Ki sa k ka bay kè kontan nan yon fanmi?
Èske w panse se...
-
lanmou?
-
lajan?
-
yon lòt bagay?
MEN SA BIB LA DI
“Byennere moun ki tande pawòl Bondye e ki pratike l!” — Lik 11:28, Tradiksyon monn nouvo a.
BYENFÈ SA KA POTE POU OU
W ap jwenn vrè lanmou. — Efezyen 5:28, 29.
W ap jwenn bonjan respè. — Efezyen 5:33.
W ap santi w an sekirite toutbon. — Mak 10:6-9.
ÈSKE NOU KA KWÈ NAN SA BIB LA DI YO TOUTBONVRE?
Wi, pou omwen de rezon:
-
Se Bondye ki kreye fanmi. Labib di se Jewova Dye “ki pèmèt tout fanmi [...] egziste”. (Efezyen 3:14, 15.) Sa vle di se Jewova ki kreye fanmi. Poukisa li enpòtan pou n konn sa?
Fè yon ti reflechi. Si w t ap manje yon bon ti manje e w ta renmen konnen ak ki sa l fèt, ki moun ou t ap mande? Nòmalman, se moun ki fè manje a ou t ap mande.
Menm jan an tou, pou nou konnen ki sa k ka fè yon fanmi gen kè kontan, l ap bon pou nou chèche enfòmasyon nan men Jewova, Sila a ki kreye fanmi an. — Jenèz 2:18-24.
-
Bondye gen sousi pou nou. Li bon pou fanmi yo suiv konsèy Jewova bay nan Pawòl li a. Poukisa? “Paske li gen sousi pou nou.” (1 Pyè 5:6, 7). Jewova vle pou tout bagay mache byen pou nou. Konsèy li toujou bay bon rezilta! — Pwovèb 3:5, 6; Ezayi 48:17, 18.
FÈ YON TI REFLECHI
Ki jan w ka yon bon mari, yon bon madanm, oswa yon bon paran?
Bib la reponn kesyon sa a nan EFEZYEN 5:1, 2 ak KOLOSYEN 3:18-21.
Lòt sijè ki enteresan
REVEYE N!
Konsèy saj ki bay kè kontan nan yon fanmi
Ki sa mari yo, madanm yo, paran yo ak timoun yo ka fè pou gen kè kontan nan fanmi an?
REPONS BIB LA BAY
Èske Labib ka ede fanmi m viv ak kè kontan?
Konsèy saj ki soti nan Bib la deja ede plizyè milyon gason ak fi pou fwaye yo gen kè kontan.
REVEYE N!
Sekrè pou fanmi yo reyisi: Travay ann ekip
Èske moun ou marye avè l la tankou yon moun ou jis ap viv nan menm kay avè l?
ENFÒMASYON SOU NOU
Poukisa nou dwe etidye Labib?
Labib ap ede plizyè milyon moun toupatou sou tè a jwenn repons gwo kesyon yo. Èske w ta renmen youn nan moun sa yo?
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.
