. Mesthiné njenengan bakal takon karo sing masak, ta?
Dadi, nèk péngin ngerti carané keluarga isa bahagia mesthiné ya kudu takon karo Yéhuwah merga Dhèwèké sing nggawé keluarga.—Purwaning Dumadi 2:18-24.
-
Gusti Allah péngin njenengan bahagia. Nèk manut naséhaté Yéhuwah ing Alkitab, keluarga mesthi bakal bahagia. (Wulang Bebasan 3:5, 6; Yésaya 48:17, 18) Gusti Allah mung péngin mènèhi sing paling apik kanggo njenengan. Alkitab kandha, ”[Gusti Allah] perduli karo kowé.”—1 Pétrus 5:6, 7.
KANGGO DIPIKIRKÉ
Piyé carané dadi bojo lan wong tuwa sing luwih apik?
Jawabané ana ing ÉFÉSUS 5:1, 2 lan KOLOSE 3:18-21.