Isaia 35:1-10
35 Taunimanima lasi gabuna bona ranu lasi tanona do idia moale,+Bona tano kaukau palakana do ia moale bona flaoaflaoa amo do ia honu.+
2 Unai tano ai flaoaflaoa do idia tubu.+
Unai tano do ia moale bona boiboi.
Iena hairai be Lebanona bamona do ia lao,+Karamele+ bona Sarona+ edia hairai do ia abia danu.
Idia ese iseda Dirava, Iehova, ena hairai do idia itaia.
3 Idia manoka imana hagoadaia,Bona idia goada lasi tuina hagoadaia.+
4 Edia kudouna ai idia lalohekwarahi taudia dekenai umui gwau:
“Umui goada. Umui gari lasi.
Itaia! Emui Dirava be emui inai taudia panisia totona do ia mai,Dirava be davana henia totona do ia mai.+
Ia be do ia mai bona umui do ia hamauria.”+
5 Unai nega ai matakepulu taudia do idia itaia,+Bona taia kudima taudia do idia kamonai.+
6 Unai nega ai aena dika taudia be dia bamona do idia roho isi,+Bona hereva diba lasi taudia be mai moale ida do idia boiboi.+
Taunimanima lasi gabuna ai ranu momo do ia aru,Bona tano kaukau palakana dekenai sinavai do idia noho.
7 Tano kakoro be ranu gabuna ai do ia lao,Bona ranu lasi tanona ai ranu do ia lohilohi.+
Uda sisia idia laga-ani gabudia ai,+Rei matamata bona siriho do idia tubu.
8 Bona unuseniai haiwei ta do ia noho,+Oibe, unai dala idia gwauraia Helaga Dalana.
Goeva lasi tauna be unai dala ai do ia raka lasi.+
Unai dala ia badinaia tauna sibona be unai dala ai ia raka diba,Bona unai dala ai kavakava tauna ta do ia raka lasi.
9 Unuseniai laiona ta do ia noho lasi,Bona dagedage animal ta be unuseniai do ia mai lasi.
Unai bamona gauna ta be unuseni do ia noho lasi,+To ia hoia lou taudia sibona be unai dala ai do idia raka.+
10 Iehova ese ia hoia lou taudia be do idia giroa lou+ bona mai moale bada ida Siona dekenai do idia mai.+
Do idia moale ela bona hanaihanai.+
Idia dekenai hanamoa bona moale bada do ia noho,Bona lalohisihisi bona taitai do idia ore.+
