Èske Bib la kapab ede m si m ap viv ak gwo pwoblèm sante?
Repons Bib la bay
Wi. Bondye enterese nan sèvitè l yo ki malad. Konsènan yon sèvitè Bondye ki te fidèl, Bib la di: “Jewova ap ede l pandan l kouche sou kabann li tou malad.” (Sòm 41:3). Si w ap viv ak gwo pwoblèm sante, twa etap ki vin apre yo kapab ede w andire:
Priye Bondye pou w jwenn fòs pou w andire. Ou kapab resevwa “lapè Bondye, ki depase tout sa moun ka konprann”, sa k ap ede w sispann bay tèt ou pwoblèm e sa ap ede w andire pi fasil (Filipyen 4:6, 7).
Ou dwe rete pozitif. Bib la di: “Kè kontan bay lasante. Men, lè ou kagou, w ap deperi sou pye.” (Pwovèb 17:22, Bib la). Ou dwe renmen ri, lè w fè sa, sa ap ede w nonsèlman chase strès, men tou sa ap bon pou sante w.
Bati esperans ou sou lavni. Yon bèl esperans kapab ede w gen kè kontan malgre gwo pwoblèm sante (Women 12:12). Selon Bib la, nou pral viv talè konsa nan yon epòk kote “pa gen yon moun nan peyi a k ap di: ‘Mwen malad.’” (Ezayi 33:24). Bondye pral geri tout gwo pwoblèm sante lamedsin pa ka geri jodi a. Pa egzanp, konsènan moun ki vyeyi yo, li di y ap vin jèn e y ap vin an sante ankò. Men ki fason Bib la pale de sa: “Se pou kò l vin pi fre pase lè l te jèn! Se pou l retounen gen menm fòs li te genyen lè l te jèn nan.” (Jòb 33:25).
Note sa: Toutpandan Temwen Jewova yo rekonèt Bondye ap ede moun jodi a, yo chèche èd nan men doktè lè yo malad grav (Mak 2:17). Sepandan, nou pa pwopoze okenn tretman medikal pou moun ki malad suiv. Se chak moun ki dwe pran desizyon pa l nan sans sa a.
Lòt sijè ki enteresan
More Topics
Fason w ka fè fas ak yon pwoblèm sante ki vin sanzatann
Ki konsèy pratik ki nan Bib la ki ka ede w si w vin malad sanzatann?
TOUDEGAD
Lè youn nan konjwen yo bezwen yon èd espesyal
Nou envite w li twa konsèy ki ka ede w nan maryaj ou si mari w oswa madanm ou gen yon maladi ki pa ka geri.
KESYON JÈN YO KONN POZE
Ki sa pou m fè si m gen yon gwo pwoblèm sante? (1ye pati)
Kat jèn k ap esplike sa k te ede yo fè fas ak pwoblèm yo jwenn akoz maladi e sa k te ede yo kenbe yon atitid pozitif.
ANSÈYMAN FONDAMANTAL KI NAN BIB LA
Poukisa Bondye pèmèt soufrans?
Anpil moun ap mande poukisa monn nan chaje ak lahèn ak soufrans konsa. Bib la bay yon repons ki bay satisfaksyon e ki konsole moun.
ESPLIKASYON SOU KÈK VÈSÈ
Esplikasyon sou Filipyen 4:6, 7 — “Pa enkyete nou pou anyen”
Ki kalite priyè yon sèvitè Bondye kapab fè pou ede l gen mwens enkyetid e pou l santi l anpè?
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.