Baka Ni Kitai Ngelala Pengarap ti Bendar?
Saut ari Bup Kudus
Bup Kudus bisi madahka chara ngelala pengarap ti bendar. Bup Kudus madah, “Kita deka ngelala sida ari buah sida. Kati buah anggur diambi ari madang duri, tauka buah ara ari madang emperingat?” (Matthew 7:16) Buah anggur enggau madang emperingat ulih dikelala ari asil iya. Pengarap ti bendar enggau pengarap ti pelesu mega ulih ditemu ari buah iya. Pengarap ti bendar ulih dipeda ari beberapa iti utai tu:
Ngajar utai ti bendar ari Bup Kudus, ukai ari mensia. (John 4:24; 17:17) Tu nyengkaum pasal nama penyadi ngagai orang ke udah mati, enggau nama pengadang ke udah disemayaka ba dunya Paradais ke jemah ila. (Masmur 37:29; Isaiah 35:5, 6; Esekiel 18:4) Pengarap ti bendar mega enda takut madahka ni bagi pengarap ti pelesu.—Matthew 15:9; 23:27, 28.
Pengarap ti bendar deka madahka orang mayuh pasal Petara, nyengkaum nama Iya, iya nya Jehovah. (Masmur 83:18; Isaiah 42:8; John 17:3, 6) Pengarap ti bendar enda ngumbai tusah deka semak tauka nemu pasal Petara, tauka ngumbai Petara enda ibuhka mensia. Tang, sida madahka Petara deka bisi kaul ti rapat enggau kitai.—James 4:8.
Madahka Petara ulih nyelamat nengah tebus Jesus. (Kereja Rasul 4:10, 12) Pengarap ti bendar ngasika pesan Jesus lalu bebendar neladan iya.—John 13:15; 15:14.
Pengarap ti bendar ngajar, semina Perintah Petara nyadika pengadang ngagai mensia. Nembiak iya mega amat ransing madah pasal perintah tu.—Matthew 10:7; 24:14.
Meransang orang bukai ngayanka pengerindu tang enda ngarapka nama-nama utai. (John 13:35) Nembiak iya diajar bebasaka orang bukai enggau enda bepilih mata pasal bansa, adat, jaku, tauka penatai. (Kereja Rasul 10:34, 35) Ketegal rinduka pangan diri, nembiak iya mega enda enggau beperang.—Mikah 4:3; 1 John 3:11, 12.
Orang ke ba pengarap ti bendar enda nerima gaji ngagai semua utai ke dikereja sida. Nadai gelar ti spesial ke sida. Semua orang sama magang.—Matthew 23:8-12; 1 Peter 5:2, 3.
Enda masuk champur ba politik. (John 17:16; 18:36) Taja pia, nembiak iya tetap bebasa sereta nitihka atur perintah. Tu sejalai enggau ajar Bup Kudus ke madah, ‘Utai Raja Besai, beri ngagai Raja Besai. Utai Petara, beri ngagai Petara—Mark 12:17; Rome 13:1, 2.
Nembiak iya nitihka semua ukum Petara ba pengidup sida, tang ba sida tu ukai semina utai ke patut digaga aja. (Epesus 5:3-5; 1 John 3:18) Sida ngereja nya ukai ketegal dipejal, tang ketegal deka nyembah Petara ari ati.—1 Timoti 1:11.
Nembiak iya mimit agi dibandingka enggau pengarap bukai. (Matthew 7:13, 14) Sida selalu enda tentu dikeibuhka, dikelese, sereta diperinsa ketegal ngereja utai ke diasuh Petara.—Matthew 5:10-12.
Pengarap ti bendar ukai semina ‘pengarap ke dikerinduka aku’
Enti kitai milih pengarap ke semina dikerinduka kitai, nya enda manah. Dalam Bup Kudus udah nulis, bisi maya iya mayuh orang milih pengarap ke semina ngajar utai kedeka sida aja. (2 Timoti 4:3) Tang Bup Kudus bisi ngelalau kitai milih, ‘Pengarap ti tuchi, ti bendar di mua Petara ti Apai,’ taja pan pengarap nya enda dikerinduka mayuh orang.—James 1:27; John 15:18, 19.
Nuan Engka Rindu Meda Tu
SAUT NGAGAI TANYA PASAL BUP KUDUS
Nama Patut Digaga Nuan Enti Deka Nemu Mayuh Agi Pasal Bup Kudus?
Enda ngira baka ni chara pengidup nuan, utai ke ditulis dalam Bup Kudus “ukai utai ti kelalu mar dititihka kita, tauka enda ulih dijengkau kita.”
ESSENTIAL BIBLE TEACHINGS
Kati Petara Bisi Nama?
Petara bisi mayuh gelar, nyengkaum Pemadu Tinggi, Penempa, enggau Tuan. Tang, nama Petara Empu bisi dikena kira-kira 7,000 kali ba Bup Kudus.
SAUT NGAGAI TANYA PASAL BUP KUDUS
Baka Ni Jesus Nyelamatka Kitai?
Nama kebuah kitai begunaka Jesus minta ngagai Petara ngarika kitai? Kati pechayaka Jesus nya udah chukup ngambika ulih selamat?
ESSENTIAL BIBLE TEACHINGS
Nama Reti Perintah Petara?
Lebuh Jesus nginjil, iya ngajar mayuh agi pasal Perintah Petara ari utai bukai. Beribu taun, nembiak iya udah besampi ngambika Perintah Petara tu datai.
