Dirava Ena Ladana Ibounai Be Hida?
Baibel ena haere
Dirava ena ladana be tamona sibona. Heberu gado ai idia torea יהוה bona english ai be “Jehovah.” a Peroveta tauna Isaia amo Dirava ia gwau: “Lau be Iehova. Unai be egu ladana.” (Isaia 42:8) Inai ladana be idaunegai Baibel manuskrip lalonai nega 7,000 ia hedinarai—Dirava ena dagi ladana ma haida eiava tau ta ena ladana hegeregerena lasi. b
Iehova be mai ena ladana ma haida, a?
Baibel ese Dirava ena ladana tamona sibona ia gwauraia, to Iehova ena kara hahedinaraia totona dagi ladadia bona ena kara ta ta ia gwauraia. Henunai ia noho lista ese unai ladana bona kara haida ia hahedinaraia.
Dagi Ladana |
Refrens |
Anina |
|---|---|---|
Allah |
(lasi) |
Arabic gado amo inai hereva “Allah” idia abia, ia be dagi ladana anina be “Dirava.” Arabic ena gado hahanaia taudia bona gado ma haida ese inai ladana, “Allah” idia gaukaralaia, ena anina danu be “Dirava.” |
Siahu Ibounai |
Iena siahu be bada herea. Heberu gado herevana ʼEl Shad·daiʹ, “Siahu Ibounai Diravana,” be nega 7 Baibel lalonai ia hedinarai. |
|
Alepa bona Omega |
“Ginigunana bona ginigabena,” eiava “matamana bona dokona,” anina be Iehova vairana ai bona murina ai Siahu Ibounai Diravana ma ta be lasi. (Isaia 43:10) Alepa bona Omega be Greek alfabet ena leta ginigunana bona ginigabena. |
|
Idaunegai Ia Noho Diravana |
Ia be matamana lasi; ia noho hanaihanai, tau ta eiava gau ta ia do noho lasi neganai ia noho.—Salamo 90:2. |
|
Havaraia Tauna |
Gau ibounai ia havaraia. |
|
Tamana |
Mauri henia tauna. |
|
Dirava |
Ita tomadiho henia diba; Goada Diravana. Heberu herevana ʼElo·himʹ ese Iehova ena hairai, hemataurai karana, eiava ena kara namo ibounai ia hahedinaraia. |
|
dirava ibounai edia Dirava |
Atai Momokani Diravana be, haida ese idia tomadiho henia “anina lasi diravadia” amo ia idau.—Isaia 2:8. |
|
Hadibaia Tauna Badana |
Hadibaia dala maorona bona hakaua daladia ia henia.—Isaia 48:17, 18. |
|
Havaraia Tauna Badana |
Gau ibounai ia havaraia.—Apokalupo 4:11. |
|
Moale Diravana |
Iena gaukara dekenai ia moale bada.—Salamo 104:31. |
|
Guriguri kamonai Diravana |
Mai abidadama ida ia dekenai ita gwauraia guriguri ta ta ia kamonai henia. |
|
Dahaka ai Lau Ura Sibona Lau Halaoa be Do Lau Halaoa |
Esodo 3:14, Nega Matamata Trensleisen |
Ena ura ia hagugurua totona dahaka ai sibona ia halaoa be do ia halaoa. Unai hereva ese ita ia durua siri 15 amo Iehova ena ladana ita hahedinaraia totona.—Esodo 3:15. |
Iehova Ia Ura Ia Sibona Umui Tomadiho Henia |
Esodo 34:14, Nega Matamata Trensleisen |
Iehova ia ura lasi Dirava ma ta ita tomadiho henia. |
Noho hanaihanai King |
Ena lohia siahuna be mai ena matamana eiava dokona lasi. |
|
Lohiabada |
Heberu ai ʼA·dhohnʹ bona ʼAdho·nimʹ be lohia eiava biaguna. |
|
Iehova Sabaota |
Aneru tuari orea badana ena gunalaia tauna. Inai dagi ladana “Iehova Sabaota” ena anina ma ta be “ tuari oreadia edia Iehova” bona guba tuari orea edia Lohiabada.—Roma 9:29, Nega Matamata Trensleisen. |
|
Ataiai Momokani Dirava |
Guba ai iena be siahu bada; Siahu ibounai lohiabada. |
|
Helaga Herea Diravana |
Mauri gaudia ma haida amo ia be (goeva momokani) helaga momokani. |
|
Uro Karaia Tauna |
Ia be mai ena siahu ita ta ta bona bese ibounai ia biagua totona, uro karaia tauna be mai ena siahu raro ia biagua hegeregerena.—Roma 9:20, 21. |
|
Hamauria Tauna; Hoia Lou Tauna |
Isaia 41:14 Nega matamata Trensleisen |
Iesu Keriso ena boubou gauna amo ita be kara dika bona mase amo ia hoia lou eiava hanamoa.—Ioane 3:16. |
Nadi |
Ia be heau mauri gabuna bona mauri ena badina. |
|
Hamauria Diravana |
Dika bona hadikaia karana amo ita ia hamauria. |
|
Mamoe Naria Tauna |
Salamo 23:1 Buka Helaḡa |
Ia idia tomadiho henia taudia ia laloa bada. |
Siahu Ibounai Lohiabadana |
Heberu gado ai ʼAdho·naiʹ iena siahu be Ataiai Momokani. |
Heberu Toretore ai gabu ladadia
Baibel lalonai gabu haida edia ladadia ese Dirava ena ladana ia hahedinaraia, to unai ladadia ese Dirava ena ladana ia haidaua lasi.
Gabu ladana |
Refrens |
Anina |
|---|---|---|
Iehova-ire |
“Iehova ese Do ia henia.” |
|
Iehova-nisi |
Esodo 17:15, Nega Matamata Trensleisen |
“Iehova be Egu Saini Au,” eiava “pepe” Iehova Dirava ese iena taunimanima be dika amo ia do ia durua, unai dainai ia dekenai idia tabekau diba.—Esodo 17:13-16, Buka Helaḡa. |
Iehova-Saloma |
“Iehova be maino.” |
|
Jehovah-Shammah |
Esekiela 48:35, Nega Matamata Trensleisen |
“Iehova be unuseniai.” |
Dirava ena ladana ena badina ita diba bona gaukaralaia
Dirava ia laloa iena ladana Iehova, be mai anina bada dainai, nega tausen Baibel lalonai ia gwauraia.—Malaki 1:11.
Dirava ena ladana be mai anina bada dainai, iena Natuna, Iesu, be hanaihanai unai ia hahedinaraia. Hegeregere, Iehova ia guriguri henia: “Emu ladana idia hahelagaia” be namo.—Mataio 6:9; Ioane 17:6.
Iehova idia dibaia bona idia ura ena ladana idia gaukaralaia taudia, be guna ia ida hetura karana namona ida hamatamaia be namo. (Salamo 9:10; Malaki 3:16) Unai bamona hetura karana ese idia ia durua, badina Dirava ia gwauhamata: “Ia be lau ia ura henia bada dainai, ia do lau hamauria. Lau ese ia do lau gimaia badina egu ladana ia diba.”—Salamo 91:14.
Baibel ese ia hahedinaraia: “Gau momo idia gwauraia dirava, herevana idia be guba ai eiava tanobada ai, bona “dirava” be momo bona “lohiabada” be momo.” (1 Korinto 8:5, 6) To, ia hahedinaraia goevagoeva Dirava momokanina be tamona ena ladana be Iehova.—Salamo 83:18.
a Heberu ena diba bada taudia be Dirava ena ladana “Yahweh” idia ura henia.
b Dirava ena ladana kwadogina be “Iah” unai ladana be nega 50 bamona Baibel ai ia hedinarai, danu inai hereva “Hallelujah,” eiava “Aleluia” ena anina be “Iehova Hanamoa.”—Apokalupo 19:1; Buka Helaḡa; Nega Matamata Trensleisen.
Reana Inai Danu Oi Ura
BAIBEL HENANADAI EDIA HAERE
Iehova be Daika?
Dirava be bese tamona sibona, hegeregere Israela besena ena Dirava, a?
AI KARAIA GAUDIA
Vadivadi Totona Oi Noinoi
Baibel ena henanadai herevalaia, eiava Iehova ena Witnes taudia io diba namonamo.