Panangiggem iti Kuarta
Naksayan ti problema iti kuarta ti adu a tattao idi inyaplikarda dagiti prinsipio ti Biblia.
MANGARAMIDKA ITI NASAYAAT A PLANO
PRINSIPIO TI BIBLIA: “Sigurado nga agballigi dagiti plano ti nagaget, ngem sigurado a pumanglaw ti amin a nadarasudos.”—Proverbio 21:5.
TI KAIPAPANANNA: Mangaramidka kadagiti plano ket siguraduem a matungpal dagita tapno agballigika. Agplanoka ngarud sakbay nga aggastoka. Laglagipem a posible a saanmo a magatang ti amin a kayatmo isu a gastuem a nainsiriban ti kuartam.
TI MABALINMO NGA ARAMIDEN:
-
Surotem ti imbadyetmo. Isuratmo amin a paggastuam ken igrupom dagita sigun iti kategoria. Sa ilasinmo ti gastuem para iti tunggal kategoria. No simmobraka iti imbadyetmo iti maysa a kategoria, kissayam ti kuarta iti sabali a kategoria tapno masuposupan dayta. Kas pagarigan, no ad-adu ti magastom iti krudo ti luganmo, mangkissayka iti kuarta a naibadyet kadagiti saan unay a napateg—kas iti pannangan iti restawran.
-
Liklikam ti di kasapulan a panagutang. No posible, liklikam ti umutang. Agurnongka ketdi iti igatangmo kadagiti masapulmo. No agusarka iti credit card, bayadam ti amin nga utangmo iti kada bulan tapno awan ti interesna. No adda utangmo ngem dimo mabayadan a dagus, in-inutem a bayadan agingga a mabayadam amin.
Sigun iti maysa a panagadal, ad-adu ti magasto dagiti tattao no credit card ti paggatangda. No ngarud adda credit card-mo, kontrolem ti panangusarmo iti dayta.
LIKLIKAM DAGITI MAKADANGRAN NGA UGALI
PRINSIPIO TI BIBLIA: “Saan nga agarado ti sadut iti tiempo ti lam-ek, isu nga agpalimos bayat ti panagani inton awananen.”—Proverbio 20:4.
TI KAIPAPANANNA: Pumobreka no sadutka isu nga aggaggagetka ken sursuruem ti nainsiriban a panangiggem iti kuarta tapno addanto ti usarem iti masanguanan.
TI MABALINMO NGA ARAMIDEN:
-
Aggaggagetka. Protektaram ti pangal-alaam iti pagbiagmo babaen ti panagbalinmo a nagaget ken mapangnamnamaan iti trabahom. Magustuan dagiti amo dagiti nagaget a trabahador.
-
Agbalinka a napudno. Dimo takawan ti amom. No saanka a napudno, madadael ti reputasionmo ket marigatankanton nga agbirok iti pagtrabahuam.
-
Dika agagum. No masobraam ti agbirok iti kuarta, dakes ti epektona iti salun-atmo ken iti relasionmo iti sabsabali. Laglagipem a napatpateg ti biag ngem iti kuarta.
DADDUMA PAY A PRINSIPIO TI BIBLIA
Basaem ti Biblia online nga available iti ginasut a lengguahe iti jw.org
SAANMO A SAYANGEN TI ORAS KEN KUARTAM KADAGITI DAKES A BISIO.
“Ta pumanglawto ti mammartek ken ti narawet, ket ti agayat iti turog agbadonto iti rigis.”—PROVERBIO 23:21.
DIKA UNAY AGDANAG.
“Saankayon a madanagan iti biagyo, no anianto ti kanenyo wenno inumenyo, wenno pagbadoyo.”—MATEO 6:25.
DIKA UMAPAL.
“Magagaran a bumaknang ti naapal a tao, ngem saanna nga ammo a pumanglawto.”—PROVERBIO 28:22.
Baka Kayatmo Met ti
TI PAGWANAWANAN
Ti Umiso nga Aramidem No Adda Utangmo
Ania ti aramiden ti pamilia no kasla saandan a makalung-aw iti utang?
TI PAGWANAWANAN
Panagbiag Sigun iti Kabaelan—Kasano?
AGRIINGKAYO!
Ti Umiso a Lugar ti Kuarta iti Biagmo
Makatulong ti pito a saludsod tapno makitam no saanen nga umiso ti lugar ti kuarta iti biagmo.
KANAYONAN A TOPIKO
No Kasano a Mayan-anay ti Bassit a Kuarta
Makapa-stress no bigla nga awanen ti masapulam a kuarta, ngem matulongannaka dagiti balakad ti Biblia tapno mayan-anaymo ti bassit a kuarta.
SUNGBAT DAGITI SALUDSOD MAIPAPAN ITI BIBLIA
Problema iti Kuarta ken Utang—Makatulong Kadi ti Biblia?
Saan a magatang ti kuarta ti kinaragsak, ngem adda uppat a prinsipio iti Biblia a makatulong iti panangusarmo iti kuarta.
AGRIINGKAYO!
No Kasano a Kontrolen ti Panaggasto
Dimo urayen agingga nga awanen ti kuarta sakbay a baliwam ti ugalim iti panaggasto. Ammuem no kasanom a kontrolen ti panaggasto sakbay nga agbabawika.
